تعريفات سبعاوية عصرية للقيادة المصرية

**brown-eyes** · 03-03-2008 06:27 PM

بجد جامدة زي ماتكون قولت اللي في قلب كل واحد فينا

**tutankhamoun** · 03-03-2008 06:40 PM

المشاركة الأصلية كتبت بواسطة sab3aawy

يسار الطريق: فى كل دول العالم اللى بتسوق على يمين الطريق زينا اليسار معمول للتخطى فقط ومن ثم إخلاؤه للسيارات الأكثر سرعة، لكن عندنا يسار الطريق ده لإثبات التفوق ، معنى انك تمشى فى اليمين انك تلموذ لسة بتحسس فى مجال السواقة

الرصيف: مكان لركن السيارات وعرض البقالة والخضر والفاكهة ونصب السلاسل واقامة درجات السلالم، اما المشاه فلهم ربنا

بالفعل أنا مرة وقفت لواحد على الدائري و ركبته معايا و كنتماشي على اليمين علشان كنت ماشي يقريبا على 70
فلقيت أخينا بيقولي أيه ....... هو أنت ماشي على اليمين ليه ....... هو أنت لسه بتتعلم ؟؟؟؟؟؟؟؟؟
أما موضوع الرصيف
فطبعا لصحة الكلام بتاع الأستاذ سبعاوي
إنما أصلا المصريين ما بيحبوش يمشوا على الرصيف أصلا
حتى لو الرصيف كويس وواسع برضه تلاقيهم ماشيين في وسط الشارع و السواقين يخبطوا دماغهم في الحيط
شعب يجيب احباط

**SEATLOVER** · 03-03-2008 06:55 PM

حلوة اوى يا سبعاوى ....تسلم ايدك ...اهوة كدة نورتنا احنا كنا حاسين كدة بردو
ياريت كل واحد منا يكتبها ويعلقها فى التابلوة ادامة ..عشان مننسهاش ..هههه:d:d:d

**Ghamrawy** · 03-03-2008 10:32 PM

إنما أصلا المصريين ما بيحبوش يمشوا على الرصيف أصلا
حتى لو الرصيف كويس وواسع برضه تلاقيهم ماشيين في وسط الشارع و السواقين يخبطوا دماغهم في الحيط
شعب يجيب احباط
كلام تمام يا توت علشان كده الواحد لازم لما يفكر يجيب عربية يبقى لازم عربية بمرايات جامدة تنفع لزغزة المشاه

**Dr Ahmed** · 04-03-2008 12:37 AM

عسكرى المرور: كائن خماسى الأطراف عديم الأهمية مشغول طول الوقت بكتابة أرقام تخيلها فى دفتر المخالفات الملزم بملئه يوميا.

إشارة المرور: وسيلة لإثبات السلطة باختراقها دون أن يوقفك أحد.

المطب الصناعى: وسيلة للهزار بين الدولة والمواطنين على نظام الفوازير لتخمين مكان المطب القادم.

نيابة المرور: معاك واسطة اتفضل ، معاكش قب بالمعلوم أو روح البنك قبل ما تعدى على الخزنة.

ونش المرور: ديناصور مرعب يسير طليقا فى الطرقات المصرية.

(مستوحى من موضوع سبعاوى)

**Chicco** · 04-03-2008 01:21 AM

يا جماعة انا قلت من زمان لازم الاستاذ خالد يعمل كتاب يسميه (سبعاويات)

+111
كلامك كله في الجول يا سبعاوي باشا

**abdelaziz-waleed** · 04-03-2008 01:54 AM

:D:D:D:Dجامدة منك اوييييييييييييييييييي يا ابو السباع
بس السؤال احنا ليه بقينا كدة نفسي اعرف وليه مش عاوزين نبقى آدميين

انا مشعارف اضحك ولا ابكي على حالنا

**محمد عبد العزيز** · 04-03-2008 02:48 AM

الله ينور عليك يا باشا

**Tamer-Ezzat** · 04-03-2008 03:23 AM

المشاركة الأصلية كتبت بواسطة karim_monir

عايز اقترح عليك حاجة يا خالد
ممكن تكتب مقالاتك في ملف ورد او اكسيل وبعد ما تخلص تحولها لملف صورة وتكتب عليها بالعرض سبعاوي والنشر نايل موتورز
حتى لو حد سرقها هاتكون محطوط عليها اسمك بدون تغيير
انا بعمل كدة لما يكون عندي نص عايز احافظ علية من التزوير

معلش يا كيمو باشا اللى عايز يسرق مش حتفرق معاه ممكن يكتب السطور تانى
الواحد بيشوف مهازل فى موضوع السرقة العلمية والادبية دى بالذات ,,

بس بجد بجد مبدع يا سبعاوى باشا ....

ألتقيت بك مرة واحدة فى الاسكندرية مرة واحدة ونفسى تتكرر !! عموما الصيف جاى ومش حتفلت !!