المشاركة الأصلية كتبت بواسطة dr ahmed
سلام عليكم جميعا
وكل سنة وأنتم جميعا بخير
ملحوظة تتكرر بشكل منتظم
كل شعبان بالذات فى النصف الأخير بتزيد الخناقات والمشاحنات والشكاوى
دا مالوش علاقة بالحر ولا ضغط الشغل
أعتقد إن دا شغل عمو إبليس
عايزنا ندخل رمضان وبيننا شحناء وبغضاء وخصومة
عايز يحرمنا من مغفرة ربنا وكرمه اللى بيتمنع عن المتشاحنين والمتخاصمين
ياجماعة خلونا أكبر من كده ونعرف خطته لأنها فعلا خطة وواضحة ومتكررة
وأكتر من كده كمان ياريت اللى متخانق مع حد حتى لو التانى غلط فيه يسامحه أو يصالحه
ياريت كلنا نستقبل رمضان بقلوب صافية ونخزى إبليس ومكائده