الموضوع: استفسار عن افيو

المشاركة الأصلية كتبت بواسطة down4me

بسم الله الرحمن الرحيم

يا جماعة كنت بفكر اشتري افيو زيرو بس شايف تعليقات كتير على مشاكل في العربية حتى الجديدة منها فهل ده تقفيل مصري و هل الكوري مافهوش مشاكل ؟؟

يا ريت اعرف رايكم و كمان عايز اعرف ايه نظام مراكز الصيانة و قطع الغيار

و لكم جزيل الشكر

بص يا باشا أنا كنت واقع فى نفس المشكله دى من شهرين ، وكنت برضه محتار أشتريها ولا لأ ، بس لما لاقيت فرق سعرها بينها وبين الأوبترا حوالى 9 أو 10 آلاف جنيه ، قولت " يا عم إنت مبتشتريش عربيه كل يوم خليك فى الأكبر وإللى سمعتها أحسن من الأفيو " ..... بغض النظر برضه إنى فى ناس كتير بتشتكى من الأوبترا .

وإتكلمت مع ناس كتير معاهم الأوبترا والأفيو فلاقيت إن أنسبلى إنى أجيب الأوبترا مع فارق السعر علشان تريحنى بعد كده .

لو يناسب حضرتك سعر الأوبترا فأنا بنصحك برضه زى ما ناس كتير نصحونى بيها ...... ولو حاسس إنى فرق السعر بينهم كتير فكل إللى ممكن أنصحك بيه لو قررت الأفيو إنك تخليك فى التقفيل الكورى لأنه بيتهيألى إنه أضمن ..

بس برضه إسأل كويس وروح مراكز الخدمه زى ما قالك الأصدقاء هنا فى المنتدى وإسأل ناس ركباها فى الشارع عن مزاياها وعيوبها لغاية ما تستقر على رأى محدد إن شاء الله ...... وربنا يوفقك فى حاجه كويسه إن شاء الله

نزلت النهاردة يا جماعة المعارض اخد فكرة عن الاسعار و كده و لقيت الاتي :

الافيو مانيوال فول اوبشن ب 76500 تقفيل مصري و الراجل قالي مافيش تقفيل كوري خلاص كل الجديد مصري

الاوبترا ب مانيوال ب 86 الف

النيسان صني بتبدا من 84 الف لحد 100 الف

اما ال رينو سكالا ب 89 الف بس بصراحة عربية مالهاش حل انا ركبت الصني و الافيو و الاوبترا بس ال سكالا دي تحفة اجمل واحدة فيهم و واسعة من جوه عربية حكاية

سالت بردو على الفيرنا لقيتها ب 68 الف بس عربية شكلها يسد النفس

و الاكسنت ب 83 الف

و الله انا بعد تفكير كتير شايف اني افاضل بين الصني و الاوبترا و ال سكالا انا شايف دول احسن تلاتة

تعال نجمع الردود الى انا مقتنع بيها
1_ ابعد عن الرينو لان قطع غيارها غالية جدا مقياسا بالشيفورلية و هيونداي( تابع ملحق السيارات يوم الجمعة هاتشوف اسعار قطع غيارها غالية جدا
الصنى اغلب الى اعرفهم ركبوها ماعجبتهمش بيحسوا انها حاجة عاملة زى التهمة مافيهاش سلاسة
طيب يتبقى الاويترا و الافيو
طبعا الاوبترا لو تقدر توفر فرق السعر
بس مشكلة الافيو ان تقفي الصاج وحش جدا جدا
انا قابلت ناس كثير فى جهاز حماية المستهلك عندهم نفس المشكلة فى التقفيل
فانصحك انك تاخذ عربية تقفيل بعيد عن مصر و دى هاتبقى من غير ضمان لان منصور من ساعة ما صنع لايستورد
ولو هاتلاحظ ان الاوبترا و الاسبارك و الافيو تقفيل كورى مافيش عندهم مشاكل كثير او المشاكل العادية
اما منصور كاتوكيل هو ( احنا دخلين على رمضان و مش عليز ذنوب)\
بس لو تابعت المواضيع فى باقى اقسام المنتدى هاتلاقى كل الوكلاء كدة مابيحبوش يحلوا المشاكل

و بالتوفيق فى الاختيار و خذ وقت كفية لاخذ القرار
و ذى ما د. احمد قال لك روح اى مركز صيانة للعربية الى عايزها و اسئل اصحابها او وانت فى بنزينة شوف عربية بتمون او بتغسل و اسئل صاحبها

