-
برجاء الافادة فليشيا 95
السلام عليكم
انا كنت محتار اكتب الموضوع في الورشة ولا هنا بس قلت التخصص مطلوب و القسمين في منتدة واحد :)
حكايتي ببساطة مع فليشيا 95 العربية مش بتعاتي بس هي معايا من 3 سنين المشكلة ان مكنش فيه اي نوع من انواع الصيانة و بالتالي ليا معاها قصص كتييييير.
بدون اطالة المشكلة الحقيقية بدأت من حوالي شهر ونص غيرت زيت و فلتر و زي ما يكون العربية ركبها عفريت المهم ودتها للميكانيكي غيرنا بوجيهات و فلتر هوا و فلتر بنزين و روحت استلمها منه - هو مش ميكانيكي قوي هو مركز خدمة في مدينة نصر - المهم كانت الحالة بتاعت العربية انها كدة محتاجة عمرة و طقم شنبر و ممكن يكون فيها شغل في وش السلندر و كلام كتير و سألته لو يشتغل فيها هو قالي مفيش مشاكل و انا اثق في الشغل اللي هايطلعه رغم انه ممكن يكون غالي بس حسيت ان العربية مش على مزاجه او انها قديمة و راح عليها الزمن ويعني هايوافق مجاملة مثلا و طبعا قالي هاتاخد منه من 3 اسابيع لشهر ده شغل ميكانيكا فقط و التكلفة في حدود ال 3000 .
خدتها و كان سحبها مش قوي و الموتور عالي عشان متبطلش و حاجة مش مريحة خالص تحس ان العربية بتطلع في الروح و سخونة جامة جدا لمجرد اني واقف في اشارة .
اسف على الاطالة بس السؤال انا عايز مركز تجديد شامل سواء ميكانيكا و سمكرة و دوكو يعني اروح يكشف على العربية و يقولي على التكلفة و الوقت اللي هايخده في الشغل وتكون حاجة ثقة و شغل محترفين مش اي ميكانيكي -رغم ان فيه منهم اساتذة و التعامل بتاعهم جميل- بس انا قصدي اي مكيانيكي و يقولي اسبوع و الاسبوع يجر لشهر و ميحسسنيش انه هايشتغل في العربية صدقة لا ده شغله انه يقوم العربية على رجلها تاني .
يا ريت لو حد عنده معلومات او تجربة زي كدة او نصيحة يفيدني ......
-
شوف يا باشا ..... انا معايا سكودا فيفوريت موديل 94 وهو هو نفس الموتور بتاعك لوعاوز ميكانيكي جامد وأمين وسريع روح للميكانيكي بتاعي .
هو موجود في العجوزة روح شارع نوال وانت نازل من كوبري الدقي هتدخل يمين شارع نوال في اول يمين تاني شارع سليمان جوهر هتلاقي على ايدك اليمين ورشة منير الهندسية روح للباش مهندس صاحب الورشة وقولة انا عاوز الاسطى احمد هو اللي يشتغل في عربيتي ( انا بعمل كدة ) وماتخليش اي حد غير احمد هو اللي يشتغل ودة ولد شاطر وامين غير باقي الصنايعية اللي في الورشة وصاحب الورشة مهندس كبير في السن وفاهم وبيدير الورشة كويس جدا .واحسن حاجة انك بتحس انك بتتعامل بأمانة وبشياكة في نفس الوقت غير ورش الصنايعية .
وابقا قولي عملت اية .
-
انا متشكر جدا لاهتمامك و انا هحاول اروح في اقرب فرصة و ابلغك بالجديد . الف شكر
Content Relevant URLs by
vBSEO 3.6.0 PL2