التسخين مفيد ام مضر

**ldsaklf** · 24-09-2010 02:04 AM

اركب عربيتك شغل موتورك افتح ازازك زلع سيجارتك لو بتدخن زي حلاتي واتحرك بعدها الموضوع دا بياخدلو نص دقيقه ودا كافي جدا للتسخين

**Ahmed Hassan** · 24-09-2010 03:30 AM

فعلا العربيات الجديده مش محتاجه تسخين... بس بردو خلو بالكم ان كل العربيات الجديده المفروض مواصفات الزيت بتاعها زيت تخليقي و ده اللي بيخليها تنفع تمشي من غير تسخين لانه زيت خفيف و مش بيتأثر بالبرد فبيوصل لاجزاء الموتور بسرعه.

**mohamed_mohsen** · 24-09-2010 04:32 AM

المشاركة الأصلية كتبت بواسطة ahmed hassan

فعلا العربيات الجديده مش محتاجه تسخين... بس بردو خلو بالكم ان كل العربيات الجديده المفروض مواصفات الزيت بتاعها زيت تخليقي و ده اللي بيخليها تنفع تمشي من غير تسخين لانه زيت خفيف و مش بيتأثر بالبرد فبيوصل لاجزاء الموتور بسرعه.

طب أنا بحط زيت معدني إيه موقفي كده؟

**meero_boy2000** · 24-09-2010 04:40 AM

طبعا التسخين مهم جداااا لاي عربيه حتي البي ام مينفعش تخرج بيها بارده حتي هتلاقيها بتنتش منك ومش عايزه تمشي ومع احترامي لكل اللي بيقولوا كان زمان ده موتور يعني زمان زي دلوقتي بس متسخنش زياده عن اللزوم والصح اللي في الكتالوج 30 ثانيه حد اقصي في الدايو لانك لو مشيت اصلا من غير تسخين البنزين هيطلع منك ني ومش هيكون محروق وده غلط علي الموتور

**phantiza** · 25-09-2010 12:13 AM

ناس بتقول مهم وناس لا
نسمع كلام مين طيب

**a_elbosaty** · 25-09-2010 12:50 AM

التسخين دا كان زمااااااااااااااااااااااا ااااااان

الخلاصة إن التسخين مش ضروري في العربيات الحديثة مش هايفيد ومش هايضر
والله أعلم

**ahmed1981** · 25-09-2010 01:01 AM

التسخين مهم في كل السيارات سواء حديثة أو قديمة
الإختلاف في أن السيارات الحديثة تقوم بالتسخين أثناء الحركة على عكس السيارات القديمة

راجع الرابط التالي:
http://www.nilemotors.net/Nile/6549-...-benefits.html

**Ahmed Hassan** · 25-09-2010 01:51 AM

المشاركة الأصلية كتبت بواسطة phantiza

ناس بتقول مهم وناس لا
نسمع كلام مين طيب

اسمع كلام كتالوج عربيتك

**mohamedassy** · 25-09-2010 12:07 PM

فعلا بتختلف من عربية للتانية
احسن حاجة اتباع تعليمات الكتالوج بتاع العربية

**F170** · 25-09-2010 12:23 PM

التسخين مهم بس مش اكتر من نص دقيقه او اقل و ده في اغلب العربيات الحديثه او موديلات التسعينات اللي بالكابيراتير
بس المهم انك بعد الحركه ولغايه ما الموتور يوصل لدرجه حراره التشغيل المثلى اللي هي بتكون في اغلب العربيات
90 درجه متجريش ولا تعدي الار بي ام (rpm) عن 2500-3000 لفه علشان لو عدى الرقم ده والموتور بارد بيكون تأثيره ضار على الموتور لأن الخلوص مبين الأجزاء المتحركه (بساتم - بيلات - صبابات - كرنك- ......) موصلتش للحدود الطبيعيه (بالتمدد بالحراره) فبيحصل تجريح وتأكل مبين الأجزاء دي وبعضها و بتكون لزوجه الزيت مش كفايه انها تمنع الكلام ده علشان برضه مبيكونش سخن كفايه

خلاصه الكلام امشي على طول او اقف بعربيتك نص دقيقه بالكتير وبعدها اتحرك بس المهم متجريش بالعربيه جامد وده
حتلاقيه في الكاتالوج عموما بيقولك متزودش في التسخين علشان متهدرش بنزين بس اتحرك بالراحه وتفادى التسارع المفاجئ والجري الجامد بس
اتمنى ان المعلومه تكون وصلت:)

الموضوع: التسخين مفيد ام مضر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رجرجة عند التسخين

ما هى فترة التسخين

فوائد التسخين

التسخين ... التسخين ... التسخين

التسخين فى الصباح

الكلمات الدلالية لهذا الموضوع

المفضلات

المفضلات

ضوابط المشاركة