شئ غير منطقي

**A7MED_PHARMA** · 06-08-2010 11:50 PM

حازم حبيبي

بص
لو بصيت لكل نقطة لوحدها...هتلاقيها كارثة
يعني
1.زيادة تغطية الصرف الصحي....والصرف الصحي- ماشاء الله- مالي الشوارع ومغرق قرى بحالها
2.مد الطرق ورصفها...ونعم رصف الطرق والله...أنا إمبارح كنت على الزراعي..من أهم الطرق في مصر..وشوف عامل إزاي
العربية عمالة تتمرجح وتاكل نقر وكسور في الطريق بالهبل
3.زيادة المدارس...ونعم التعليم في مصر والله...ومش محتاج أتكلم عن موضوع التعليم
4.إطلاق القمر الصناعي...يافرحتي بالقمر الصناعي المصري...يافرحتي..كده الناس هتلاقي تاكل
5.زيادة المستشفيات ...وإنتوا عارفين المستشفيات الحكومية أكبر مثال للإهمال الطبي في تاريخ مهنة الطب في العالم

هنقول إيه ولا إيه

الكهربا اليومين دول بقت بتقطع في وقت شغلي...لما إتشليت وقرفت
معدل البيع في الصيدلية بيقل للنص..لما الكهربا بتقطع
والمفروض إني ورايا تأمينات وضرايب ورواتب ناس شغالة ..وفواتير كهربا وميه وتليفون
وكمان
يقطعوا عننا الكهربا

حسبي الله ونعم الوكيل

**ahmed-moga** · 06-08-2010 11:50 PM

المشاركة الأصلية كتبت بواسطة A7MED_PHARMA

6 مشاركات أهو
ومحدش إتوقف
إلا لو ناوي تعك في موضوعي...وتتوقف

بس والله يابوحميد
الناس مخنوقة اليومين دوول بشكل خيالي
انا عارف ان القرف الي احنا فيه ..من زمان أوي
بس اليومين دوووول
زاد أوي ...زاد أوي
وإتفضح أوي .

وأنا معاك في موضوع إعفاء القرى من الضرايب العقارية..علشان لما يلموا الفلاحين في عربيات نقل ويشحنوهم على مراكز التصويت
يكونوا عارفين هما هيصوتوا لصالح مين بالتحديد
ياسلام لو الحكومة الحلوة تلغي الجمارك على العربيات الشهرين الجايين دول
تبقا لوووز
أروح أجيب أيفو وأرجع هوا

ماهو علشان الوضع بقي من سئ لأسوء وبقي الفساد لحد اخر شعره في راسك اخاف اقول حاجه

اتوقف فيها وقف نهائي مش من المنتدي بس لأ من جمهورية نايل موتورز كلها هههههههههههه

وبعدين لو الحكومة تلغي الجمارك ........ده انت لسه بتحلم في حلمك القديم السيارات زادت تقريبا5 % يادكتره صح النوم هههههههههههه

وتروح تجيب ايفو بس ده انت تروح تجيب Bmw اعلي فئه ولا بورش ولا جاجور ولا لمبرجيني

حاجات من اللي تعملك تخولف عقلي ههههههههههههه

**AmAhmed** · 07-08-2010 12:12 AM

اعتقد ان هذا ما يطلق عليه ال snowball effect
المسئلة بدأت بعدد واحد حرامي و مرتشي و قاتل
وجد الناس ان المخطئ لا يحاسب بل احيانا يكافئ
فقالوا ليه ما نعملش زيهم و بكده الاعداد في زيادة و كل واحد و قدرته البعض يكتفي بالرشوة و البعض لا يتوقف عند القتل.

اضف الي ذلك ان الناس فهمها للدين بقي ضعيف
ايوة في قنوات دينية و في التزام واضح في الشارع لكنه شكلي و ليس جوهري
و كل واحد و بيفسر الدين علي مزاجه

بغياب الدين و الخوف من ربنا و غياب دور الردع في المجتمع اصبح الناس احرار في خلق المبررات لاعمالهم الفاسدة و اصبحت المفاسد هي الطبيعي و العادي.

