هو لو رداخ البنزين فيه مشكله ممكن يزود استهلاك البنزين؟؟؟؟؟؟؟؟؟؟؟؟
عرض للطباعة
هو لو رداخ البنزين فيه مشكله ممكن يزود استهلاك البنزين؟؟؟؟؟؟؟؟؟؟؟؟
رداخ البنزين لو فيه مشكله فنيه
بيختل آداء السياره بوجه عام من جهة سحب السياره وأنتظام حريق المكنه
وبالتالى من الوارد أنعكاس خلل الآداء على زياده فى الأستهلاك من جهة البنزين
___________________
لأنه أساسا طالما هناك حيود عن وضع طبيعى
فتوقع أى شىء وارد
ياريت لو فيه مشكله غيره لإنه تسبب في حريق 128 بتاعتي
منطقيا معتقدش ان الرداخ لة علاقة انة يزود استهلاك بنزين . لو فرضنا مثلا و دا مستبعد ان الرداخ بيضغط بنزين زيادة عن اللازم فعوامة الكاربيراتير بتمنع دخول اى زيادة و ترد من الفايظ ترجع التنك و كمان لو كان بيدى بنزبن زيادة و عدى و دخل الكاربيراتير لخلل فى العوامة كان كل متدور العربية تشرق منك . المتحكم الاكبر فى الاستهلاك هو البيكات و يلزم تغيرها دايما بعد مدد معينة و خاصة بك السرعة
الخلل المشهور فى الرداخ انة يرجع البنزين للتنك يعنى البلوف بتتضعف و النتيجة لما تركن العربية او تبات تغيب فى الدوارة الصبح على ما الرداخ يحضر تانى
النقطة الاخيرة دى فعلا بتحصل معايا يومياَ
لازم احضر للعربية او اكارك اثناء الدوارة علشان تدور العربية
بعد كدة العربية بدور بسلاسة من لمسة وفى اي وقت خلال اليوم
انما الصبح لا .. هل دة يبقى رداخ فعلا ؟ لان الميكانيكى حاول يقنعنى انها مشكلة منة
وطبعا علشان لسة شارية جدد ايطالى اصلي استبعدت دة
لو انت مركب فلتر قبل الكاربيراتير بص علية قبل ما تدور هيبان اذا كان فاضى و لا مليان . لو فاضى يبقى الرداخ بيرجع بنزين . و ممكن غيب الدوارة برضة يكون طقم كهربا وحش او كاربيراتير عاوز تنضيف
طيب ياجماعة انا لما اكون راكن العربية بعد مشوار ببص الاقي نقطتين زيت تحت العربية بعيد عن الكارتيرة وفلتر الزيت روحت للميكانيكي قالي هاحرقلك على الرداخ انا استغربت ايه علاقة الرداخ بالزيت؟ وعلى فكره المشكلة لسة زي ماهي وانا مضايق من الموضوع ده
العربية فيات 132
شكرا
حاول بعد مدة الركن و قبل ما تحركها تنزل تشوف الزيت جاى منين لان مفيش حتة تجيب زيت غير من الموتور اما من الفتيس
يعني ايه رداخ البنزين .. ؟؟
ولا انتوا تقصدوا الرشاش اللي بيغدي الكاربراتير بالبنزين ؟!!!!
رداخ البنزين هو طرمبة البنزين
فلتر البنزين مليان بنزين عادى .. حصلت مرة واحدة انة فضى بعدها محصلشى تانى
طقم الكهرباء تم تغييرة بعد العمرة مباشرة ويتم تغييرة بصورة دورية اكثر حد 600 ك وعارف ان دة قليل جدا طبعا
وان طقم الكهربا المفروض يقعد اكتر من كدة .. الكربراتير تم فحصة من قبل الميكانيكى وتنظيفة وقالى انة جيد
لسة شاكك باردو ف طرمبة البنزين .. يأما كاربراتير مش هيخرج عن الاتنين دول
[QUOTE=nicegypt;3873035863]رداخ البنزين هو طرمبة البنزين
شكرا علي الإفادة :lurk5:
عـــدنا ... على رأي سبيس تون :)
طرمبة البنزين الجديدة اللى اشتغلت لها حوالى شهرين بس غيرتها امبارح رغم انها كويسة
سبب تغييري ان الفلتر احيانا بيكون فاضى ومرة قطع ولما سحبت بنزين مليت الفلتر اشتغل عادى ومعملش المشكلة دى نهائى
سحب ممتاز وكل حاجة .. بتغيب ف الدوارة ساعة الصبح بس والفلتر بيكون فية بنزين بعد النص بشوية
طبعا سألت 2 ميكانيكي مختلفين والاتنين قالو الطرمبة الجديدة الصباع بتاعها ممكن يكون تعبان شوية وقـطع الغيار الجديدة معظمها ضارب غيرها ( قم بتغييرها )
اشتريت واحدة امبارح تانى بـ 65 ج من عند يوسف .. ركبتها والميكانيكى غير صباع بيقول اتاكل حبة رغم انى شايفو كويس
بس قلت مش مشكلة مجتش على عشرة ج .. مشيت من عندة وفلتر البنزين مليان .. دخلت على بتاع الشكمانات اقفل تنفيث واصلح عيب
صنايعي تانى بتاع شكمان كان عمل كوعة غلط .. المهم بصيت ع الفلتر لقيتة فاضى ! .. والعربية مبطلتش .. يعنى الفلتر بيتملى فقط
اثناء الدوارة يعنى لما ادور الطرمبة تضخ بنزين وبعد كدة بح .. والعربية ماشية عادى والسحب كويس مش فاهم دة سببة اية ؟
الطرمبة القديمة مكنتش بتعمل كدة بس مرة الفلتر فضى ولما سحبت منة مشيت عادى ومحصلشى دة .. دة عيب اية من وجهة نظركم ؟
