هوا بخير والحمدلله
عرض للطباعة
هوا بخير والحمدلله
الف حمدالله على السلامه يا خالد
والعزاء الكبير للاخ سومو
طبعا بيعها واوعى تبهدل نفسك وتتطحن في تصليحها
اسف يا جماعه على التاخير فى الرد ..
انا بس اليومين الى فاتو يعتبر كنت نااايم طول اليوم و بعدين بدأت انزل الشغل لانى اتخنقت من قعده البيت ..وقعدتى فى البيت بتخلينى افكر فى الى حصل و منظر الحادثه و الكلام ده ..فقررت انزل الشغل ..اه مش بعمل حاجه هناك لانى فعلا مش قادر اعمل حاجه ..بدنيا مش قادر و ذهنيا مش عارف اركز اصلا ...
انا الحمد لله كويس ..
شكرا لكل الناس الى اطمنو عليا ...
والله يا جماعه احنا هنا فعلا اكتر من اخوات ...
وكل المساعدات الى اتقدمتلى من اول الحادثه ...لحد هذه اللحظه هى من نايل موتورز ...
الحمد لله انى عضو فى المنتدى ده
الف سلامه والمهم انك طلعت سليم
وكويس انك قدرت ان العربيه حمتك في الحادثه وقررت تركب نفس الماركه
اصل في ناس بتعمل الحادثه ويطلع سليم ويشتم في العربيه واللي صنعها على اساس انه عايزها تتفادى الحادثه لوحدها مثلاً!!
وطالما بتمشي على الطرق الزباله دي حاول بعد كده تركب tire pressure sensor علشان ينبهك لو ضغط الكاوتش قل
الله يسلمك يا باشا ...اقتباس:
المشاركة الأصلية كتبت بواسطة ralliart
انا لا الوم العربيه على اى شىء فى الحادثه ..بالعكس العربيه عملت الى عليها و زياده ..
و من وجهه نظرى العربيه تحس انها ضحت بنفسها عشانى ..
عاوز اقول ان كان معايا ناس ورا ..ولا رابطين حزام ولا فى ايرباج و الحمد لله مفهمش حاجه ..
العربيه الامان فيها عالى جدا جدا جدا
انا لما كنت داخل فى السور بوش العربيه قلت السور ده هيدخلى جوا العربيه
يا اما الموتور هيدخلى ..
والحمد لله الخبطه موصلتش للموتور نفسه اصلا ..
اه الى حواليه راح فى داهيه بس من قوه تحمل العربيه الموتور فضل مكانه و مفيش حاجه جات فيه
والعربيه من جوا سليمه تماما ...
بالنسبه لضغط الكاوتش ..
اعتقد والله اعلم ان الحادثه بسبب قطع فى الكاوتش نتيجه انى دوست على حاجه ..وليس انخفاض فى الغضط لانى حساس اوى فى الحاجات و عندى وسواس دايما من ان العجل مريح ..طول من ماشى كل شويه اسيب الدركسيون و اشوف العربيه هتحدف ولا لا عشان اتاكد ان العجل مش مريح ..
فى النهايه ..احنا نأخذ بالاسباب و الله يفعل ما يشاء ..
خالد باشا هي كانت موديل كام ؟؟
الف سلامه عليك يا خالد
وقدر الله ماشاء فعل
حمد الله على سلامتك يا خالد
وقدر الله وما شاء فعل
ومعلش انك لما نزلت الحرفيين معرفتش اكون جنبك كنت برة القاهرة
لكن الحمد لله
واللي حصل في العربية ده لانهم بيهتمو بنقاط الانهيار الذاتي اللي تدمر فيها العربية من قدام لكن المقوصرة مايحصلهاش حاجة وده اللي شوفته في العربية
عشان كدة العربيات دي بتاخد معدلات عالية في الامان لحماية الركاب
حمد الله على سلامتك وانت تجيب الف عربية مكانها
ولو احتاجت اي حاجة من الحرفيين رقمي معاك انت عارفه طبعا
"وبشر الصابرين الذين اذا أصابتهم مصيبة قالوا إنا لله وإنا اليه راجعون"
الحمدلله ع كل حال والعربيه دي فعلا درجه الامان فيها عاليه اوي
زي ما كريم باشا قال دي نقط الانهيار اللي بتحمي الموتور والكابينه وحتى لو الخبطه وصلت للموتور كانت المنطقه بتاعت قواعد الموتور انفصلت عن العربيه خالصاقتباس:
المشاركة الأصلية كتبت بواسطة khaled ayman
و الكاوتش مش هيفقد الهوا كله مره واحده مهما كان الخرم كبير والجهاز ده بيقول الضغط كل 3 ثواني يعني على الاقل مش هتخش ملف لو الجهاز حذرك واعتقد انت لو كنت ماشي في طريق مستقيم مكانش هيحصل اللي حصل
وكله قدر ربنا
عايزك تدعي بكل ما اوتيت من قوه على اللي رمى الحاجه اللي خرمتلك الكاوتش علشان اكيد دا بني آدم معندوش دم واتسبب في كارثه بسبب غباؤه
والله ببقى ماشي على الزراعي وانا بتشاهد وبدعي متطلعليش مفاجأه وانا ماشي