الموضوع: انا هشتكي لجهاز جماية المستهلك

توكل على الله واعمل شكوى فى حماية المستهلك .... بس فى حاجة عايز اعرفها يا استاذ خالد ... انت عندك ايه ملاحظات حاليا غير تاخر الدوارة ؟

تاخر الدواره بس خلال 24 ساعه من الاصلاح

ياريت لو سمحتم يا جماعه عايز ايميل اشتكي فيه للشركه الام في فرنسا

المشاركة الأصلية كتبت بواسطة ringoo

توكل على الله واعمل شكوى فى حماية المستهلك .... بس فى حاجة عايز اعرفها يا استاذ خالد ... انت عندك ايه ملاحظات حاليا غير تاخر الدوارة ؟

ازيك يا استاذ رينجو كل سنه وحضرتك طيب

انا عندي قلق شديد جدا واحساس بخيبة الامل مخوف من الموقف ده انا مش عايز اشتري عربيه الاسم زيرو واعيش معاها غلب المستعمل ما كنتش بعت عربيتي دي ما اخرتش الدواره الا بعد 15 سنه شغل والله حرام كده انا مش عارف افكر ومتوتر جدااا

المشاركة الأصلية كتبت بواسطة joso

ازيك يا استاذ رينجو كل سنه وحضرتك طيب

انا عندي قلق شديد جدا واحساس بخيبة الامل مخوف من الموقف ده انا مش عايز اشتري عربيه الاسم زيرو واعيش معاها غلب المستعمل ما كنتش بعت عربيتي دي ما اخرتش الدواره الا بعد 15 سنه شغل والله حرام كده انا مش عارف افكر ومتوتر جدااا

وانت طيب يا استاذ خالد
والله انا زعلان جدا بسبب كم الملاحظات المفاجأة لاى شخص معاه العربية اللوجان واللى ظهرت فى عربيتك
وانت عندك حق تعمل كل دة وتقلق وتضايق ... لكن انا عايزك تكون هادئ وان شاء الله كل حاجة حتكون فى افضل حال
عايز اعرف حالة العربية بالتفصيل يعنى عندك ملاحظات تانية غير موضوع الدوارة ولا لو موضوع الدوارة دة اتحل حتكون العربية تمام
علشان تفرق فى الاجراء اللى حتاخده وعلشان مايكنش فى عطلة كبيرة وعايز اعرف كمان اليوم اللى استلمت فيه العربية فعلى يعنى استلمت على الورق يوم كام

المشاركة الأصلية كتبت بواسطة ringoo

وانت طيب يا استاذ خالد
والله انا زعلان جدا بسبب كم الملاحظات المفاجأة لاى شخص معاه العربية اللوجان واللى ظهرت فى عربيتك
وانت عندك حق تعمل كل دة وتقلق وتضايق ... لكن انا عايزك تكون هادئ وان شاء الله كل حاجة حتكون فى افضل حال
عايز اعرف حالة العربية بالتفصيل يعنى عندك ملاحظات تانية غير موضوع الدوارة ولا لو موضوع الدوارة دة اتحل حتكون العربية تمام
علشان تفرق فى الاجراء اللى حتاخده وعلشان مايكنش فى عطلة كبيرة وعايز اعرف كمان اليوم اللى استلمت فيه العربية فعلى يعنى استلمت على الورق يوم كام

استلمت العربيه يوم 29 / 7 / 2010

موضوع الدواره بس دلوقتي بس انا خايف انتا عارف الفهلوة بتاعة المصريين يعني يتعمل اي شغل يظبط العربيه فتره لغاية ما نبعد عن توقيت الارجاع بتاع العربيه اللي هوا 14 يوم من تاريخ الشراء يعني انا لسه ضمن هذا التاريخ وحتى يوم 11 /8 / 2010 اللي هوا يوم الاربعاء

طيب انت حتعمل الاتى النهاردة ان شاء الله تبعت لرينو الشكوى بتاعتك بالانجليزى ... وتذكر فيها رقم شاسية السيارة ورقم تليفونك واسمك واسم فرع التوكيل اللى بتعمل فيه الصيانة و انك من مصر وتذكر فيها انك اشتكيت من تأخر الدوارة للتوكيل والتوكيل عمل فحص ليها ولم تحل المشكلة ... دى اول خطوة وليها مفعول قوى جدا ... ودى الايميلات مش رينو فرنسا بس دى انت بالاميلات دى حتعملهم فضيحة بالاضافة ان الميل حيوصل لمدير التسويق فى مصر ومدير خدمة ما بعد البيع ... خد الايميلات كوبى وبيست من تحت لفوق

"'clients doi'" <clients.doi@renault.com>, "'khaled shalaby'" <kshalaby.auto@eim-eg.com>, "'automotive'" <auto@eim-eg.com>, "'khaled sharaf'" <ksd.auto@eim-eg.com>, "'popa aurelian'" <aurelian.popa@daciagroup.com>, "'tony bamber'" <tbamber.auto@eim-eg.com>, "sherif al alem" <sherif.auto@eim-eg.com>

................................
تانى خطوة .... غدا صباحا ان شاء الله تتوجه الى جهاز حماية المستهلك والاجراء دة انت حتتخذه حتى تحفظ حقك وتكون مطمئن نسبيا
يبقى كدة احنا بنسعى ان العربية تتصلح بواسطة شكوى للشركة الام وفى نفس الوقت يكون فى جهاز حماية المستهلك شكوى من العربية قبل انقضاء فترة ال 14 يوم
وان شاء الله خير وربنا يوفقك ان شاء الله ولا تقلق كل حاجة حتكون فى افضل حال باذن الله ومتابع معاك

متنساش تحط رقم موبيلك
هتلاقي واحد بيكلمك و يقولك تعالي دلوقتي بعد الشكوي لرينو فرنسا
عن تجربه