الصباع اللى غيرة الميكانيكى موجود فى المكان اللى بيركب فية الطرمبة ف الماتور
غير هو الصباع دة ركبة ف الماتور وركب الطرمبة علية
اللى بتقول علية سليم . الفلتر بتملى بظروفها لما بيكون جديد . بس لما يبتدى يتسد هتلاقية مليان باستمرار . لسة العملية سالكة . طالما العربية مبتغبش فى الدوارة و كلة شغال تمام متقلقش
موضوع الصباع انت قست اللى ركبة الميكانيكى مقارنتةببتاعك ؟ هل لاحظت فرق فى الطول ؟
اولا ازيك يا استاذ كريم ودائما ارحب بوجودك العطر وردودك
بالنسبة للصباع انا قستة فعلا قبل ميركبة وهو نفس المقاس .. الصباع دة بيلف مع الماتور علشان يشد البلف بتاع
الطرمبة على حسب توقعى .. صحح لى لو كنت مخطئ علما انة قالى انة متاكل حاجة بسيطة وبيلف مع الماتور
بالنسبة للطرمبة هل دة مظبوط ؟ يعنى طبيعي مفهوش مشاكل ؟ القديم كان دايما مليان البنزين مكنش بيروح ويجي زى دة
ولا دة بس علشان جديد
انت قلقان من ايه طلما العربيه تمام و مش بتقطع معاك و مشايه تمام خلاص و انا عندي نفس كلام علي فكره عادي بس انا بلاحظ اني عندي بيحصل كده لما يكون البنزين اوشك علي نفاذ :)
انت جربت يكون فيها بنزين اكتر من 10 ليتر و تشوف هتبقي ايه ؟؟
وتأخير دوران صبح ده عيب كهربا مش مظبوطه
استهلاك بنزين عامل ايه معاك ؟
العربية مفولة قبل مركب الطرمبة الجديدة
تأخير الدواران الصبح لسة موجود بس خفيف يعنى ادور المفتاح بس بدون مضغط اكسراتير تدور وتبطل
ادوار تانى باردو من المفتاح بس تدور .
انا بس قلقان لـ الطرمبة تقطع وهى جديدة .. علما ان القديمة باردو جديدة جبتها فى نص رمضان اللى فات يعنى مكملتش شهر
ولسة عطلانة من يومين بس عيب بعيد عن الطرمبة .. كان المارش قطع شاربون وكنت جايبو استيراد باردو ف رمضان اللى فات قبل العيد بـ 3 ايام . واللى قبلة كان الكهربائى طيرة ودفعتة نص تمنة وشلت النص .
الطرمبة حتى والعربية دايرة ومع مشوار بلاقي الفلتر فاضى . دة اللى قلقنى بس
بص ذي ما بقوللك طلما ماشيه كويس و مش بتقطع معاك و بتجري سرعات و مفيش طقطيع خلاص
و بعدين انت بيقي متهيألك انه فاضي علي الاخر لاء هو بيقي في علي اقل فيه بنزين يساوي تلت مساحه الفلتر مضبوط ؟
اولا اشكرك لزوقك و كلامك
شوف هقولك حسب تحلليى لموضوع الفلتر . زى ما قلتلك هو لسة جديد فخروج البنزين بيكون بسلاسة جدا . لما يبتدى يتسد بيبقى اندفاع النبزين من الكلمبة اسرع من الخروج فبيملى الفلتر . دلوقت انت شايفة فاضى بس هو فى بنزين مغرق الورق الداخلى بدليل العربية دايرة و ماشية ماهو لو كان فاضى مكنتش دارت من اصلة ..
موضوع انها تلقط اول مارش و تطفى دا كاربيراتير و تحديدا الشفاط اعتقد الشفاط عندك سوستة مش يد بتشدها و لا اية ؟؟
لو سوستة فى الكاربيراتير خللى الميكانيكى يظبط السوستة بتاعة الشفاط بس طبعا لازم تكون باردة خالص . لان السوستة بتقفل مع برودة الموتور و لما يبتدى يسخن الموتور بيفتح عشان كدة لازم الموتور يكون بارد لما يظبط . و خصوصا الشتا داخل و هتعصلج معاك اكتر فى الشتا فى الصيف يعنى بيمشى الحال اكتر
كلامك مظبوط 100 % .. نسيت اقول انى مشيت بيها الصبح على سرعة 100 ك سحب وغرز زى الفل
مفيش فرق بين الطرمبة القديمة والجديدة ف السحب .
لو شفت ريجاتا بتعمل غرس ف شارع الهرم اعرف انها انا وانزل اضرب على طول وملكش دعوة ههههههه
بالنسبة للكربراتير المفروض الميكانيكى القديم فكة ونضفة ونضفنا البيكات وظبط السوستة وقالى كلة تمام
وطبعا واضح انة مش تمام خالص .. لاء مفيش يد .. سوستة بس.. هل تعرف حد بتاع كربراتير يكون متخصص كربراتير فقط
لا ضرب و لا حاجة . بس خد بالك انت من نفسك و بلاش شقاوة
معرفش حد متخصص فى الكاربيراتير . اللى اعرفة من زمان فى شبرا بعد سنما شبرا بالاس . بس المفروض اى ميكانيكى محنك يعرف يظبط السوستة و الباب صح
رداخ البنزين بيفضل شغال علطول اول من نفتح الكونتاك ولسة مدورتش العربية ولا المفترض بيحضر ويفصل لحد لما اشغل العربية وبعدين يشتغل وفيه صوت عالى طالع من طرمبة البنزين كانه صوت موتور شغال ومش بيفصل