المشاركة الأصلية كتبت بواسطة fawzyyyy

ده الكلام اللي من الاخر والله
المنتدي نور والله

دة نورك
المنتدى منور بالسكان الاصلين زى حضرتط

المشاركة الأصلية كتبت بواسطة aymanmaly

تعال نجمع الردود الى انا مقتنع بيها
1_ ابعد عن الرينو لان قطع غيارها غالية جدا مقياسا بالشيفورلية و هيونداي( تابع ملحق السيارات يوم الجمعة هاتشوف اسعار قطع غيارها غالية جدا
الصنى اغلب الى اعرفهم ركبوها ماعجبتهمش بيحسوا انها حاجة عاملة زى التهمة مافيهاش سلاسة
طيب يتبقى الاويترا و الافيو
طبعا الاوبترا لو تقدر توفر فرق السعر
بس مشكلة الافيو ان تقفي الصاج وحش جدا جدا
انا قابلت ناس كثير فى جهاز حماية المستهلك عندهم نفس المشكلة فى التقفيل
فانصحك انك تاخذ عربية تقفيل بعيد عن مصر و دى هاتبقى من غير ضمان لان منصور من ساعة ما صنع لايستورد
ولو هاتلاحظ ان الاوبترا و الاسبارك و الافيو تقفيل كورى مافيش عندهم مشاكل كثير او المشاكل العادية
اما منصور كاتوكيل هو ( احنا دخلين على رمضان و مش عليز ذنوب)\
بس لو تابعت المواضيع فى باقى اقسام المنتدى هاتلاقى كل الوكلاء كدة مابيحبوش يحلوا المشاكل

و بالتوفيق فى الاختيار و خذ وقت كفية لاخذ القرار
و ذى ما د. احمد قال لك روح اى مركز صيانة للعربية الى عايزها و اسئل اصحابها او وانت فى بنزينة شوف عربية بتمون او بتغسل و اسئل صاحبها

و الله يا استاذي الفاضل انت بتقول كلام زي الفل

احب اضيف الاتي :

اولا نشيل بقى الافيو من الحسابات خالص

يفضلنا ال سكالا و الاوبتر و الصني

مشكلة الرينو الازلية قطع الغيار الغالية و كمان مافي حد بيشتغل فيها برة التوكيل ( او قليل يعني )
كمان ال سكالا زي ما حضرتك قلت لسة جديدة و ماحدش عارف ايه نظامها ده غير ان سعر اعادة البيع بتاع الرينو عامة قليل ( بس طبعا لو على الشكل الخارجي تاخد 10/10 احلى من الاوبترا و الصني )

الصني بالنسبة لقطع الغيار هى ارخص من الرينو و اغلى من الشيفروليه يعني في النص

اما بالنسبة للاوبترا فعلا هى احسن الاختيارات قطع غيار و سعر اعادة البيع و كده

بس في حاجتين :

1) راجعت فرق الاسعار في المنتدى و لقيتو كالاتي ( مثال ) :

نيسان صني : فانوس امامى كامل=900

اوبترا : فانوس امامي 790 جنيه

الرينو فلوانس فانـــوس أمامى ـــــــــــــــــــــــــ ـــــــ 1330.00 جم



طبعا ده بالنسبة للسكالا اكيد هاتبقى ارخص شوبة من الفلوانس

اللى عايز اقولو ان فرق الاسعار من التوكيل نفسو مش كبير قوي لكن الفكرة في بره التوكيل يعني الاوبترا بره التوكيل مش هاتحتاس فيها بعكس النيسان و الرينو


2) اخر نقطة احب اقولها و انا شايف انها مهمة جدا

ان من الاخر دي امكانيات و مستويات يعني لو حد مستواه انو يصلح العربية على طول في التوكيل و مش فارقة اوي معاه حتة سعر اعادة البيع يبقى الرينو افضل اختيار

اما لو حد زي بتفرق معاه موضوع الصيانة و قطع الغيار و الكلام ده يبقى الاوبترا هى الاختيار الامثل

و بتاء على الكلام الىى فات كلو ان شاء الله اجيب الاوبترا في اقرب وقت ممكن


شكرا على ردودكم يا جماعة و على تعاونكم

اترككم في رعاية الله و امنه