الرواتر... عايز اشغله على بطاريات... محدش عنده فكرة؟؟

عرض للطباعة

07-08-2010, 07:47 PM
M.Osman

الرواتر... عايز اشغله على بطاريات... محدش عنده فكرة؟؟

زي ما الكل عارف و شايف ...
الكهرباء اليومين دول بتقطع بطريقة رخمة جداً (الحمد لله بقالي كام يوم مشوفتش انقطاع)

بس لما بتقطع بتقطع حبة حلوين .. مش اقل من ساعة.. ودي حاجة تغيظ

بعيداً عن التكييف و الحاجات دي
اللاب طبعاً بيشتغل عالبطارية بتاعته ... المشكلة دلوقتي ان لما الكهرباء بتقطع مفيش نت ! لأن الراوتر شغال كهرباء...

محدش عنده فكرة عشان اشغلة ببطارية مثلاً ؟؟ لما الكهرباء تقطع ...لأن زي ما انتم عارفين .. لاب من غير نت زي عربية من غير بنزين

اه .. بالمناسبة... مش هستخدم الـusb مودم لأنها مكلفة بالنسبة للadsl ..
07-08-2010, 08:02 PM
A.Saad

ups
الجهاز اللى بيدى باور للكمبيوتر لو اتقطع الكهربا
07-08-2010, 08:23 PM
Eng.Geo

هقلك علي فكرة
ولو عجبتك
هسأل بتتعمل أزاي
بيوصل الموبايل باللاب من الusb وبيشتغل ب net الموبايل
لو تصفح يبقي انت أتكلفت جنيه في اليوم

ومش لازم تعمل داونلود يعني الساعة ده
أيه رأيك
07-08-2010, 08:28 PM
SHNORY

فيه راوتر يو اس بي
بياخد الباور بتاعه من الكمبيوتر
تقريبا كانت شركه لينك عاملاله اعلان زمان
07-08-2010, 08:47 PM
Scuderia.M

اقتباس:

المشاركة الأصلية كتبت بواسطة Eng.Geo

هقلك علي فكرة
ولو عجبتك
هسأل بتتعمل أزاي
بيوصل الموبايل باللاب من الusb وبيشتغل ب net الموبايل
لو تصفح يبقي انت أتكلفت جنيه في اليوم

ومش لازم تعمل داونلود يعني الساعة ده
أيه رأيك

هتبقى غالية جدا عشان الجنيه ده بيديك 5 mb بس فاليوم وكل mb زيادة بـجنيه أو بـ5 جنيه مش فاكر. وطبعا تصفح الموبايل غير تصفح الكمبيوتر خالص.
07-08-2010, 08:53 PM
Eng.Geo

اقتباس:

المشاركة الأصلية كتبت بواسطة scuderia.m

هتبقى غالية جدا عشان الجنيه ده بيديك 5 mb بس فاليوم وكل mb زيادة بـجنيه أو بـ5 جنيه مش فاكر. وطبعا تصفح الموبايل غير تصفح الكمبيوتر خالص.

التصفح مش بيعمل ميجا أساسا في اليوم
07-08-2010, 08:55 PM
AlGazar2

هوه الراوتر بيشتغل على 12 فولت بس معرفش كام امبير ممكن توصل 9 بطاريات 1.5 فولت على التوازى او التوالى مش متزكر اوى بس يبقى الطرف + متوصل بالطرف - دول هايدوك 12 فولت انا جربتها مرة بس مش على راوتر طبعا كان على ماتور بتاع العربيات اللعبة شوف الراوتر محتاج كام امبير و البطارية بتدى كام امبير و قولنا على النتايج
07-08-2010, 09:00 PM
n_i_t_e

اقتباس:

المشاركة الأصلية كتبت بواسطة a.saad

ups
الجهاز اللى بيدى باور للكمبيوتر لو اتقطع الكهربا

هو الرجل ده جابلك من الأخر بس ده حل مكلف ... بس مش هتحس أن الكهرباء انقطعت لأنه بيشتغل لحظى أول ما الكهرباء تقطع.
أو تجيب مولد كهربى صغير يشغل لك الأنارة و الراوتر معاهم.
للأسف موضوع الusb أرخص حاجة لو مش بتعمل داون لود...
لكن لو بتعمل داون لود يبقى ممكن تلاقى واحد من الحلين اللى فوق أرخص فبدل ما تدفع 300 جنيه فى الشهر نت ممكن تجيب مولد صغير مرة واحدة بيهم و تخلص
08-08-2010, 12:37 AM
kemo0o

