حدائق اكتوبر - امام دجلة جاردنز - ومجاور للحي الايطالي
Wikimapia - Let's describe the whole world!
حي المنتزه في منتصف الصفحة ...اعمل زووم اوت على الخريطة علشان تعرف انت فين
التسليم 10 - 2011 واعتقد دي المرحلة التانية..
حدائق اكتوبر - امام دجلة جاردنز - ومجاور للحي الايطالي
Wikimapia - Let's describe the whole world!
حي المنتزه في منتصف الصفحة ...اعمل زووم اوت على الخريطة علشان تعرف انت فين
التسليم 10 - 2011 واعتقد دي المرحلة التانية..
موضوع رائع بنشكرك علية يا استاذ محمد
الفيوم الجديده على الطريق الصحراوي الغربي بعد رست الفيومي و بعد الكوبري على ايدك اليمين و انت جاي من مصر باتجاه المنيا
و ليها طريق من داخل مدينة الفيوم نفسها بس مش عارفه
سوال تاني يا استاذ tim tim ارجو توضيح مساحات الشقق التاون بالنسبة لمشروع حي المنتزة وهل هو افضل ام مشروع دجلة جاردنز
هل مازالت زهراء المعادي فيها بناء جديد ولا خلاص اتقفلت ، انا اقصد اللي ناحية كارفور اللي على الدائري، وايه الاسعار وهل البيع من خلال شركات ولا افراد؟
التاون هاوس مساحته 63 متر زي الشقة مقسم إلى دورين.. مع حديقة خلفية حوالي 40 متر
بالنسبة للشكل العام حي المنتزه شكله افضل على اساس ان فيه منتزه في منتصف الكومباوند وبعدين المباني محيطة به واول صفوف تاون هاوس ووراها عمارات 4 ادوار ووراها عمارات 5 أدوار.. فتحس ان الدنيا رايقة شوية.. اما دجلة عمارات مجاورة لبعضها مع حدائق طبعا.. بس يمكن عدم وجود عمارات كتير متشطبة في دجلة أوحدائق خلصانة هو اللي مخلي شكل المنتزه افضل..
بس بالنسبة للشقق تقسيم الشقة من الداخل في دجلة افضل شوية..
وبالنسبة للانجاز .. دجلة تقريبا مفيهاش غير عمارة اللي جاهزة وفيها شقة متشطبة ومفروشة للعرض اما في المنتزه عمارات كتير خلصانة ومتسلمة وفي ناس بتبيع فيها كمان.. وكمان الحدائق اللي حوالين العمارات دي..
بالنسبة للتشطيب .. دجلة نصف تشطيب .. المنتزه تشطيب لوكس.. مع فرق في السعر حوالي 13 ألف زيادة لشقة في حي المنتزه بنفس مدة التقسيط (3 سنوات)
انا جبت البروشور بتاع بيت المصرية .. عندهم الشقق صافي حوالي 85 متر متقسمة 3 حجرات وريسبشن وحمامين ومطبخ
وكان في شقق سعرها كاش 97 الف وعلى 3 سنين
تبقى مقدم 42 ألف وقسط شهري 2150 تقريبا غير وديعة الصيانة لسه مش متحددة
ومكانها بعد السالمية وقبل دجلة والمنتزه
الف شكر ليك ولمعلوماتك الدقيقة بس في عندي استفسار هل فعلا زي ما سمعت مينفعش تبيع الا بعد 5 سنوات لان بيقولوا ان المشاريع دي كلها بدعم من الحكومة لدعم اسكان الشباب ، وهل المكان هناك كويس للاستثمار يعني الشقق هناك هتكون اغلى وارقي مستقبلياً، وهل التاون ده سعره مناسب مع ملاحظة ان السعر بعد الصيانة 230 ألف !!!!!!!
انا سألت في موضوع البيع او الايجار قالوا مفيش مشكلة..
وشفت اعلانات على النت ناس بتبيع طالبين مبلغ مقدم غير مبلغ هايكون تقسيط يعني ممكن يكون التقسيط دا مع الشركة.. مسمعتش عن موضوع ال 5 سنين دا..
حتى مشروع ابني بيتك بيكون لك الحق في بيع الوحدة بعد ماتكون خلصت اقساطك ايا كانت المدة...
والمكان كويس جدا .. مع انه لسه تحت الانشاء وغير ممهد بس بيبان من البداية انه هايبقى مكان راقي.. وكل المشاريع هناك كومباوندات فدا بيعمل منظر كويس للمنطقة غير ان كل كومباوند بيبقى ليه ادارة بناءا على دفعة الصيانة دي يعني تصليح الشوارع والعناية بالحدائق وهكذا...
بالنسبة للتاون .. انا قلت قبل كدا انه صغير شوية بس فيه حاجة ان مش كل الاماكن فيها تاون.. ومتهيألي دا يعطي التاون دا ميزة خاصة قدام بمعنى ان ممكن سعره يزيد بمعدلات اكبر من معدلات زيادة اسعار الشقق .. وممكن استاذ محمد يفيدنا في الرأي دا..
هو طبعا سعره زيادة علشان الخصوصية والحديقة..
واعتقد (مجرد اعتقاد) انه ممكن تأجيره لشركة بسعر كويس لانه بالنسبة لشركة هايبقى افضل من شقة..
وعلى فكرة الهاوس متشطب كويس والريسبشن بورسلين ..
سؤال للأستاذ محمد
مفيش امام حضرتك مشروع اتحاد ملاك او حاجة زي كدا بتتم في مدينة العبور او اي مكان جديد بحيث اللي عايز شقة يقدر يحصل على شقة بسعر قريب من سعر التكلفة وكمان اللي عايز يستثمر ياخد شقة ويبيعها ...
استاذ محمد شكرا على المعلومات الجميلة دى
انا كنت جاى النهارده معدى على العبور الحى السادس جميل جدا ومرسوم كويس بس تقريبا كله بيوت لسة بتتبنى هو فى سكان ولا اية وسعر متر الشقة فيه كام طوب احمر بس وبرده الحى التانى االاسعار كام
معلش سؤال كمان انا من الزقازيق المسافة بين العبور والزقازيق كام بالظبط تقريبا 50 كيلو ولا اكتر
مشكور يا أستاذ محمد
بس انا مش فاهم ازاي 6 افراد و(متهيألي) ان الناتج هايكون 4 شقق فقط!
مش مساحة 260 متر دي تعمل شقة بمساحة الدور 130 متر مثلا؟ ولا بيتبني على أد ايه من مساحة الأرض؟
وهاتكون 4 أدوار فقط !
استسمحك تعرفنا مساحة 260 أرض تتبني ازاي؟
والاسكان العائلي دا مكانه فين ؟ في أي حي؟
وكمان شكل الاتحاد دا بيعمل عامل ازاي وايه الضمانات بين الافراد..
ولك جزيل الشكر على تعبك ومجهودك وكل عام وانت بخير..
الحي السادس فيه نسبة سكان كويسة وسعر المتر فيه في حدود 1300-1600ج المتر وفيه اسعار اعلي من كده بس متشتريش بيها....الحي الثاني سعر المتر فيه بين1200-1700ج....والمسافة بين العبور والزقازيق اقل من 50ك مش اكثر من كده خالص.
نسبة البناء في الأسكان العائلي 60% او اكثر بقليل فالدور ممكن يطلع علي شقتين في حدود 100م او دور واحد وشقة كبيرة علي حسب الرغبة..والبناء بيبقي ارضي و 3متكرر والبدروم بنائه اجباري الا اذا تم تحويل الأرضي لمكان لركن السيارات.
العبور فيها حوالى 7اسكان عائلي (امام الكنيسة بالحي الثاني-شارع فاطمة الزهراء امام الحي الثاني-شارع الشعراوي امام الحي الثاني-امام اسكان الشباب-امام نزهة العبور-عائلي الحي الثالث) دول اللى انا فاكرهم شكل الأتحاد معرفش بيبقي ازاي لأني ممرتش بحاجة زي كده.
كنت عايز اعرف معلومات عن الحي الثاني فى العبور غير سعر المتر يعني مدى توافر الخدمات فيه والمواصلات ومستوى الناس الى هناك يعني ماكن شعبي ولا متوسط ممكن الواحد يعيش فيه مرتاح
ياريت الى عنده كل المعلومات عن الحي الثاني فى العبور يفدني
انا ساكن في الحي الثاني الحي فيه خدمات كويسة(مدارس شغالة تجريبي وعام وخاص- مركز شباب كبير شغال برضه والمواصلات معقولة) في مواقع في الحي الثاني غالية جدا ومواقع رخيصة جدا ابعد عن العمارات اللى بجوار مساكن خاصة المساكن اللي بتبقي منخفضة التكاليف ..بسبب ان الأيجارات فيها كتير ورخيصة وبيبقي فيها مستويات مش اد كده وعمال ودوشة كده يعني....حاول تاخد في المناطق اللى بتبقي علي حدود الحي بتبقي مميزة جدا زي شارع السنترال والشعراوي وفاطمة الزهراء .
موضوع رائع بجد تسلم ايد الشباب بس ياريت لو حد يعرف حاجة عن شقق بنك الاسكان والتعمير والاراضى هناك
السلام عليكم
حد يعرف حاجة عن مدينة الشروق، و مدينة بدر
جزاكم الله خيرا
متابع بإهتمام لأنى بفكر جدياً فى الموضوع ده
ايه رايكم فى الفردوس اللى عند مساكن الظباط قدام هيلتون دريم فى اكتوبر؟؟؟ حته كويسه ولا لا؟ لان اسعارها رخيصه
انا كنت رفعت صورة الاسعار في مشاركة سابقة... بس مفيش مانع ارفعها تاني..
http://i33.tinypic.com/2me9og.jpg
اعذرني لو مش واضحة اوي
Degla Gardens
&
Degla Palms
ده link جامد اوى فيه معلومات عن دجلة جاردنز و بالمز
حى حدائق اكتوبر( دجله جاردنز و دجله بالمز ) من معمار المرشدى - موقع الدي في دي العربي - DVD4ARAB.MAKTOOB.COM
Facebook group for Degla Gardens
Degla Gardens
Facebook group for Degla Palms
Degla Palms
موضوع شيق وجميل ومهم .......تسلم يا باشا
اية يا شباب احبطونى
مفيش حد عايز يتكلم عن القاهرة الجديدة
كلة 6 اكتوبر و العبور
هو انا لو روحت القاهرة الجديدة فى المستقبل هعيش لوحدى ولا اية
عايز اعرف عن القاهرة الجديدة ربنا يخليكو
ايه اخر اخبار حدائق اكتوبر
حد عنده معلومات ياجماعة عن العبير جاردنز
حد عنده معلومات ياجماعة عن العبير جاردنز
طب حد عندة فكرة عن مافيدا تبع شركة اعمار الامارتية فى القاهرة الجديدة
بعد الجامعة الامكريكية
اللى بيسأل عن جولف سيتي العبور.
http://sphotos.ak.fbcdn.net/photos-a...94317_7962.jpg
http://sphotos.ak.fbcdn.net/photos-a...94316_7428.jpg
http://sphotos.ak.fbcdn.net/photos-a...94312_6652.jpg
http://sphotos.ak.fbcdn.net/photos-a...94117_2257.jpg
http://sphotos.ak.fbcdn.net/photos-a...294115_181.jpg
http://sphotos.ak.fbcdn.net/photos-a...94113_9601.jpg
http://sphotos.ak.fbcdn.net/photos-a...94361_2586.jpg
http://sphotos.ak.fbcdn.net/photos-a...94320_9587.jpg
طب ايه نظام الأسعار فيها يا أبو الوليد؟ -من باب العلم بالشيء فقط ليس إلا-
وشكرا لك مقدما ..
مشكوووووور والله يعطيك الف عافيه
مدينة العاشر من رمضان جميلة وبها كل الخدمات
[frame="1 80"]
يا جماعة انا عايز اشكر الاخ محمد محمد
على مجهودة معايا فى العثور على الشقة اللى انا عايزها فى العبور,
وبنصح الناس تتعامل معاة لانة فعلا انسان محترم.
[/frame]