المشكلة الاكبر انه و لسه .....
و لسه يا ما حنشوف اسوء من كده بمراحل
لاننا اخدنا اتجاه اللي يروح ما يرجعش اتجاه ال self destruction

ببساطه كده نعتقد كام في الميه من الشعب المصري عنده القدرة علي فهم فكرة ان في حقوق و في واجبات
قلة طبعا و القلة دي لا تسطيع انها تغير اي شئ في المجتمع
و المشكلة الاخري هي الحل و انا لا اجد حلا الا التصحيح الصادم المفاجئ زي مثلا حرب 67 ساعتها بس ممكن نتوقع تغيير ملحوظ في الناس.

**إبراهيم.صادق** · 07-08-2010 12:21 AM

المشاركة الأصلية كتبت بواسطة a7med_pharma

انا بتكلم على وضع البلد في العموم
مش بقصد قانون المرور بالتحديد ...أو تجاوزات الشرطة بالتحديد
أنا بتكلم عن وضع الناس
إنت مش ملاحظ إن أوجاع الناس زادت أوي الأيام دي
وإن الإستهبال الحكومي في فرض القوانين وتحصيل الإتاوات...زاد جدااااااااا

معاك طبعا ان الاوجاع زادت والهموم كترت بس مش بالشكل اللي احنا كلنا بقينا شايفينه في الميديا

هي ايوة المشاكل مرعبة لكن اقصد ان معدل زيادتها هو اللي طبيعي، يعني عايز اقول ان احنا عايشين في المشاكل دي من زمان وحصل لها معدل النمو والتطور الطبيعي لأي حاجة

قانون المرور مجردمثال على الأفعال الحمقاء للحكومة في سنين الانتخابات، ماهو طول ماهما متأكدين ان الشعب في أغلبه سلبي ومش هايخاطر ويضحي عشان التغيير يبقى مش هايهمهم حاجة

بمناسبة الاستهبال الحكومي والاتاوات، تفتكر مثلا ضريبة التركات ورسم الأيلولة وضريبة العاملين بالخارج ... وغيرها وغيرها ... هو ده العادي من حكومة مصر

الويندوز لما بيتقل ويهنج ويعطل الجهاز كله بيبقى لازم يتغير :)

**ahmed-moga** · 07-08-2010 12:27 AM

المشاركة الأصلية كتبت بواسطة hazoom2006

ماهو ده اللى انا بتكلم عليه يا دكتور ان فى ناس شايفة ان ده انجاز كبييييييييييرررر ويستاهل جائزة نوبل وانا بصراحه مش فاهم هيه الناس دى عايشة معانا ولا احنا اللى مش عايشين معاهم

تقريبا كنت قريت موضوع هنا قريب بيتكلم عن ماليزيا - تقريبا الموضوع اسمة النمور الاسيوية -
نها من سنة 1981 لحد 2010 بقت من اقوى الدول الاسيوية بعد الصين واليابان وانها اعتمدت على منهج محمد على فى تطوير التعليم

واحنا خلال نفس الفتره حققنا اعلى معدلات الفساد والبطالة والفقر والغريب ان فى ناس برده مصممة ان ده كويس وتطور مذهل :pointiy2[2]:
ارد عليهم اقول اية ؟؟
ربنا يشفيهم

لسه طمعانين في الحته الباقيه من التورته

**MohaMed_Refaat** · 07-08-2010 02:54 AM

دة بسبب ان الانتخابات الجية حتبقى صوررررررررررررررررررررية
للعبة مضمونة الدستور متضبط والقوانين والقضاء كلة فى الالسطة فال 80 مليون كلهم مش مهم اصواتهم المرة الجية يمكن المرة اللى بعدها يحتجونا يا مين يعيش

**Donzi** · 07-08-2010 03:06 AM

الواحد بجد جالو اكتئاب من اللي بيحصل ده من سىء الى اسواء طب و اخراتها

هما عاوزين الناس كلها يجيلها جلطات و سكتات و تموت عشان العدد يقل شوية

اصلا الناس مابقاش معاهم حاجة الحكومة تسرقها بححححححححححححححححح مفيش الناس نفضط

والله انا اعرف ناس كتير السنة دي قررو مايجبيوش ياميش رمضان ولا حتى بلح عشان يعملو خشاف و اكتفو بالاكل الاساسي اللي هايفطرو بيه كل يوم بسبب الاسعار و الاستهبال