مغير اويل سيل الباور النهاردو والدركسيون تقيييييييييل اوى ممكن اعرف من ايه

**m0hsen** · 06-08-2010 10:16 PM

متابعك ياباشا وممكن تدينى ايميلك لو سمحت
و99999999 شكر على اهتمامك والله انت رجل سكر

متابع معاك وجربت وتسلم ايدك
يا اجدع ناس عرفتها فى حياتى بس بعد اذن معايك اعدل الدركسيون على عدلته الاصلية ازاى ولسه مشكلة ان الاشارة مابتردش لما بعدل نفسى

انا مستنيك ياباشا

**mmd3** · 07-08-2010 12:00 AM

الاول تعدل الدركسيون
هتشيل دايرة الكلكس اللي عليها الشعار
هتلاقي صامولة ... هوي عليعا شوية بمفتاح العجل وشيلها بس متخلعش الطارة
دور العربية وخليك طوالي ويستحسن لو الشارع مفيهوش ناس كتير ماشية
اعدل مشي العربية في الاتجاة الصحيح
شيل الطارة وركبها صح

لو تشوف موضوع الاشارات
يبقي وانت واقف في مكانك بص علي ظهر الطارة هتلاقي في الدوران زي حيز ولية سن
اتاكد انة مش مكسور

انا قولتلك علي قد ماعرفت عشان عاوزك تهدي شوية وحاسس انك متعصب ومستعجل اوي

لو اصتصعبت الموضوع او خايف حاجة تبوظ يبقي روح لكهربائي وهو هيعمل الشغلانتين

تحذير :- خلي بالك والطارة بتتفك سواء انت او الكهربائي ان في تحتها ورا السوستة بلية صغيرة جدا ودي بتفرك بسهولة اوي لو حد قرص جامد او خبط جامد علي الطارة
ومش بتتغير الا انك بتجيب عمود الدركسيون استيراد ( عن تجربة )

**m0hsen** · 07-08-2010 12:39 AM

الف شكر لمعاليك الله مش عارف اقولك ايه

طيب معلش مش ممكن يكون الدراع بتاع الاشارات ده السنة اللى جوا هى اللى اتكسرت ؟

**Shiref_mohamed** · 07-08-2010 12:55 AM

المشاركة الأصلية كتبت بواسطة m0hsen

متابع معاك وجربت وتسلم ايدك
يا اجدع ناس عرفتها فى حياتى بس بعد اذن معايك اعدل الدركسيون على عدلته الاصلية ازاى ولسه مشكلة ان الاشارة مابتردش لما بعدل نفسى

الأفضل انك ترجع تاني للميكانيكي الى عملك الشغل لأنه ببساطه لما جه يفك علبة الدركيسيون معلمش وضعها مع وضع الطارة عشان لما يجي يركب ترجع الطارة زي ماكانت هو فك اي حاجه وركب اي حاجه ...

الأفضل ترجعله تاني هو مسؤل يظبطها زي ماكانت وخلى بالك متحاولش تفك طارةالانوس بنفسك عشان ديه بتحتاج زرجينة ولو اتفكت كده بالدق عليها بتفرط بلية العمود

**ahmedsrs** · 07-08-2010 01:23 AM

خلى بالك ان الطارة لازم ترجع ذى ماكانت عشان فك وتركيب الطارة اى كلام بيخلى عدد لفات الطارة اليمين مش ذى الشمال وبالتالى بياثر على موضوع رجوع دراع الشارة

**m0hsen** · 07-08-2010 10:01 AM

شكرا اوى على اهتمامكم

بس الميكانيكى ده انا مش عايز اروحله تانى اعمل ايه
هل الكهربائى ممكن يظبطلى كل ده

انا لسه هنا ومستنى الردود

وايه الفرق بين اويل سيل الباور واويل سيل علبة الدركسيون

الخبراء فين انا قاعد مستنى نصايحكم يا جماعة الخير

**Shiref_mohamed** · 07-08-2010 03:43 PM

المشاركة الأصلية كتبت بواسطة m0hsen

بس الميكانيكى ده انا مش عايز اروحله تانى اعمل ايه
هل الكهربائى ممكن يظبطلى كل ده

خلاص روح لميكانيكي تاني والكهربائي ملوش علاقة بالموضوع

**m0hsen** · 07-08-2010 04:22 PM

الف شكر يا استاذ شريف يا محترم

**sala7** · 07-08-2010 08:51 PM

انا ارجح عدم فك الدركسيون بالطريقة دي ( طريقة غير صحيحة)
ظبطة الدركسيون بتيجي عن طريق انك تروح عند واحد بتاع ميزان وهتلاقي قبل بيضات الطرف بتاعة الدركسيون فيه زي دراعين مسكين في التيش بيتحركوا لجوة او لبره عن طريق مفتاح انجليزي بتتعمل الحكاية دي و ما بتاخدش اكتر من 10 دقايق
و دي طريقة افضل بكتير لان فك تارة الدركسيون غلط جدا

**م. محمد نافع** · 08-08-2010 12:40 AM

السلام عليكم
بيتهيالي ان الكوبلن بتاع الدركسيون ليه وضع واحد للتركيب فمش هيركب غلط
اما بالنسبه لضبط الطاره فلو ضبطها من البارات يبقي هيغيرالكسره بتاعه العجل يعني هيخلي الكسره اليمين مش زي الكسره الشمال