اقتباس:

المشاركة الأصلية كتبت بواسطة M.Osman

زي ما الكل عارف و شايف ...
الكهرباء اليومين دول بتقطع بطريقة رخمة جداً (الحمد لله بقالي كام يوم مشوفتش انقطاع)

بس لما بتقطع بتقطع حبة حلوين .. مش اقل من ساعة.. ودي حاجة تغيظ

بعيداً عن التكييف و الحاجات دي
اللاب طبعاً بيشتغل عالبطارية بتاعته ... المشكلة دلوقتي ان لما الكهرباء بتقطع مفيش نت ! لأن الراوتر شغال كهرباء...

محدش عنده فكرة عشان اشغلة ببطارية مثلاً ؟؟ لما الكهرباء تقطع ...لأن زي ما انتم عارفين .. لاب من غير نت زي عربية من غير بنزين

اه .. بالمناسبة... مش هستخدم الـusb مودم لأنها مكلفة بالنسبة للadsl ..

بص يا سيدي الفاضل

انت مشكلتك زي مشكلتي بالضبط بس الحمد لله انا حليتها ... لو ليك خبرة في الالكترونيات وتقدر تتعامل معاها يبقى هتقدر تنفذ الموضوع ده بسهولة ... لو معندكش خبرة ممكن تحصل لك مشكلة في الكومبيوتر

مبدأيا انا بشغل ال Router من ال usb وانا عملت ال circuit بحول ال 5 فولت من ال usb الى 12 فولت
طبعا عن طريق IC اسمها MAX680 ودي بتحول ال 5V الى 10~11 فولت وال max current <500mA
انا الراوتر بتاعي بيشتغل عند 9 فولت و 300 ميللي امبير

طبعا انت ممكن تعدل وتستخدم اي مكونات تانية ... كل ده على حسب درايتك باالالكترونكس
ولو عندك بطارية 12 فولت يبقى الموضوع اتحل وتريح دماغك
08-08-2010, 12:45 AM
yaserbasha2000

اقتباس:

المشاركة الأصلية كتبت بواسطة kemo0o

بص يا سيدي الفاضل

انت مشكلتك زي مشكلتي بالضبط بس الحمد لله انا حليتها ... لو ليك خبرة في الالكترونيات وتقدر تتعامل معاها يبقى هتقدر تنفذ الموضوع ده بسهولة ... لو معندكش خبرة ممكن تحصل لك مشكلة في الكومبيوتر

مبدأيا انا بشغل ال router من ال usb وانا عملت ال circuit بحول ال 5 فولت من ال usb الى 12 فولت
طبعا عن طريق ic اسمها max680 ودي بتحول ال 5v الى 10~11 فولت وال max current <500ma
انا الراوتر بتاعي بيشتغل عند 9 فولت و 300 ميللي امبير

طبعا انت ممكن تعدل وتستخدم اي مكونات تانية ... كل ده على حسب درايتك باالالكترونكس
ولو عندك بطارية 12 فولت يبقى الموضوع اتحل وتريح دماغك

ممكن بطاريتين من بتوع كشاف الطوارئ بتكون الواحده 6 فولت
08-08-2010, 01:23 AM
hazoom2006

النور فعلا بيقطع بطريقه بايخه جدا وخصوصا لو اثناء الشغل لو كان دكتور مثلا

ممكن اكتر من طريقه لو الادابتر ببتاعى الروتر خارجى تجيب ادابتر بايظ من اى حد وتاخد السلك وتوصل السلك بالروتر عادى جدا والسلك التانى ببطارية كشاف 9 فولت وامبيرها مش عالى متقتقش على الروتر يعنى والنور بيقطع ساعه ولا ساعتين فى اليوم

بعد كده هيقطعو علينا النور والمياه والنت والغاز والتلفون ويقولو زياده احمال
08-08-2010, 01:28 AM
Dr Ahmed

فيه بطاريات عاملة زى بطارية كشاف الطوارئ الشاحن بتتباع لوحدها
فيه منها 12 فولت
سعرها حوالى 130 جنيه

ممكن أى حد من اللى بيصلحوا كشافات الشحن يعمل للبطارية دايرة شحن بحوالى 15 جنيه وفيشه علشان تشحن منها ومخرج بسلك آخره جاك مناسب للراوتر

