لسه جايب الساجا ومحتاج مساعدتكم

**totosaga** · 07-08-2010 10:20 AM

انا لسه جايب الساجا ومحتاج مساعدتكم لان المنتدى ده الصراحة بعد له الفضل اني اخترت الساجا بعد حيرة كبيرة جدا وعشان كده انا واثق انشاء الله انكم عتساعدوني اول حاجة العربية زادت الف جنيه انا كنت عاوز اتاكد من الموضوع ده انا في كل الاحوال اشتريت بس عشان لو ضحكوا عليا في التوكيل عيبقى ايامهم سودا (دي مبالغة طبعا ) لانهم كانوا محترمين معايا بس انا ما احبش يضحك عليا لاني فوجئت يوم الدفع مش اكتر بس على العموم العربية ما شاء الله هي بيضاء اتوماتيك وانا من اسكندرية بس الملاحظات الاولية ليها انها بتاكل البنزين لما اشغل التكيف بجد مش مبالغة وبعدين السحب بتاعها ضعيف جدا يعني بجيب 70 الاقي صوت الموتور عالي قوي تحس انها مش قادرة تجيب اكتر وبعدين لاحظت وانا دايس فرامل وجبت الغيار دي وانا بسيب رجلي بسمع صوت جامد في الفرامل وعلى انا جديد في السواقة يعني ما كملتش شهر تقريبا واتعلمت على مانويال وطبعا الاوتوماتيك اسهل بكتير بس مهارات الشعب المصري مبهدلاني اقصد سواقين الميكروباسات وقلبل من الملاكي مش معترفين بالاشارات سواء وهما بيجشوا من حارة لحارة او لما ادي اشارة وانا عاوز انقل من حارة لحارة تلاقيهم كابسين يا ليت يا جماعة تفيدوني في الموضوع ده وكمان انا شغلي في التجمع الخامس في مصر وعاوز اعرف ادخل ازاي من بعد الكارتة على الدائري اللي بيوي على كارفور المعادي ياليت ياجماعة وصف يكون دقيق للموضوع ده عشان ما اركبش كوبري غلط واتبهدل وشكرا

**abdoumahros** · 07-08-2010 11:57 AM

الف مبروك
انا معايا ساجا مانيوال الحمد الله كويسه
وبصراحه العربيه اختيار موفق جدا وبنصح بيها كل زمايلي
استهلاك البنزين داخل البلد مع التكييف حوالي 12 كيلو / لتر بنزين 92 طبعا والاستهلاك بيتحسن مع الوقت
العربيه يادوب عامله 2000 كيلو بس
بالنسبه للسحب فهو والحمد الله شديد وده برضه بيزيد بعد التليين
ولو عندك ملاحظات ممكن تسجلها وتروح التوكيل ان شاء الله يحلها لك زي ماحلها لباقي الزملاء وده شئ
عادي بيحصل في كل الماركات
ولو عاوزنصيحتي مدام لسه جديد في السواقه وخصوصا الاوتوماتيك ياريت لو عندك صديق عنده خبره في الاوتوماتيك يجربها ويحكم
وانا تحت امرك في اي استفسار

**vsaga** · 07-08-2010 12:29 PM

عادى ياريس موضوع السحب انا اول ماجبتها برضه فتحت موضوع هنا لان كنت بحس نفس احساسك وانا مانيوال كمان
كنت بحس ان الرابع بيبقى على 80 والموتور صوته عالى وعايز ينقل خامس
بعد صيانة الاف بدات تتحسن شوية وغير كده سمعت من كام واحد ليهم فى العربيات قالى بعد اما تعدى الاف ونص كده وخودها واطلع على طريق زى العين السخنة وقفل عدادك
وفعلا خدتها وجبت 170 وبدات اقرص عليها شوية فى الغيرات وبدا الموضوع فعلا يتحسن ودلوقتى الرابع بيرمنى لحد مية وعشرين مستريح
واستهلاك البنزين بتحسن مع الوقت

**Mohtofy** · 07-08-2010 02:29 PM

المشاركة الأصلية كتبت بواسطة vsaga

عادى ياريس موضوع السحب انا اول ماجبتها برضه فتحت موضوع هنا لان كنت بحس نفس احساسك وانا مانيوال كمان
كنت بحس ان الرابع بيبقى على 80 والموتور صوته عالى وعايز ينقل خامس
بعد صيانة الاف بدات تتحسن شوية وغير كده سمعت من كام واحد ليهم فى العربيات قالى بعد اما تعدى الاف ونص كده وخودها واطلع على طريق زى العين السخنة وقفل عدادك
وفعلا خدتها وجبت 170 وبدات اقرص عليها شوية فى الغيرات وبدا الموضوع فعلا يتحسن ودلوقتى الرابع بيرمنى لحد مية وعشرين مستريح
واستهلاك البنزين بتحسن مع الوقت

:b4_388:إن شاء الله أنا ناوى أعمل الموضوع ده عشان أنا عندى نفس المشكلة الماتور عند 80 وهو على الرابع صوته بيعلى وبيكون عاوز نقلة الخامس