الموضوع: شئ غير منطقي

والله يا دكتور مفيش مواطن مصرى مبيحبش مصر بيحبها مش علشان منصب ولا مصلحة بيحبها علشان بلده

بس فعلا الناس مخنوقه وانا برغم سنى الصغير 22 سنة واتخنقت وانا شايف كل حاجة ماشية بالعكس

بالمناسبة كان فى واحده على الفيس بوك بتتكلم على انجازات الحكومة خلال ال30 سنة الاخيرة

شوف بتقول اية

‫البنية التحتية هى مياه كهربة صرف صحى شبكات تليفون رصف شوارع
ابنية وكل دة الى عملة مبارك وكمان فوق ان هو عمل البنية التحتية عمل 11 محافظة زيادة

وكمان قام باطلاق اول قمر صناعى عسكرى فى الشرق الاوسط وحصريا محصلش الا فى مصر

عمل على زيادة المدارس والمستشفيات فى جميع المحافطات مقارنتا ما قبل 1980

عمل على زيادة المدارس والابنية التعليمية فى جميع المحافظات

ادخل نظام التعليم التجريبى الحكومى واصبح متاح لكل الشعب المصرى دراسة اللغات بدون ان يدفع فى المدارس الخاصة بالالافات والى كانت قاصرة على ابناء الاغنياء فقط

عمل على زيادة عدد الجامعات المصرية فى عدة محافظات بعد ما كان عندنا جامعة القاهرى وجامعة عين شمس والاسكندرية

عمل على رفع مستوى الصحة للفرد بانخفاض معدل الوفيات الى ما بعد سن ال60 وقلة عدد عدد المواليد المتوفية مما ساعد على زيادة عدد السكان

قام بحفر الطرق التى ربطت كل محافظات مصر ببعض وعمل الطريق الدولى وربط مصر بالطريق الدولى

عمل على تطوير الجيش باحدث الاسلحة وتطوير التدريبات العسكرية وجعل الجيش المصرى هو اقوى 3 جيش على العالم

عمل مساعدة المستثمريين فى بناء المصانع والتى عمل بها معظم سكان مصر ودة طبعا مكنش قبل كدة فى ولا مصنع الا الحديد والصلب والاسمنت والمحلة للمنسوجات الان فى اكثر من 20 الف مصنع يعملو فى جميع المجالات وانتاجها يصدر للخارج

فاضى ولا اقول كمان انا بس ايدى وجعتنى من الكتابة
لكن انا ممكن معاك للصبح ارصد انجازات مبارك

التعليم اللى يعتبر هو اسواء الخدمات فى مصر بقى احسن حاجة فى مصر

انا بنقل وجهه نظر واحده المفروض انها مصرية بس واضح انها مش عايشة فى مصر

لله الامر من قبل ومن بعد وان شاء الله فى امل فى التغيير