وخلاص!
08-08-2010, 01:36 AM
Adham

اقتباس:

المشاركة الأصلية كتبت بواسطة eng.geo

هقلك علي فكرة
ولو عجبتك
هسأل بتتعمل أزاي
بيوصل الموبايل باللاب من الusb وبيشتغل ب net الموبايل
لو تصفح يبقي انت أتكلفت جنيه في اليوم

ومش لازم تعمل داونلود يعني الساعة ده
أيه رأيك

اول 5 ميجا و الباقي بيبقى غالي

اقتباس:

المشاركة الأصلية كتبت بواسطة scuderia.m

هتبقى غالية جدا عشان الجنيه ده بيديك 5 mb بس فاليوم وكل mb زيادة بـجنيه أو بـ5 جنيه مش فاكر. وطبعا تصفح الموبايل غير تصفح الكمبيوتر خالص.

+1

اقتباس:

المشاركة الأصلية كتبت بواسطة eng.geo

التصفح مش بيعمل ميجا أساسا في اليوم

لا ياباشا مش صحيح و راجع الشبكة و انت شغال بروازينج شوف انت بتسحب قد اية و انت بتتصفح كل ساعه, اتقد حضرتك قصدك جيجا مش ميجا

اقتباس:

المشاركة الأصلية كتبت بواسطة algazar2

هوه الراوتر بيشتغل على 12 فولت بس معرفش كام امبير ممكن توصل 9 بطاريات 1.5 فولت على التوازى او التوالى مش متزكر اوى بس يبقى الطرف + متوصل بالطرف - دول هايدوك 12 فولت انا جربتها مرة بس مش على راوتر طبعا كان على ماتور بتاع العربيات اللعبة شوف الراوتر محتاج كام امبير و البطارية بتدى كام امبير و قولنا على النتايج

معظم الرواتر بتشتغل 9 فولت ac , ودي مشكلة لأن ال ac تيار متردد مش تيار مستمر زي تيار البطاريةو بالتالي مافيش اي بطارية حاتنفع

اقتباس:

المشاركة الأصلية كتبت بواسطة kemo0o

ب.. لو ليك خبرة في الالكترونيات وتقدر تتعامل معاها يبقى هتقدر تنفذ الموضوع ده بسهولة ... لو معندكش خبرة ممكن تحصل لك مشكلة في الكومبيوتر

مبدأيا انا بشغل ال router من ال usb وانا عملت ال circuit بحول ال 5 فولت من ال usb الى 12 فولت
طبعا عن طريق ic اسمها max680 ودي بتحول ال 5v الى 10~11 فولت وال max current <500ma
انا الراوتر بتاعي بيشتغل عند 9 فولت و 300 ميللي امبير

طبعا انت ممكن تعدل وتستخدم اي مكونات تانية ... كل ده على حسب درايتك باالالكترونكس
ولو عندك بطارية 12 فولت يبقى الموضوع اتحل وتريح دماغك

و حضرتك حاتحول ال dc ل ac ازاي ؟؟؟ معظم الرواتر بتبقى ac

اقتباس:

المشاركة الأصلية كتبت بواسطة hazoom2006

ممكن اكتر من طريقه لو الادابتر ببتاعى الروتر خارجى تجيب ادابتر بايظ من اى حد وتاخد السلك وتوصل السلك بالروتر عادى جدا والسلك التانى ببطارية كشاف 9 فولت وامبيرها مش عالى متقتقش على الروتر

لو الراوتر ac او لو وصلت الاقطاب بالمقلوب بالسلامة عالراوتر ياغالي
08-08-2010, 01:40 AM
venomixus

اقتباس:

المشاركة الأصلية كتبت بواسطة shnory

فيه راوتر يو اس بي
بياخد الباور بتاعه من الكمبيوتر
تقريبا كانت شركه لينك عاملاله اعلان زمان

مظبوط ياباشا وأنا شخصياً مركبه لأهلي من زمان وهو موديل : SpeedTouch 330 USB ADSL Modem.
08-08-2010, 01:50 AM
hazoom2006

اقتباس:

المشاركة الأصلية كتبت بواسطة adham

لو الراوتر ac او لو وصلت الاقطاب بالمقلوب بالسلامة عالراوتر ياغالي

مش هيحصل حاجة يا باشا انت هتوصل الروتر منورش اقلب السلوك
ولو قلقان ممكن تعرف الموجب والسالب بطريقة تانية
فى الغالب الجاك بيكون الموجب هو الداخلى والسالب هو الخارجى وتقدر تحدد من السلوك فين السالب والموجب بافوميتر مثلا او حتى ببطاية الكشاف تعمل شورت وتشوف سهله يعنى
08-08-2010, 02:00 AM
Adham

