رحت يوم الخميس فرع الصحراوى عشان بعض المشاكل فى الساجا

**Mohtofy** · 07-08-2010 02:00 PM

رحت يوم الخميس فرع الصحراوى عشان بعض المشاكل فى الساجا
أولا" إنطباعى الأول عن التوكيل أنه أقل من المتوسط .... المهم رحت الساعة 9:30 صباحا" وكان مهندس أسمه محمد عبدالهادى هو المختص بسماع الشكوى بتعتى وهو إنسان محترم وهادى فى حواره وكانت المشاكل كمايلى:
1- إستهلاك البنزين عالى جدا"
2- الفتيس فيه عضة فى النقلات وتقيل جدا" وغبى
3- زيت الباور نقص بسرعة ( وبالتالى أكشف على علبة الدريكسيون )
4- زرار الزجاج اليمين كان بيعلق
وبدأ مهندس محمد يسمع منى عن إستهلاك البنزين ويقولى أنت بتقيس الأستهلاك إزاى قلتلة بخلى لمبة البنزين تنور وبعدين أروح أمون بنزين 92 ( حوالى 32 لتر ) وبعد كده أصفر العداد وأمشى بالعربية لحد لما اللمبة تنور تانى وأروح أمون تانى برده بنزين 92 ( وبرده حوالى 32 لتر ) وبيكون العداد عامل تخيلوا 265 كيلو ومعظمهم من غير تكييف كمان... قالى لا المفروض يكون المقياس على طريق سريع من طريق داخلى المهم كلمة منى وكلمة منه قالى خلاص هنعمل تنضيف للبوابة وفلتر البنزين بس هيكون بمقابل وكتب باقى الشكاوى فى الورقة وقالى هتستلمها الساعة 1 ولما جيت أستلم العربية قالى تم عمل التالى
تم تنظيف البوابة وفلتر البنزين وفلتر الهواء
تم تشحيم عصا الفتيس + تشحيم أوكر الأبواب
تم تغيير زار الزجاج اليمين
العربية تحتاج إلى تغيير علبة الدريكسيون ( وكان فيه واحد هناك معاه العربية برده قالوله هتغير العلبة ) شكلها كده مشكلة عامة فى الساجا لآن فية كذا واحد هيغير العلبة برده ومهندس محمد إدانى رقم موبايل المهندس المسئول عن قطع الغيار عشان أحجز علبة فسألته طيب ولحد لما تيجى العلبة أعمل أيه فى زيت الباور الناقص قالى هتلها زيت وحته وخليه بين الماكس والمينى فى علبة الباور ( محدش يعرف يارجالة أيه أحسن نوع زيت للباور وأجيبة منين وهيكون بكام ..... ضروووورى )

الفتيس زى ماهوه غبى فى النقل مش عارف أعمله أية قلتلهم فى فرع العجوزة لما عملت صيانة الألف معرفوش يعملوه وقلتلهم فى فرع الصحراوى برده متعملش الواحد خلاص هتجنن من الناس دى

زار الزجاج اليمين بقى كويس
جارى حساب إستهلاك البنزين مره تانية عشان أشوف الحاجات اللى أتعملت دى هتفرق ولا لا .

وعلى فكرة دفعونى 87جنية عشان كل اللى أتعمل وقالولى ده مصنعيات حسبى الله ونعم الوكيل

**eng.m7md.ali** · 07-08-2010 02:10 PM

ربنا يعينك

**elkhouli** · 07-08-2010 07:15 PM

علبة الدركسيون عيب صناعة معروف في الساجا ويتم تداركة حاليا وربنا يستر وماتطولش حكاية توفير علب جديدة

بالنسبة لزيت البور المهندس قالي حط ارخص زيت بور علشان العلبة دي هتترمي فمتستغلاش فيها الزيت علشان تحافظ على فلوسك

