كلمته الصبح عالميل واطمنت عليه وقالى التفاصيل
عرض للطباعة
كلمته الصبح عالميل واطمنت عليه وقالى التفاصيل
قدر الله و ما شاء فعل و الحمد لله علي سلامتك
100000000000000000 سلامه عليك يا خالد وأتكتبلك عمر جديد وحمد لله علي سلامتك
وقدر الله ماشاء فعل في العربيه وفداك يعم
واحنا معاك لحد ماتهدي ان شاء الله ولو إحتجت اي حاجه انت عارف احنا الحمد لله مابنتأخرش
الف الف الف الحمدلله على سلامتك يا خالد
انا مش عارف اقولك ايه
بس المهم عندنا انك بخير ودي اهم حاجه وربنا يعوض عليك ياخالد معلش متزعلش كل شي بتصلح
المهم انتا الحمدلله بخير
الحمد لله على كل شىء ...
انا مش عارف والله العظيم ارد و اقولكو ايه ..انتو اكتر من اهل و اكتر من الاخوات ..والله العظيم انا مش مصدق نفسى ...
وفعلا ده العشم من رجاله محترمه زيكو ..
وانا الحمد لله روحت عملت اشعه مقطعيه على المخ طلع سليم الحمد لله
بكره هروح لدكتور عظام لانه كان قفل
العربيه تصليح هتعدى ال 50 الف
اتعرض عليا ابيعها على 56 ...
العربيه عندى فى البيت هنا دلوقت جبتها لحد ما اقرر ...لان القرار مش سهل ..تصليح العربيه مش سهل ابدا و هتصرف كتير ...
وبيعها برده قرار صعب جدا ...
العقيد خالد انا عاجز عن الشكر بجد ...محمد damasry شاب مفيش زيه ..سايب شغله و كل الى وراه و معايا من اول اليوم لحد ما مشيت ...بجد يا محمد انت زى احمد اخويه بالظبط ..
مصطفى فاروق ..صديقى العزيز ...برده ساب شغله و فضل معايا طول اليوم ..وعمل اتصالات و سال و كمان بكره هيسال ناس ..شكرا يا مصطفى...
نبيل ..فادى ..جبرييل جابريال عماد غزالى الناس دى كانت متابعه معايا فى الموبيل لحظه بلحظه و كفايه انهم اتصلو يسألو عليا و القلق كان باين على صوتهم
انا لحد دلوقت مش مصدق نفسى ان كل ده بيحصل ...
تفاصيل الحادثه انا مرضتش احكى امبارح لان حالتى النفسيه كانت سيئه و مازالت ..ده غير انى مكنتش عارف افتكر الى حصل ..كل ما احاول افتكر ...مش عارف افتكر غير منظر التصادم ...
هعمل موضوع منفصل فيه التفاصيل و الصور
يا خاااالد
انت فين ؟؟
قافل موبايلك لية ؟؟
مش عارف اكلمك
الحمد لله على سلامتك يا خالد ،فكر كويس و على مهلك و إن شاء الله ربنا يلهمك القرار الصحيح.
ألف حمد الله على سلامتك يا خالد .. ولا مليون عربية تسوى خدش فيك والله
الحمد لله إنك بخير
أنا كلمتك كتير النهاردة بس عرفت إنك غيرت الرقم
إن شاء الله أكلمك بكرة أطمن عليك