اقتباس:

المشاركة الأصلية كتبت بواسطة hazoom2006

مش هيحصل حاجة يا باشا انت هتوصل الروتر منورش اقلب السلوك
ولو قلقان ممكن تعرف الموجب والسالب بطريقة تانية
فى الغالب الجاك بيكون الموجب هو الداخلى والسالب هو الخارجى وتقدر تحدد من السلوك فين السالب والموجب بافوميتر مثلا او حتى ببطاية الكشاف تعمل شورت وتشوف سهله يعنى

ال ac بيتقلب فية التيار 50 مرة في الثانية, حاتقلب السلك بايدك 50 مرة في الثانية بسرعه كدة اززاااااي

الشغل دة هو اللي بيحرق الاجهزة دايما مش كل الاجهزة ينفع تقلب الكهرباء و لو مانفعتش تقلبها و طالما هي تيار متردد يبقى موضوع اتلتشغيل ببطارية دة منتهي مش حاينفع

اللي راوترة بيشتغل تيار مستمر مقدور عليها و بطارية كشاف شحن تحل الموضوع
08-08-2010, 02:17 AM
hazoom2006

اقتباس:

المشاركة الأصلية كتبت بواسطة adham

ال ac بيتقلب فية التيار 50 مرة في الثانية, حاتقلب السلك بايدك 50 مرة في الثانية بسرعه كدة اززاااااي

الشغل دة هو اللي بيحرق الاجهزة دايما مش كل الاجهزة ينفع تقلب الكهرباء و لو مانفعتش تقلبها و طالما هي تيار متردد يبقى موضوع اتلتشغيل ببطارية دة منتهي مش حاينفع

اللي راوترة بيشتغل تيار مستمر مقدور عليها و بطارية كشاف شحن تحل الموضوع

معاك ان الاجهزة هتتحرق ده لو بتكلم فى فولت عالى وامبير عالى بس احنا بنتكلم فى 9 فولت ,250 ملى امبير بالكتير او اقل كمان

انا مبقولش انه يحول التيار المتردد لمستمر او العكس لانه اصلا هياخد من البطارية تيار مستمر
08-08-2010, 02:21 AM
M.Osman

شكراً للكل ..

معظم الحلول المطروحة يا جماعة مكلفة بعض الشئ و الآخر عايز مش عارف هقدر اعمله ولا لأ.....
1- الـUPS مكلف
2- الـUSB router مكلف برضه
3- عرض الـmobile internet على حسب معلوماتي انه فعلاً اول 5 MB و دي مع الكمبيوتر زي قلتها :(
4- حل الدائرة الكهربائية ..kemoo .. بصراحة فكرة حلوة بس لو انا مليش خبرة ؟؟
5- طريقة الأدابتر البايظ و البطاريات هي دي اللي بفكر فيها .. خصوصاً ان عندي بطاريات rechargeable ... و مش عايز اكلف نفسي :ma:

مممممم
شكلي بعد دا كله هكسل و مش هعمل حاجة :( او هستخدم الـusb و خلاص ... اتصلات رخصت سعر الميجا لـ15 قرش

شكراً يا جماعة .. تعتبكم معايا
08-08-2010, 02:22 AM
أحمد كمال

فيه حل اخير

ADSL USB Modem :) ده بجد على فكرة بس صعب تلاقيه ......
08-08-2010, 02:24 AM
M.Osman

اقتباس:

المشاركة الأصلية كتبت بواسطة أحمد كمال

فيه حل اخير

ADSL USB Modem :) ده بجد على فكرة بس صعب تلاقيه ......

مهو كان من ضمن الحلول فعلاً..

طب يا باشا ما تدينا update عن عروض اتصالات اللي ممكن تسهل الموضوع ده ...انا عندي usb modem ... مفيش اي plans حلوة و حنينة ؟
08-08-2010, 02:30 AM
M.Osama

استعمل ups انا شغال بيه وبيديلك ساعه او ساعه ونص بعد ما الكهربه تقطع للكمبيوتر والراوتر
08-08-2010, 02:36 AM
أحمد كمال

اقتباس:

المشاركة الأصلية كتبت بواسطة M.Osman

مهو كان من ضمن الحلول فعلاً..

