عطل عداد الكيلومترات كهرباء و لا ميكانيكا و لا إيه؟

السلام عليكم , منذ ساعات و انا راجع فى طريقى بالنوبيرا من القاهرة لاسيوط حصلت مشكلة غريبة قوى مضايقانى قوى قوى , فجأة ابتديت احس ان المسافة لحد اسيوط بتقرب و العدادين فى العربية ما بيتحركوش (عداد الرحلة و العداد الرئيسى بتاع الكيلومترات) و لما صفرت عداد الرحلة علشان اتأكد تبين فعلا ان العدادين واقفين و مش بيتحركوا خالص , المشكلة دى سببها ايه و ايه علاجها و ياترى اروح لكهربائى و لا ميكانيكى و لا لمين بالظبط , يارب يكون اى حد عنده اى معلومة عن الموضوع المحير ده و الجديد خالص بالنسبة لى , على فكرة العربية نوبيرا 2 موديل 2006 عاملة 40210 حسب آخر قراءة للعداد قبل توقفه , و لكم جزيل الشكر.

عليك التوجه الي احد فني العدادات ولو انت نازل القاهرة قريباً اشهرهم الموجود في اول وكالة البلح وهو رجل ممتاز

في إعتقادي انها مشكلة خاصة بسلك الكيلومتر الواصل بين الفيتيس والعداد او مجموعة الترس الصغير الي بيركب السلك فيه في الفيتيس
لا تقلق بسيطة بغ1ن الله والكهربائي يمكن له تغيير السلك ده ويفضل تجيب الأصلي لو فعلا العيب من السلك

روح لكهربائي محترم وهو هيظبطلك الدنيا ان شاء الله

هل و قفو عند رقم معين يعنى فيه أصفار كتير (جمع صفر )
لو كان كده ممكن يكون معلق بس

اقتباس:

---

و لما صفرت عداد الرحلة علشان اتأكد تبين فعلا ان العدادين واقفين و مش بيتحركوا خالص ,

---

المهم

مؤشر سرعة السياره شغال ولا لا

وحاول متصفرش العداد تانى أنت أو أى زميل والسياره متحركه

لأن الطريقه دى بتبوظ التروس البلاستيك بتاعت عداد الرحلات وعداد الرحله

اقتباس:

---

المشاركة الأصلية كتبت بواسطة samirayad

المهم

مؤشر سرعة السياره شغال ولا لا

وحاول متصفرش العداد تانى أنت أو أى زميل والسياره متحركه

لأن الطريقه دى بتبوظ التروس البلاستيك بتاعت عداد الرحلات وعداد الرحله

---

جزاك الله خيرا..أنا دايما كنت بصفر العداد و أنا ماشى.

روح لكهربائي يشوف فيه كهربا واصله له و بعدين شوف ماكينة العداد اللى واصلة للفتيس

اخى حدث معايا حاجة مشابة بس زياده ان مؤشر السرعة كان بينط وساعات بيقف وكده
وانا فى التوكيل العباسية قالولى كده تغير شريحة عدادت و التكلفة 1100 جنية حاجة زى كده
طبعا قلتله لا مش تعمل حاجة لانى جاى اعمل صيانة السيور بس

المهم مشيت وروحت عند واحد مشهور اوى فى احمد سعيد بتاع عدادات
اللى حصل بالضبط هو تنك جدا ههههههههه
قالى افتح كبوت العربية ولما العربية تبرد هاجى
المهم استنيته هو الورشة بتاعته دورين مش بيشتغل خالص قدام الناس
المهم جه بعد شويه
ومد ايده جنب الموتور كده وطلع حاجة مستطيلة سوده
قالى ده تكلفت تصلحها 15 جنية او لو هاتجيبها جديدة هاتبقى 75 جنية
قلتله صالحها
خدها وطلع فوق ونزل بعد شويه وركبها وقالى اطلع جرب وتعالى طلعت لقيت مؤشر السرعة اشتغل تمام بدل ما كان بيقطع وانا ماشى وكان بينط
رجعت حاسبته ومش رضى ياخد فلوس زياده عن ال 15 جنية ومشيت
وكمان كان عندى عداد البنزين بايظ بيجى يقف على الشرطة اللى فوق ومش بينزل تانى لتحت حتى لو خلص البنزين
قالى بيتتصلح وبضمان ب 70 جنية بس لازم تيجى يوم من الصبح

اقتباس:

---

المشاركة الأصلية كتبت بواسطة samirayad

المهم

مؤشر سرعة السياره شغال ولا لا

وحاول متصفرش العداد تانى أنت أو أى زميل والسياره متحركه

لأن الطريقه دى بتبوظ التروس البلاستيك بتاعت عداد الرحلات وعداد الرحله

---

شكرا على المعلومة المهمة دى:verygood:

الف شكر لكل من تفضل يالرد و المشاركة , و احب اطمنكم ان العربية بعد ما وصلت اسيوط و ارتاحت حوالى نصف يوم و لما جيت ادورها لقيت العدادين اشتغلوا لوحدهم , انا مش عارف بقى كانت ايه المشكلة لكن الحمد لله انهم اشتغلوا لان الصنايعية عندنا فى اسيوط مش قد كدة و الحكاية دى كانت هتخلينى اخبط مشوار تانى للقاهرة.

على فكرة الموضوع ده حصل معايا من فترة وكان بيحصل اكثر من كده العداد كان بيلف ويعد لوحده حتى وانا واقف فى الاشارة ( العربية وافقة يعنى )
روحت لواحد كهربائى فى ثانية كان حل المشكلة ولما سالته قالى فى سلكه كانت ملمسه مع الفتيس الموضوع بسيط جدا يعنى