فطبعا في زيت ب 18 جنية وفي زيت تاني ب 50 جنية حط أرخص زيت لأن كده كدة هتزود

تحياتي

**أبوعائش** · 07-08-2010 08:26 PM

ربنا يعينك وتتحل كل مشاكلك
انا والد الطفلة اللي اديتها البسكويت على فكره :)

**hatem_hkf** · 08-08-2010 08:34 AM

موضوع تنظيف البوبات الي قالو انهم عملوة ملهوش اي لزمة واحد زميلي عملة معاة برضو ساجا ماتك وكان بيصوت من البنزين وقلولو نظفنا البوبات و فلتر البنزين وجرب لقي كل دة هجس وكلام وخلاص فراح حول العربة لغاز وريح دماغة استهلاك البنزين دة موضوع شكلة كدا ملوش حل وتقبل تحياتي

**vsaga** · 08-08-2010 11:34 AM

ازيك ياريس ايه الاخبار
يباشا انا مشترك معاك فى حجتين اول حاجة كان فعلا الفتيس فى عضة وخصوصا فى النقلة التالتة الكلام ده فضل معايا فعلا لحد 1200 كيلو كده دلوقتى انا عامل 2200 كيلو وكنت قولتلهم عليه فى صيانة الالف وقالوا انهم عاملوا بس الحقيقة دلوقتى الفتيس معايا بس جميل ومبقاش فى عض هو عايز بس ايديك تاخد عليه شوية وهاتلاقيه معاك هايبقى تمام لان هو فعلا فى الاول كنت بحس ان فى عضة غبية
تانى حاجة موضوع علبة الدريكسون وانا لما روحت عملت صيانة الالف قالى هاتغير علبة دريكسون لانه بيسرب زيت ودى لما قرريت شوية فى المنتدى كده طلع ان دى مشكله ان فى خرطومين تحت علبة الدريكسون فيهم واحد اوسع او اكبر من التانى حاجة زى كده وفى ناس حلتها من بره التوكيل انهم عاملوا حاجة فى الخراطيم دى انما التوكيل بيرح دماغه وبيغير العلبة كلها .. بس المهم بقى ادعى ان علب الدريكسون توصل لان اان متصل باستاذ عبد الباسط بتاع قطع الغيار لما عملت صيانة الالف من تلات اسابيع كده وساعتها قالى العلب هاتوصل فى خلال تلات اسابيع ولما كلمته من خمس ايام كده قالى لسة الشخن متطلعتش من ماليزينا وادمها بتاع تلات اسابيع كمان وهو مسجل اسمى اول واحد فى الحجز -- حتة تثبيت يعنى -- فشكلها كده حكاية شخن بقى وعلى متوصل موضوع وقت
موضوع البنزين انا الصراحة فعلا بدأ يتظبط شوية معايا يعنى 32 لتر بيعملوا معايا 350 كيلو فى وسط البلد بالتكيف وكان من غير التكييف عملوا 400
اخر مرة فولت فيها دى بس حصل استهالاك عالى زى مانت بتقول كده بظبط بس ده عشان انا لما جيت افول دخلت بنزين مكنش فيها 92 فحطيت خمسة لتر 90 وبعد كده دخلت على بنزينة تانية كملت الباقى 92 فده خلاى التفويلة كلها المرة دى تعمل معايا بتاع 280 كيلو بس بقيت فعلا مستغرب معقولة لغبطة بنزين تعمل كده ؟؟ !!
عالعموم انا هاروح النهاردة افول واحسبها تانى للمرة التالتة واقولك