طب يا باشا ما تدينا update عن عروض اتصالات اللي ممكن تسهل الموضوع ده ...انا عندي usb modem ... مفيش اي plans حلوة و حنينة ؟

ركز يا باشا

انا باقول لك ADSL USB Modem ..... مش 3G ....... يعني يركب في ال USB و ياخد سلك التليفون من السبليتر
08-08-2010, 02:43 AM
M.Osman

اقتباس:

المشاركة الأصلية كتبت بواسطة أحمد كمال

ركز يا باشا

انا باقول لك ADSL USB Modem ..... مش 3G ....... يعني يركب في ال USB و ياخد سلك التليفون من السبليتر

يا باشا مانا قلت لك انه كان من ضمن العروض المطروحة :shine[1]:

اقتباس:

المشاركة الأصلية كتبت بواسطة venomixus

مظبوط ياباشا وأنا شخصياً مركبه لأهلي من زمان وهو موديل : SpeedTouch 330 USB ADSL Modem.

اقتباس:

المشاركة الأصلية كتبت بواسطة shnory

فيه راوتر يو اس بي
بياخد الباور بتاعه من الكمبيوتر
تقريبا كانت شركه لينك عاملاله اعلان زمان
08-08-2010, 06:16 AM
pro_samir

راوتر usb اول ما نزل كان ب100 جنيه وحاليا ب25 جنية

وبياخد باور ويوصلك الداتا usb + فية مكان لفيشة التليفون وخلاص علي كده

وهو نفس النوع المذكور أعلاه بس مش عارف هتلاقية اليومين دول في السوق ولا لأ اسأل عليه

هو ده
SpeedTouch 330
http://www.dslsupport.co.nz/data%20pages/SpeedT4.jpg
http://downloadsource.net/img/25232c...5ffaaa9409.jpg

هسألك عليك برضو ولو لاقيته هبلغك
08-08-2010, 04:36 PM
M.Osman

اكون شاكر ليك جداً :)pro_samir
08-08-2010, 04:44 PM
Adham

اقتباس:

المشاركة الأصلية كتبت بواسطة hazoom2006

معاك ان الاجهزة هتتحرق ده لو بتكلم فى فولت عالى وامبير عالى بس احنا بنتكلم فى 9 فولت ,250 ملى امبير بالكتير او اقل كمان

انا مبقولش انه يحول التيار المتردد لمستمر او العكس لانه اصلا هياخد من البطارية تيار مستمر

الجهاز اللي بيشتغل تيار متردد و بتديلة تيار مستمر غالبا بيتحرق

ومعظم الراوترات بتشتغل "9 فولت تيار متردد" مش مستمر ياباشا و الراوتر اللي عندي كدة "دي لينك" و بياخد 1 امبير

حاتحول بقى التيار المستمر من البطارية لتيار متردد ازاي علشان الراوتر
08-08-2010, 05:05 PM
hazoom2006

اقتباس:

المشاركة الأصلية كتبت بواسطة Adham

الجهاز اللي بيشتغل تيار متردد و بتديلة تيار مستمر غالبا بيتحرق

ومعظم الراوترات بتشتغل "9 فولت تيار متردد" مش مستمر ياباشا و الراوتر اللي عندي كدة "دي لينك" و بياخد 1 امبير

حاتحول بقى التيار المستمر من البطارية لتيار متردد ازاي علشان الراوتر

مش كل الروترات بتاخد تيار متردد انا الروتر عندى تيار مستمر عن طريق ادابتر خارجى
علشان كده انا قولت لو الادابتر خارجى ممكن يجيب سلك ويوصله بالبطارية والطرف التانى فى الروتر عن طريق الجاك وده هيبقى اسهل الحلول وارخصها :verygood:
08-08-2010, 05:26 PM
Adham

اقتباس:

المشاركة الأصلية كتبت بواسطة hazoom2006

مش كل الروترات بتاخد تيار متردد انا الروتر عندى تيار مستمر عن طريق ادابتر خارجى
علشان كده انا قولت لو الادابتر خارجى ممكن يجيب سلك ويوصله بالبطارية والطرف التانى فى الروتر عن طريق الجاك وده هيبقى اسهل الحلول وارخصها :verygood:

يا سيدي الفاضل ما هو برضة التيار المتردد بيبقى عن طريق ادابتر خارجي زية زي الادابتر اللي بيدي تيار مستمر

