السلام عليكم .. أنا عضو جديد هنا ويشرفني انضمامي للمنتدى... انا معايا لانوس 2006 اشتريتها مستعملة من حوالي شهرين والنهاردة لما فتحت الكبوت علشان أراجع على البطارية اكتشفت وجود تعريق زيت كدة شوية ولما سألت قالولي ان ده شيء عادي في اللانوس بعد كل فترة لازم فيه جوان معين بيتغير لانه بيعرق زيت ... لكن مش عارف هل الكلام ده صح ولا ايه..وهل ده حاجة خطيرة؟ وايه سببه؟ ياريت لو اعرف رأي الزملاء الخبراء في الموضوع.. مجدي.
لو قصدك تعريق من فوق عند الغطاء بتاع الزيت، يبقى جوان غطاء التاكيهات محتاج يتغير و ده ب 10 جنيه، بس غيره عند ميكانيكى علشان يقرط عليه صح
و اشترى الجوان المحمل... دة بيبقى تخين و بيستحمل
MMamdouh
شكراً جزيلا يا جماعة انتو كدة طمنتوني والله ... طيب معلش استفسار تاني هل لازم في التوكيل ولا عند اي ميكانيكي؟
أى ميكانيكى يركبه، بس التقريط على غطاء التاكيهات ليه اصول، لو دورت هتلاقيه مشروح بالتفصيل فى موضوع فى قسم الدايو
عزيزى
هل تقصد تعريق زيت أسفل الكويل ( المكان الخارج منه سلك البوجيهات )
لأن هناك جوان رفيع تحت قاعدة الكويل
أرجو الرد . وشكرا
+100000000000اقتباس:
المشاركة الأصلية كتبت بواسطة Hossam_Hassan
وخلي بالك ممكن بردوا يكون التعريق جاي من الفاصل بين الموبينه ووش السلندر
وفي الحاه دي محتاج اولسيه وده بــــ 5 جم
هذا الأويل سيل الذى أقصده..اقتباس:
المشاركة الأصلية كتبت بواسطة badblood
أعتقد فعلا انه الاويل سيل لانه مش من فوق من عند الغطاء بتاع الزيت .. النهاردة ان شاء الله هاروح للميكانيكي بعد الظهر ... انا بس مارضيتش اروح امبارح لاني ماعرفش ميكانيكي كويس اثق فيه انه يعمللي شغل فيها...انا اصلي كان معايا قبلها لادا ودي اي حد بيفهم فيها...اشكركم جدا يا جماعة على نصايحكم.
أولا أحب أشكر جداً الأخوة اللي ردوا عليا في المشكلة دي لاني بصراحة قلقت جدا من تعريق الزيت ده..العربية اصلها ماكملتش معايا 3 او 4 اشهر وكمان موديل 2006 يعني ماتوقعتش ان يبقى فيها مشكلة زي كدة .. إمبارح روحت لمركز خدمة لدايو في شبرا قريب مني ولاقيت الناس هناك فاهمة الى حد كبير وطلعت المشكلة في "الاويل سيل" فعلا بتاع الموبينة وغيرته بحوالي 15 جنيه (قال يعني زي التوكيل) ... وبصراحة انا دوست شوية وحاولت اعمل ما يشبه بصيانة الـ 25000 لان العربية عاملة تقريباً حوالي 24000 كم ... غيرت فلتر بنزين وبوجيهات وتيل فرامل أمامي (كانت مش عاجباني الفرامل بصراحة" وكمان زودت زيت الباور وكان فيه لامبة شبورة مش شغالة زبطها وربطت العفشة ...شكرا كمان مرة وانا اسف اني طولت عليكم وازعجتكم...
