الموضوع: ايه اللي حصل لما مؤشر البنزين باظ؟ اليكم الحكايه

اول حاجه رحت متصل بالخط الساخن وده كان الساعه 12.30 مساء اول ما اكتشفت المشكله

ورد علي شخص مهذب وقالي لو هتحجز ممكن تاخد في اول الاسبوع اللي جاي بالمناسبه انا اتصلت يوم الثلاثاء فقالي انا علشان الموضوع بتاعك طاريء اتصل بكره وهنحجزلك قولتلوا طيب لو انا هاجي الخميس قالي طيب اتصل بردوا احجز

شكرا شكرا




اتصلت تاني يوم الاربعاء ردت عليه انسه مهذبه برضوا جدا حكيتلها قالتلي اوامرك تحب تحجز امتى قلتلها بكره قالتلي ايه الميعاد اللي يناسبك قلتلها اللي فاضي قدامك قالتلي 8.30 صباحا


تحس ان بتوع خدمة العملاء قلبهم معاك مش بيعاملوك كزبون


ده احساسي من المكالمتين


المهم صحيت الصبح بسم الله الرحمن الرحي بسم الله توكلنا على الله وركبت العربيه وبقول ياهادي وعنك والعربيه مش راديه تدور خالص عشر دقايق دمي فار فيها وسخنت جدا ونويت اروح اقتل قتيل



المهم دارت العربيه واتحركت


وصلت الساعه 8.15 دخلت قابلنيبتاع الامن اخد نمرة العربيه وسالني قلتله انا حاجز قالي اتفضل حالا المهندسين هيبتدوا شغل وفعلا

8.30 بدا الشغل وبدأوا ينادو على الناس كان في قبلي 2

المهم ندهوا روحت طلب الرخصه اخدها اخد البيانات منها طلع رقم الحجز ورقه مكتوب فيها العطل اللي انا بلغت عنه المهم طلعت الورقه اللي نصحتوني بيها وبدأت اقرا له قالي لا حضرتك مبلغ عن عيب عطل السينسور قلتله اه بس انا كنت هقعد املي العيوب دي في التليفون وبعدين انا جيت والا كل عطل هجيلوا في يوم فسكت المهم قالي كل عيوب البنزين السحب وعدم الدواره واستهلاك البنزين دول كلهم هيتعملوا مع السينسور لانهم في جزء البنزبن اما الباقي اللباد العازل للحراره واللمبه باغة الصالون والتكييف وباقي الملاحظات لا



فقلتله لا ماينفعش المهم دخل في الحوار مهندس عمرو شاب مهذب المهم قالي خير قلتله انا مش عايز اعمل صيانه ومش عايز العربيه هاتوا فلوسي وخدوا العربيه وبدأت اتنرفز المهم قالي انا هنا ورشه عايز تغير العربيه مش من عندي قلتله هوا ده ردك على كلامي قلتله انا معايا 1 ملاحظات في ورقه في 5 ايام

اخد الورقه وبص


المهم قالي امسمار اللي ناقص مش ناقص ده تقفيل رينو ووروني العربيه الي في العرض وانا شوفت العربيه رينو لوجان الهاتش باك لقيت المسمار مش موجود



المهم قال لمهندس من اللي موجودين اسمه احمد اخد الورقه وراح اتكلم معاه المهم احمد خرج معايا ودور ما دارتش كتب غياب في الدواره وكتب بقيت الملاحظات في امر الشغل منها البنزين واستهلاكه وكمان التكييف ولمبة الصالمون



المهم دخلت العربيه وعنها وقعدت من الساعه 10 صباحا حتى 4.45 مساء واستلمتها قبل ما استلمها قالي العربيه خلصت وطلعوا جربوها والعيب كان من طلمبة البنزين المهم اتغيرت وطلبت تقرير فقالي احمد مفيش تقرير غير للي بيصلح بفلوس

المهم كلمت عمرو فاكد كلامه بس قالي خد صورة امر الشغل


الناس متعاونه مش بارده ولا بتتلكك بتحاول تطبق النظام وفي نفس الوقت تريح العميل


شكرا ودعواتكم تكون اخر الاحزان والحمد لله