الموضوع: من الضابط المختص بسحب الرخصه وهل يجوز عدم اعطاءه ايصال

اللي اعرفة انة لا يجوز

لازم ضابط مرور و لابس ميري

لكن نيابة و مخبرين ومستشارين و امناء قانونا لأ

بس طبعا بلدنا أم الكوسة و محدش فاهم فيها حاجة

انت مفروض ترفض اساساً تورية الرخصة وتقولة يا يجيب ضابط مرور يا تسيبة و تمشي

العيال بتوع النيابة كتروا اليومين دول وشايفين نفسهم شويتين ومحتاجين اللي يفوقهم

لا طبعا لابد من وصل
شئ مقابل شئ
علشان استلم بيها الرخصة

يا جدعان السلطة التنفيذية دلوقتي بقت فوق القانون .. يعني اللي عاوز فيهم يعمل حاجه هيعملها دول بيمشوا بعربيتهم اساسا محطوط لها سوبر فاميه و شايلين النمر و اللي بيشيل النمر بتاعة العربية و يعمل نمرة تفصيل و يكتبلي على عربيته من ورا (ملاكي توتو ) ، بصوا يا شباب فيه مثل جامد اوي بيقول (اللي له ضهر ما يضربش على بطنه) و الله يخليكوا يا جماعه اقفلوا الموضوع ده علشان بيجيب العصبي الله يكرمكوا

القنون بيقول لازم يكون ضابط مرور مرتدى الزى الميرى وفى اثناء تاءديت وظيفته ياعنى وقت عمله ولازم علشان يسحب الرخصه تكون المخالفه تستدعى ده ويجب تحتيها كام خط اعطاء ايصال علشان تمشى بيه لحد متروح تستلم رخصك وتدفع المخلفه ولا تتنازل عن الوصل عشان متتمسكش قياده بدون ترخيص وحلنى عبال متسبت ان انتا معاك رخصه اصلا

كل شىء فى مصر جايز ممكن ياخدوا منك العربية و الرخصة و الحزام كمان

يا حزني عليكي يا مصر
البلضجة اصبحت سمت عام لكل الفئات
زمان كنا نعرف ان دي مقصورة علي طائفة معينة لكن دلوقتي يوجد بلضجة من كل فئة
وفيه فئات من الشعب يعتبرون نفسهم فوق القانون وظروف البلد بتخليهم يعملوا إلي هما عاوزينه ونضرب احنا دماغنا في الحيط
حقيقي انا زهقت واتخنقت ونفسي يبقي فيه حل
موش معقول العيشة في الجو ده

اكيد قانونا لاء بس مصر ليها نظام تاني

الموضوع مش واضح قوى الصراحه
بس مره وقفت فى كمين وواحد لابس ملكى وقفنى وطلب منى الرخص
قلتله تحت امرك بس ممكن اعرف ليه؟ قاللى لآ مش ممكن :)
الصراحه استفذنى جدأ فقلتله " اذا كان الموضوع كده يبقى سيادتك تروح تجيب لى ظابط ببدله ومعاه كارنيهه, ومفيش رخص".. راح بص لى كانه شاف عفريت, وتنح فيا لمده ثانيتين تلاته وبعدين قاللى "اتفضل مع الف سلامه" وسابنى امشى!