المشاركة الأصلية كتبت بواسطة مصراوي جدا
أنا عايز اتكلم عن مقترح لحل مشكلة واحدة وهي الشوارع الداخلية
طبعا كل الشوارع الداخلية في معظم الأحياء اصبحت ضيقة ولما تلاقي عربية راكنة يمين وعربية راكنة شمال يبقى الشارع مش هيكفي غير عربية واحدة تمشي في النص
طبعا الطبيعي ان المقترح يكون ان جميع الشوارع الداخلية بلا استثناء تتحول الى شوارع اتجاه واحد وده فعلا هيحل المشكلة تماما لكن التجربة العملية اثبتت ان احنا اللي رافضين نمشي في شوارع اتجاه واحد وبنصر ندخل الشارع الاتجاه الواحد من الناحية الغلط ويتكون صفين في وش بعض وعطلة وخناقات وشتايم وخلافة
المقترح بأه هو ان جميع الشوارع الداخلية اللي هي هتكون اتجاه واحد يتعمل في اولها السوستة الحديد اللي بتخرم وتقطع كاوتشات اللي ماشي غلط ده طبعا مع يفط تحذيرية كتير
اعتقد حد قال ان الكلام ده موجود بالفعل في الرحاب بس انا نفسي يتطبق في كل احياء القاهرة وكل شوارعها الداخلية بلا استثناء
فيه مشكلة واحدة ومشكلة حقيقية مش هزار - ان الحديد هيتسرق