مجدي
ربنا يوفقك واي خدمة محدش يتأخر على حد هنا خااااااااااااااااااااالص
انت كمان ممكن تغسل المتور من اثار الزيت و تتابع هل فى لسة تسريب ولا لاء
علشان الاويل سيل دا انا غيرتة مرتين و بعد كدة طلع العيب من قاعدة الموبينة نفسها
كانت مقفعة
انا مغير كل الاويل سيل الى فى النتور و حافظهم واحد واحد علشان لو طلعتلك حاجة كمان لاقدر الله :) انا فى الخدمة
مرسيه يا شريف باشا..انا عارف ان الاخوة هنا كلهم ناس فاهمة ومتعاونين..بس السؤال التاني معلش اغسل الموتور ازاي...فيه ناس قالوللي اجيب اسبراي "اس تي بي"...وقالولي بلاش اغسلها في البنزينة علشان كدة غلط...الموضوع ده كان زمان سهل ايام ما كان معايا ال 128 وبعدين اللادا كنت باغسل عادي فمش عارف تنصحوني بايه؟ وشكرا كمان مرة.
عزيزى كلامك صحيح 100%اقتباس:
المشاركة الأصلية كتبت بواسطة Sherif Khalifa
لأنى غيرت هذا الأويل سيل ومازال يوجد عندى رشح زيت
فهل هذا عيب فى القاعدة الألومنيوم التى تحت البوبينة ؟؟؟
أرجو الرد من فضلك لأنى كنت ناوى أغيره للمرة الثانية
وشكرا
انا بغسل المتور كل شهرين تقريبا بمياة و جاز و صبون و مفيش مشكلة خالص الحمد للهاقتباس:
المشاركة الأصلية كتبت بواسطة magdyabulela
انت بس اتئكد ان العامل مغطى المبينة و علبة الفيوزات باكياس بلاستك
الاسبراى و الحاجات دى اعتقد اى كلام و مش هتشيل ترسبات الزيوت و التراب الى لازق فيها زى ضغط المياة
بص ممكن تغير الاويل سيل يكون متعملش كويس يعنى الراجل معملش عزل سيليكون كويساقتباس:
المشاركة الأصلية كتبت بواسطة moby
جرب الحل الارخص الاول
صباح الخير يا جماعة..استمرارا لمسلسل جهلي بميكانيكة اللانوس حصللي النهاردة حاجة غريبة فعلاً وخلتني اكتئب على الصبح: الصبح دورت العربية عادي جداً اشتغلت زي الفل مافيش حاجة دخلت البنزينة وفتحت التنك من جوة وكله تمام فجأة لاقيت العربية فصلت لوحدها وبطلت لوحدها ولا قيت الكاسيت طفى..حاولت ادور العربية مادراتش خالص ومش عاوزة...افتكرت في الاول انها بطارية لكن لاقيت الزجاج الكهربائي شغال والانتظار شغال ولمبة الفرامل كمان شغالة لكن كل الحساسات اللي في التابلوه طافية ومش بتنور والعربية مش عاوزة تلقط دوارة...زقيتها وركنتها في الجراج تاني وطبعا النهاردة الاحد ومافيش حد فاتح .. أفيدوني وسامحوني على جهلي بس والله ده موقف غريب اول مرة اصادفه.
عزيزى هل يوضع سليكون تحت قاعدة البوبينةاقتباس:
المشاركة الأصلية كتبت بواسطة Sherif Khalifa
أم الأويل سيل فقط لأنى فكيته ولم أجد أثر سليكون ..
أرجو الأفادة من الخبراء
وشكرا
راجع على الفيوزات ممكن يكون فيوز اطعاقتباس:
المشاركة الأصلية كتبت بواسطة magdyabulela
عند التغير يفضل العزل بسليكون او جملكةاقتباس:
المشاركة الأصلية كتبت بواسطة moby
انت ملقيتش اثر لسيليكون ممكن تكون متفكتش قبل كدة
و تقفيل الفبريكة بيكون منغير مواد عازلة لاكن مع التغير بيكون حالة المعدم و استوائة مختلفة فل يفضل استخدام مواد عازلة