ألف حمدلله على السلامة ياخالد باشا
ومعلش متأسف على تأخير ردى عشان لسه شايف الموضوع دلوقتى وعرفت من توقيعك
ألف سلامة عليك ياخالد وفداك اى حاجة
كفاية انك بخير ومنور وسط أهلك دى بالدنيا وما فيها
ورمضان كريم عليك وكل سنة وانت طيب
عرض للطباعة
ألف حمدلله على السلامة ياخالد باشا
ومعلش متأسف على تأخير ردى عشان لسه شايف الموضوع دلوقتى وعرفت من توقيعك
ألف سلامة عليك ياخالد وفداك اى حاجة
كفاية انك بخير ومنور وسط أهلك دى بالدنيا وما فيها
ورمضان كريم عليك وكل سنة وانت طيب
الحمدللة انك سليم
دة بالدنيا وقلبى معاك لانى عشت نفس اللحظة تقريبا بس كانت معى اقل منك
وكان معى الاسرة 6 افراد
عموما الحديد فى دهية سلمتك بالدنيا كلها
الف شكر يا جماعه على الاهتمام ...
الحمد لله على كل شىء ..
والله العظيم انا بدعى من كل قلبى ان محدش يشوف الى انا شوفته ...
الف الف سلامه عليك و الحمد لله انك بخير انا من راي بيع العربيه دي لانك حتي لو ايه حتي لو بيعته و جبت زيه مش هتقدر تركب نفس الماركه
الف سلامه عليك يا خالد
وفداك مليون عربيه
الله يسلمك ...
انا عاوز اقولك ان بعد الى شفته ده ..مش هركب غير سكودا ..ويكفى يا جماعه الامان الى فى العربيه دى ..انا مهما وصفت ..مش هقدر اوصلكو بشاعه الحادثه ..والصور هى تعبير عن جزء بسيط من الطبيعه ...العربيه دى فيها امان عالى جدا جدا يا جماعه ..الناس دى معملتش اسم من فراغ
الله يسلمك يا باشا ...
الحمد لله
الف حمد لله على سلامتك, و أنا حاسس شعورك كويس و متقلقش هتتعافى من الاحساس ده, و طبعا الأمان فى سكودا و فولكس ميخلكش تأمن لعربيات تانية, أنا لسه عامل حادثة من 6 شهور أصعب من ديه شوية بعربية بورا (صحيح راسى اتفتحت بس من كرم ربنا تقريبا حصلى اغماءة و محستش بالخبطة نفسها) و من ساعتها و انا مبنصحش أى حد الا بالالمانى.
المهم لازم ترتاح بسبب الكدمات, أنا بعد ماطلعت من المستشفى و تعافيت تماما و بدات أتغاشم على تفسى بعد الحادثة بأسبوع و بدأت العب ضغط و أنزل امارس حياتى عادى, فجأة و بدون مقدمات بتمطع و أنا فى الشارع راح ضهرى مترقع و شد و طلع حصلى التهاب فى عضلات الضهر و قعدت فى البيت أسبوع تانى, فأهدى على نفسك تماما.
بالنسبة للعربية البيع فعلا أوقع حاجة, الا زى مانصحك أحد الأخوة لو لقيت عربية أختها فى السوق الحرة و يا سلام لو نفس اللون و بسعر مناسب ممكن تفكر فى موضوع تغيير رقم الشاسيه بتقطعوا من عربيتك و تلحموا فى العربية التانية هو و النمر و بكده العربية التانية بقيت عربيتك, المشكلة انه غير قانونى فلازم اليعمل الموضوع ده حد عندو خبرة فى تلحيم أرقام الشاسيه (بس محدش يقولى حرام عشان البلد ديه بتسرقنا بالجبايات العمالة تخدها منا).
عموما ربنا يوفقك للفيه خير ليك
الله يسلمك ..
انا عارف ان حضرتك عملت حادثه ..و الحمد لله انك بخير ..وشفت صوره عربيتك و فعلا كان منظرها فظيع ...
انا دلوقتى مريح فى البيت ..المشكله ان اليوم الى ورا الحادثه على طول و اليوم الى بعده سافرت القاهره و بورسعيد ..من اول اليوم لاخره ...وطبعا ده ترك اسر سلبى على جسمى ..
الحمد لله بدات ارتاح ...امبارح بس نزلت الشغل كتغيير جو لانى زهقت من قعده البيت ..
الحمد لله على كل شىء ..
والعربيه دلوقت مفيش اى تفكير لا فى البيع ولا الاصلاح ..كده كده بايظه ...سايبينها كده بقى شويه تاخد العين و نفكر براحتنا و نظبط امورنا
خالد فيه فكرة في دماغي جربها انت ممكن تبعت لسكودا شكر على الامان اللي عاملينو في العربية و تبعتلهم الصور ممكن هما يحبو ياخدو العربية و يعملو عليها اي دراسات او اي حاجة علشان يحسنو الامان ده و ساعتها ممكن ياخدوها منك بسعر كويس انا مش عارف اذا كان ممكن ولا لأ بس في كل الاحوال انت بتقول شكرا سكودا فقلهالهم هما و لو عندهم حاجة يقدموها
قدر الله وماشاء فعل
الف مليون حمدا لله على سلامتك
الحمد لله انك خرجت سليم وفداك مليون عربيه