**Dr.Islam** · 08-08-2010 08:36 PM

المشاركة الأصلية كتبت بواسطة vsaga

ازيك ياريس ايه الاخبار
يباشا انا مشترك معاك فى حجتين اول حاجة كان فعلا الفتيس فى عضة وخصوصا فى النقلة التالتة الكلام ده فضل معايا فعلا لحد 1200 كيلو كده دلوقتى انا عامل 2200 كيلو وكنت قولتلهم عليه فى صيانة الالف وقالوا انهم عاملوا بس الحقيقة دلوقتى الفتيس معايا بس جميل ومبقاش فى عض هو عايز بس ايديك تاخد عليه شوية وهاتلاقيه معاك هايبقى تمام لان هو فعلا فى الاول كنت بحس ان فى عضة غبية
تانى حاجة موضوع علبة الدريكسون وانا لما روحت عملت صيانة الالف قالى هاتغير علبة دريكسون لانه بيسرب زيت ودى لما قرريت شوية فى المنتدى كده طلع ان دى مشكله ان فى خرطومين تحت علبة الدريكسون فيهم واحد اوسع او اكبر من التانى حاجة زى كده وفى ناس حلتها من بره التوكيل انهم عاملوا حاجة فى الخراطيم دى انما التوكيل بيرح دماغه وبيغير العلبة كلها .. بس المهم بقى ادعى ان علب الدريكسون توصل لان اان متصل باستاذ عبد الباسط بتاع قطع الغيار لما عملت صيانة الالف من تلات اسابيع كده وساعتها قالى العلب هاتوصل فى خلال تلات اسابيع ولما كلمته من خمس ايام كده قالى لسة الشخن متطلعتش من ماليزينا وادمها بتاع تلات اسابيع كمان وهو مسجل اسمى اول واحد فى الحجز -- حتة تثبيت يعنى -- فشكلها كده حكاية شخن بقى وعلى متوصل موضوع وقت
موضوع البنزين انا الصراحة فعلا بدأ يتظبط شوية معايا يعنى 32 لتر بيعملوا معايا 350 كيلو فى وسط البلد بالتكيف وكان من غير التكييف عملوا 400
اخر مرة فولت فيها دى بس حصل استهالاك عالى زى مانت بتقول كده بظبط بس ده عشان انا لما جيت افول دخلت بنزين مكنش فيها 92 فحطيت خمسة لتر 90 وبعد كده دخلت على بنزينة تانية كملت الباقى 92 فده خلاى التفويلة كلها المرة دى تعمل معايا بتاع 280 كيلو بس بقيت فعلا مستغرب معقولة لغبطة بنزين تعمل كده ؟؟ !!
عالعموم انا هاروح النهاردة افول واحسبها تانى للمرة التالتة واقولك

على فكرة البنزين بقى مغشوش و فعلاً الأستهلاك زاد في عربيتين اعرفهم- سيراتو و لانوس- لما حطو من أمارات مصر أو وطنية الأستهلاك بقي زي الأول,,, انا مش بعمل اعلان لحد بس ده واقع حصل قدامي.

**Mohtofy** · 08-08-2010 09:57 PM

المشاركة الأصلية كتبت بواسطة tamelhana

ربنا يعينك وتتحل كل مشاكلك
انا والد الطفلة اللي اديتها البسكويت على فكره :)

اهلا" وسهلا" بحضرتك ... صحيح رب صدفة خير من ألف ميعاد

سلامى لحضرتك وللأمورة الصغيرة وربنا يباركلك فيها وتشفها أجمل عروسة فى الدنيا

الموضوع: رحت يوم الخميس فرع الصحراوى عشان بعض المشاكل فى الساجا

LinkBack

أدوات الموضوع

عرض

رحت يوم الخميس فرع الصحراوى عشان بعض المشاكل فى الساجا - انشر الموضوع فى :

-

-

-

-

المواضيع المتشابهه

ايه نوع زيت الباور بتاع الساجا عشان نقص عندى

حدث فى امارات مصر قبل بوابات الصحراوى اسكندريه يوم الخميس 22/7

الحمد لله إستلمت الساجا أخيراً يوم الخميس ولسه الورق

منع سفر النقل على الطريق الصحراوى ايام الخميس والجمعه والسبت طوال الصيف

عشان الرينوهاوية اللي فاتتهم الخروجة ما يزعلوش - مقابلة يوم الخميس 22 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة