هو مافيش حاجة زي كده بالشكل ده لكن ممكن مجموعة من 6 افراد يتجمعوا علي الأقل ويشتروا ارض في الأسكان العائلي 260م او اكثر هتكلفهم في حدود ال300000ج والدور هيكلفهم في حدود ال80000ج نصف تشطيب ويتعمل قرعة علي مواقع الشقق علشان متحصلش خلافات.
استاذ محمد شكرا على المعلومات الجميلة دى
انا كنت جاى النهارده معدى على العبور الحى السادس جميل جدا ومرسوم كويس بس تقريبا كله بيوت لسة بتتبنى هو فى سكان ولا اية وسعر متر الشقة فيه كام طوب احمر بس وبرده الحى التانى االاسعار كام
معلش سؤال كمان انا من الزقازيق المسافة بين العبور والزقازيق كام بالظبط تقريبا 50 كيلو ولا اكتر
مشكور يا أستاذ محمد
بس انا مش فاهم ازاي 6 افراد و(متهيألي) ان الناتج هايكون 4 شقق فقط!
مش مساحة 260 متر دي تعمل شقة بمساحة الدور 130 متر مثلا؟ ولا بيتبني على أد ايه من مساحة الأرض؟
وهاتكون 4 أدوار فقط !
استسمحك تعرفنا مساحة 260 أرض تتبني ازاي؟
والاسكان العائلي دا مكانه فين ؟ في أي حي؟
وكمان شكل الاتحاد دا بيعمل عامل ازاي وايه الضمانات بين الافراد..
ولك جزيل الشكر على تعبك ومجهودك وكل عام وانت بخير..
الحي السادس فيه نسبة سكان كويسة وسعر المتر فيه في حدود 1300-1600ج المتر وفيه اسعار اعلي من كده بس متشتريش بيها....الحي الثاني سعر المتر فيه بين1200-1700ج....والمسافة بين العبور والزقازيق اقل من 50ك مش اكثر من كده خالص.
نسبة البناء في الأسكان العائلي 60% او اكثر بقليل فالدور ممكن يطلع علي شقتين في حدود 100م او دور واحد وشقة كبيرة علي حسب الرغبة..والبناء بيبقي ارضي و 3متكرر والبدروم بنائه اجباري الا اذا تم تحويل الأرضي لمكان لركن السيارات.
العبور فيها حوالى 7اسكان عائلي (امام الكنيسة بالحي الثاني-شارع فاطمة الزهراء امام الحي الثاني-شارع الشعراوي امام الحي الثاني-امام اسكان الشباب-امام نزهة العبور-عائلي الحي الثالث) دول اللى انا فاكرهم شكل الأتحاد معرفش بيبقي ازاي لأني ممرتش بحاجة زي كده.
كنت عايز اعرف معلومات عن الحي الثاني فى العبور غير سعر المتر يعني مدى توافر الخدمات فيه والمواصلات ومستوى الناس الى هناك يعني ماكن شعبي ولا متوسط ممكن الواحد يعيش فيه مرتاح
ياريت الى عنده كل المعلومات عن الحي الثاني فى العبور يفدني
انا ساكن في الحي الثاني الحي فيه خدمات كويسة(مدارس شغالة تجريبي وعام وخاص- مركز شباب كبير شغال برضه والمواصلات معقولة) في مواقع في الحي الثاني غالية جدا ومواقع رخيصة جدا ابعد عن العمارات اللى بجوار مساكن خاصة المساكن اللي بتبقي منخفضة التكاليف ..بسبب ان الأيجارات فيها كتير ورخيصة وبيبقي فيها مستويات مش اد كده وعمال ودوشة كده يعني....حاول تاخد في المناطق اللى بتبقي علي حدود الحي بتبقي مميزة جدا زي شارع السنترال والشعراوي وفاطمة الزهراء .
موضوع رائع بجد تسلم ايد الشباب بس ياريت لو حد يعرف حاجة عن شقق بنك الاسكان والتعمير والاراضى هناك
السلام عليكم
حد يعرف حاجة عن مدينة الشروق، و مدينة بدر