الموضوع: أستفسار خاص بأكسيل

السلام عليكم ورحمة الله
كنت عايز أستفسر عن موضوعين أولا انا عندي هيونداي أكسيل 95 1500cc مانيول لسة جايبها
السؤال الأول ممكن أحول عربيتي لأتوماتيك ولو حد عملها عملها فين وبكام وما هي كفائتها
السؤال الثاني لو ظبط عربيتي في غبور هيكون غالي ولو غالي طيب حد يعرف مركز خدمة مركز صيانة حلو ورخيص يقولي
والسلام عليكم ورحمة الله

اولا بالنسبه لتحويل الاكسيل من مانيوال لاتوماتيك هو ممكن لكن كل التجارب اثبتت ان الناس بتعمل العكس وخاصه فى الاكسيل بالذات وحاول ما تفكرش فى كدا لان الاكسيل عامه تكنولوجى الاتوماتيك فيها مش كويس وبيبوظ بسرعه هو كمانيوال فظيعه وجميله وهتتكلف وعاوزه ضوابط معينه فيها
اعتقد ان فيه موضوع هنا فى المنتدى على القصه دى اما الحاجه التانيه مش هقدر افيدك لانى مش بتعامل مع توكيلات