المشاركة الأصلية كتبت بواسطة خالد
البقاء والدوام لله
بص ياسيدى فى طريقين :
1- من ميدان الحلمية تخش على ميدان المطرية وتكمل لغاية السواح وتمشى فى شارع ترعة الإسماعيلية لغاية مرور عبود وتستمر لغاية المظلات وهيبقى على شمالك نادى أسكو وعلى يمينك سينما مودرن ، تكسر يمين من جنب سينما مودرن وتخش شمال يو تيرن من تحت الكوبرى ، كده أنت فى شارع شبرا من ناحية المظلات تفضل ماشى على طول لغاية التوحيد والنور على يمينك وجامع الخازنداراه فى وشه على شمالك ، بعده بــ 50 متر هتلاقى كلية الهندسة بشبرا بعدها بحوالى 150 متر دوران شبرا تخش يمين ، كده أنت فى شارع روض الفرج ، آخر الشارع ده تلاقى دوران تانى هوة ده دوران روض الفرج ، لو دخلت يمين تطلع على مستشفى الرمد والساحل وكورنيش النيل ، ولو دخلت شمال تطلع على شارع أبو الفرج يعنى سوق الخضار القديم ومنطقة رملة بولاق والكورنيش برضه عند مركز التجارة العالمى ووزارة الخارجية وفندق كونراد
2- من ميدان الحلمية تخش شارع جسر السويس لغاية العباسية مروراً بإشارة روكسى وميدان ابن سندر وجامعة عين شمس ، ثم يمين فى شارع رمسيس لغاية غمرة وتطلع الكوبرى وتنزل من أول فتحة يمين (فتحة شبرا وشارع أحمد بدوى ) تلف يو تيرن وتخش يمين من النفق نفق احمد بدوى وكده أنت فى شارع أحمد بدوى ، قبل الآخر فى أول تقاطع مع شارع الترعة البولاقية تدخل يمين ، كده انت فى شارع الترعة البولاقية تفضل ماشى فيه لغاية مدرسة رمسيس الخاصة على يمينك تخش شمال على شارع خلوصى فى آخره تلقى دوران شبرا تخش يمين وتلف يو تيرن وتخش فى أول شارع يمين أسمه شارع روض الفرج فى آخره نلاقى دوران روض الفرج
دى منطقتى اللى اتربيت فيها ، لو عاوز أى عنوان جوه الدوران بالتفصيل انا تحت امرك