تعرفهم منين ؟؟؟ اقرا على الادابتر او على ضهر الراوتر لو مكتوب 9v dc يبقى تيار مستمر

9v ac يبقى تيار متردد
08-08-2010, 06:00 PM
hazoom2006

اقتباس:

المشاركة الأصلية كتبت بواسطة Adham

يا سيدي الفاضل ما هو برضة التيار المتردد بيبقى عن طريق ادابتر خارجي زية زي الادابتر اللي بيدي تيار مستمر

تعرفهم منين ؟؟؟ اقرا على الادابتر او على ضهر الراوتر لو مكتوب 9v dc يبقى تيار مستمر

9v ac يبقى تيار متردد

مع كامل احترامى انا عمرى ماسمعت عن ادابتر خارجى 9 فولت وبيطلع تيار متردد

انا صورت لحضرتك صورة للدابتر اللى عندى دلوقتى سالب وموجب يعنى تيار مستمر مش متردد

http://img69.imageshack.us/img69/2848/82390495.jpg
08-08-2010, 06:04 PM
kemo0o

اقتباس:

المشاركة الأصلية كتبت بواسطة adham

و حضرتك حاتحول ال dc ل ac ازاي ؟؟؟ معظم الرواتر بتبقى ac

معلش يا استاذنا

الراوتر dc مش ac

امال ال adapter بيعمل ايه !!
08-08-2010, 07:17 PM
Adham

Photos:[IMG]‪http://rapidshare.com/files/411769633/Router.jpg[/IMG]

http://rapidshare.com/files/411769799/Adapter.jpg http://rapidshare.com/files/411769633/Router.jpg

http://rapidshare.com/files/411769799/Adapter.jpg
08-08-2010, 07:26 PM
Adham

http://rapidshare.com/files/411769799/Adapter.jpg

الصور دي باينة و للا لأ

انا رافعها رابيد شير

و مش باينة عندي عالجهاز
09-08-2010, 12:45 AM
hazoom2006

الصورة ظهرت يا فندم بس انا اول مره اشوف ادابتر 9 فولت تيار متردد

على العموم شكرا لحضرتك على الصورة وكل سنة وحضرتك طيب
09-08-2010, 12:55 AM
Adham

اقتباس:

المشاركة الأصلية كتبت بواسطة hazoom2006

الصورة ظهرت يا فندم بس انا اول مره اشوف ادابتر 9 فولت تيار متردد

على العموم شكرا لحضرتك على الصورة وكل سنة وحضرتك طيب

غريبة مش باينة عندي

واضح ان البراوزر عندي عنده مشكلة ما مع الرابيد شير, و دة يفسر لية في صور في مواضيع مختلفة مش بتبان عندي

المهم

حضرتك بص كويس عالراوتر عندك و اتاكد ان كان تيار متردد او تيار مستمر انا دايما باشوف الراوترات عندي و عند معارف بتشتغل تيار متردد

و تليفونات لاسلكي كمان اللي بتيجي من امريكا و فيها انسر ماشين بتشتغل ادابتور تيار متردد زي دة كذلك

و كل سنة و حضرتك و الاسرة بكل صحه و سلامة

رمضان كريم
09-08-2010, 01:20 AM
أحمد كمال

اقتباس:

المشاركة الأصلية كتبت بواسطة kemo0o

معلش يا استاذنا

الراوتر dc مش ac

امال ال adapter بيعمل ايه !!

كان عندي راوتر ادابتره ac

و في الحالة دي بيقلل الفولت بس
09-08-2010, 06:02 AM
amrbakly

اية يا جماعة الغلب دة كلة !!!!!!

يا عمي هات يو إس بي مودم إتصالات الكارت

بخمسين جنية و الميجا سعرها 15 قرش فقط دلوقتي

يعني بـ 10 جنية تاخد 66 ميجا ، دة كافي جدا تشتغل فترة معقولة براوزينج و شات و كل حاجة و كدة كدة الجوجل و الفيس بوك و المسانجر علية ببلاش.

و تخلية للظروف الإحتيطاية بس لما النور يقطع أو النت يفصل او تبقي برة البيت أو مسافر ... إختراع عملي جدا يعني

و كدة كدة اصلا اللاب توب عمرة ما حيقعد اكتر من تلات ساعات بدون شحن .. اكيد برضة النور مش حيقطع 3 ساعات !