سؤال عن شراء الماتريكس

**minazaher7** · 03-03-2008 01:12 PM

أنا بافكر أشترى ماتريكس و كنت عايز أعرف هل مع أبو غالى كان فيه مشاكل في الاستلام ؟ يعنى هل بيدوا كل حاجة تخص العربية ( زى الكتالوج, و كتيبات الضمات..الخ) أصلى سمعت ان التوكيل فى عماد الدين او عمارات العبور ساعات بيماطل في الحاجات دى و يقول فى صيانة الألف ابقى استلم الكتالوج و كتيب الضمان.. عشان كدة بفكر أجيبها من أبو غالي الميرغنى وللا اية رأيكو؟؟هل فيه فرق؟ خصوصا انها نفس السعر وقالولى انهم ممكن يعملولي تخفيض علشان اللون اللى انا عايزه مش موجود عندهم
على فكرة انا أول مرة أشترى عربية و مش عارف النظام ايه؟ , أنا ناوى أجيبها كاش و مش عايز وجع دماغ
أفيدونى لو سمحتوا

**minazaher7** · 03-03-2008 08:39 PM

[]أنا بافكر أشترى ماتريكس و كنت عايز أعرف هل مع أبو غالى كان فيه مشاكل في الاستلام ؟ يعنى هل بيدوا كل حاجة تخص العربية ( زى الكتالوج, و كتيبات الضمات..الخ) أصلى سمعت ان التوكيل فى عماد الدين او عمارات العبور ساعات بيماطل في الحاجات دى و يقول فى صيانة الألف ابقى استلم الكتالوج و كتيب الضمان.. عشان كدة بفكر أجيبها من أبو غالي الميرغنى وللا اية رأيكو؟؟هل فيه فرق؟ خصوصا انها نفس السعر وقالولى انهم ممكن يعملولي تخفيض علشان اللون اللى انا عايزه مش موجود عندهم
على فكرة انا أول مرة أشترى عربية و مش عارف النظام ايه؟ , أنا ناوى أجيبها كاش و مش عايز وجع دماغ
أفيدونى لو سمحتوا]

**unounobebo** · 03-03-2008 08:50 PM

انا جبتها من إتدكو اللي في شارع الطيران روحت حجزتها و دفعت 500 جنية حجز و كان ممكن أستلمها في نفس اليوم بس من غير الورق فقلت لأ و أستلمها تاني يوم بالورق بتاعها (الورق عبارة عن ورقة بتاعت الإفراج الجمركي فيها رقم الشاسية بتاع العربية و مبايعة من المعرض بإسمي و مكتوب فيها إنة موزع معتمد لهيونداي ) و الصراحة الناس محترمين جدا و سعرهم زي غبور 89000 الاوتوماتيك بالكاسيت سي دي mp3 , usb , aux ماركة هيونداي و كمان الريموت بتاع العربية اللي لوحدة مش اللي في المفتاح و ماركة هيونداي برضة و معاهم المانوال بتاع العربية و الكاسيت و الكاوتش (بريللي) و ولاعة السجاير و الطفاية و الإريال و الإستبن و الكوريك و العدة .

**unounobebo** · 03-03-2008 08:52 PM

نسيت أقولك إتدكو في شارع الطيران قبل ميدان رابعة العدوية علي إيدك اليمين ،و ربنا يوفقك العربية جميلة و ربنا يدينا خيرها و يكفينا شرها .

**unounobebo** · 03-03-2008 08:55 PM

كان في ناس في غبور معرفة حاولت أجيبها منهم قالولي تستلمي بعد 5 أيام و أنا في المعرض قلت للبنت اللي هناك أنا مستعجلة قالت لي حددي اللون و انا أبعت أجيبهالك دلوقتي و فعلا بعتت جابتها في نفس اليوم بس أنا ما رضيتش أستلمها علشان كان الورق بتاعها جاي تاني يوم .

**minazaher7** · 04-03-2008 06:43 PM

متشكر جدا جدا على الرد بجد استفدت كتير

**minazaher7** · 04-03-2008 06:51 PM

بس فيه حاجة... أنا لما سألت فى أبوغالى لقيت ان الماتريكس المانيوال فيها راديو كاسيت و JVC مش هيونداى , و قالولى ان الأوتوماتيك بس هى اللى فيها سى دى mp3 لكن المانيول لأ,
مش عارف الكلام دة صح وللا ايه؟؟

**minazaher7** · 04-03-2008 08:19 PM

المشاركة الأصلية كتبت بواسطة minazaher7

بس فيه حاجة... أنا لما سألت فى أبوغالى لقيت ان الماتريكس المانيوال فيها راديو كاسيت و JVC مش هيونداى , و قالولى ان الأوتوماتيك بس هى اللى فيها سى دى mp3 لكن المانيول لأ,
مش عارف الكلام دة صح وللا ايه؟؟

أنا ان شاء الله ناوى أشتريها الاسبوع دة أو الجاى بالكتير فياريت أستفيد من خبراكم السابقة و ربنا يباركلكم

**mhalawa** · 05-03-2008 01:49 PM

أنا حجزتها من غبور المهندسين........ ولسا محدش كلمنى من 8 أيام ؟؟ هل لازم أجرى وراهم؟؟

**minazaher7** · 05-03-2008 03:06 PM

أعتقد انه لازم المتابعة و لو حتى بالتليفون
بس هل العربية مانيول وللا أوتوماتيك؟ و بالكاسيت و الانذار وللا لأ؟
أن شاء الله يكون الاستلام فى المعاد و ربنا يوفقك