حجزت صيانة الـ 60000 فى غبور ابو رواش وكان دوري الساعة 2:15 ظهراً , قلت للاستاذة اللي على التليفون في الحجز ان دي صيانة 60000 يعني تغيير بوجيهات وفلاتر وسير الكاتينة وان دة هياخد وقت على خلفية معرفتي بمواعيدهم , قالتلي اطمن قبا الساعة 6 هتكون العربية خلصت.
رحت صليت الجمعة في كارفور وبعدين رحت ابو رواش ومنت هناك الساعة 2:10 , خدوا بياناتي وقالولي المهندس فلان هيكون معاك حالاً .... فضلت مستني مع ان مفيش عربيات غيري في الوقت دة وفييييين لما المهندس جالي الساعة 2:50 ... ( يعني منتظر 40 دقيقة ) واول ما دخل العربية قاللي .. ابة دة دي صيانة 60000 ..
قلت لة ايوة فيها مشكلة .... قاللي مش هاينفع نعمل الصيانة لانها حتاخد وقت...
من هنا اهنا قلت لة لو سمحت عايز اقابل المهندس طلعت .. ودة المهندس المسئول وكان مديرة قايللي اروحلة عاشان يهتم ويخلص العربية بسرعة ... وانا مكنتش عايز اعمل كدة.
المهم المهندس اللي كان معايا دخل بيا علشان نقابل المسئول ( طلعت ) ولقيت المهندس طالعللي وبيقواللي ان النهندس طلعت تفضل عليا وحيدخل العربية لكن لو فية عندي اي ملاحظات مش هيقدروا يعملوها.!!!!
قلت لة يعني أجي يوم للصيانة ويوم للملاحظات .. دة اية الكلام الفاضي دة .. وبعدين الاستاذة اللي ردت عليا وقت الحجز وقالتليش ان آخد ميعاد تاني بدري لية.
طبعاً لقيت الساعة بقت 4:00 قلتلة بكل هدوء انا مش هعمل صيانة عندكم انا رايح للحج محمد الميكانيكي بتاعي ومشيت .. لقيتهم بيجروا ورايا وبيقولولي ان المهندس طلعت باشا عايزك في مكتبة ..
اتنرفزت اكتر وقلتلهم دة لو عندة ذوق وفعلاً مسئول كان كلف خاطرة وطلع قاباني هو انا بشحت منكم والا جاي آخد حسنة ومشين وانا مقرر اني مش هاعمل صيانات تاني وخصوصا بعد ما عرفت ان الضمان لغاية 60000 كم بيبقى على كوريا لكن بعد كدة لغاية 100000 بيبقي على غبور يعنى اكيد لو لاقدر الله فية حاجة في العربية هسمع الجملة الشهيرة ( عيب مستهلك )
حسبنا الله ونعم الوكيل