أنا قفلت من العربية دي خلاص

**zizomizo** · 10-08-2010 11:10 PM

الحمدلله بعد طول إنتظار رخصت النهاردة طبعا كالعادة في بلدنا مصر مفيش حاجة بتخلص بسهوله وأسهل حاجة عند الموظفين هي تعالى بكرة ومش مهم أنت سايب شغلك ولا مسافر ولا أي حاجة المهم ببعض التودد والمحيلة على الموظفين خلصنا وطبعا لولا المندوب اللي معايا كنت روحت من أول مرة فوت علينا بكرة لكنه بصراحة صبور وعارف النوعية اللي بيتعامل معاهه المهم أنا خلصت الترخيص وسافرت على مدينة السادات كل اللي قدر أقوله بأختصار بسم الله ماشاء الله العربية دي فعلا قيمتها أكبر بكتير من اللي دفع فيها وأن شاء الله هتابع معاكوا الصيانات أول بأول..... و أخيرا شكرا لسيادة اللواء لمتابعة مشاكلنا حقيقي ده شيئ مشجع ومطمئن أن في رقيب وحد بيحاسب .......... وكل سنة وأنتم طيبين

**Emad Habib** · 11-08-2010 02:28 PM

الف مبروك وربنا يبارك ويحفظك

**zerocairo** · 14-08-2010 07:06 AM

الف مبروك عليك
جيبها ان شاء الله
قريب هتسمعوا منى التفاصيل بإذن الله

**elmanahry** · 14-08-2010 05:25 PM

مليون مبروك ومع مرور الوقت سوف تجد السيارة احسن واحسن ولكن المهم ان تبقى معنا فى قسم ال byd نستفيد بوجود سيادتك وخبرتك شكرا جزيلا ومليون مبروك

**zizomizo** · 15-08-2010 02:30 PM

شكرا يا جماعة على شعوركم الجميل والله أنتوا فعلا بتخلوا ثقة الواحد في العربية دي بتزيد ومكدبش عليكوا أنا كان فكري أن الواحد هيبقى مكسوف ومحروج وهو سايق العربية دي بس العكس تماما ما حدث ثقة كبيرة وفخر من نظرات كل من حولك أنا يوم الأربعاء أول يوم رمضان كنت مسافر أسكندرية أفطر مع الأهل وبصيت في المراية لاقيت صاروخ جي ورايا وكانت عربية bmw والله ياجماعة هدى وفضل ماشي جنبي يتفرج على العربية من ورا ومن قدام طبعا بعد كده مشفتهوش وانا مكنتش عايز أزود عن 100 كيلو في أول ألف بس بصراحة حاجة تخلى الواحد يتعلق ويحب الجميلة أكتر وأكتر وربنا يرزقنا خيرها ويكفينا شرها........أمين