ساعدونى فى قرار شراء الفيرنا

**ahmad2** · 07-08-2010 02:15 AM

ارجو من حضراتكم مساعدتى فى قرار شراء الفيرنا موديل 2010 وانا شوفتها وجربتها فى التوكيل بس لا حظت انا واطية شويةوده طبعا مينفعش مع شوارع بورسعيد والمطبات وبصراحة معايا اوبل فيكترا مو 93 وعالية بس قررت ابيعهاعلشان التحديث وبيها بارومة ,, وكمان انا مجربتش الفرامل للفيرنا لأنى لقيت كثير من الأعضاء بيقولوا ضعيفة فهل اقدم على الشراء ام اشترى سيارة اخرى وانا حدودى ثمن السيارة الفول اوبشن للفيرنا وهى 68500 بعد ارتفاع الأسعار أرجو الرد بسرعة وشكرا لكم

**ahmad2** · 07-08-2010 08:03 AM

ارجو الرد على مشاركتى بالمساعدة فى قرار شراء فيرنا 2010 فول اوبشن مانوال

**m7mda7md** · 07-08-2010 02:00 PM

العربيه حلوه يا باشا و زي الفل
مشكله الفرامل في السرعات العاليه و مع الوقت بتتعود عليها
انا معايا فيرنا علي فكره بس رأيي تشوف اللوجان و الاسبيرانزا m11
العربيتين تحفه
اتفرج عليهم و قارن و شوف رأي الناس و الخبراء بردو
بالمناسبه بردو انا شفت قطع غيار اللوجان لقيتها تقريبا زي الفيرنا بالظبط

**M.Osman** · 07-08-2010 06:38 PM

ممكن تشوف اللوجان كمان (مع ان شكلها مش عاطفي)... بس متفكرش في الصيني

**fawzyyyy** · 08-08-2010 03:41 AM

علي فكرة عربية جميلة و عملية
هي عيبها بصراحة ان هي واطية شوية بس زيها زي اللانوس
بالنسبة للفرامل فهي كويسة و اكيد طبعا مش قوي في السرعات العالية اصلها مش abs

بس انا رأيي ان هي احسن اختيار في سعرها و الفئة ديه

و ربنا يوفقك في الاختيار
و متنساش صلاة الاستخارة

**wanees** · 08-08-2010 02:58 PM

شوف اللوجان سعرها جيد وتقريبا سعر الفيرنا ولكن مستوي تقفيلها افضل من الفيرنا وقطع غيارها متوفرة ومعقوله السعر

**wanees** · 08-08-2010 03:00 PM

ادخل علي الموقع التالي
قسم خاص بالسيارة لـــوجـــــان - :: نــايــل مــوتــورز:: - :: NileMotors.net ::

**ahmad2** · 08-08-2010 07:00 PM

اشكر اخوانى جميعهم على الردود وانا عملت صلاة استخارة وسألت سواق اجرة للفيرنا قال تقدر تاخد بيها اى مطب طالما مش مركب اسطوانة غاز لها زى الأجرة وحتبقى ملاكى

**osama_ruan** · 09-08-2010 03:16 AM

سيارة ممتازة عن تجربة بس اول ماتجبها غير الكاوتش والجنوط باعرض وهتلاقي ثبات وفرامل مية مية

**mahalfy** · 22-09-2010 09:44 PM

يا باشا انا معايا فيرنا، فعلا الفرامل ضعيفة مع السرعات العالية بس مع الوقت هتلاقى نفسك بتمشى بسرعات معقولة لأن العربية ناعمة و عموما انت مش هتجرى اكتر من 120 و ده تقريبا كويس للفرامل