الموضوع: هيييه رمضان جيه.... هاناكل هاناكل

أعتقد إن الناس لما بتحس إن فى حاجة فيها أزمة أو حيتحرموا منها يبدأ عندهم الشعور بالقلق و يبدأوا يخزنوا من السلعة دى بصورة غير محسوبة و كذلك لما يحسوا أنهم حيجوعوا يبدأوا يكتروا و يخزنوا من الأكل وكمان لأن التجار بيغلوا الأكل فى رمضان
أنا فاكرة و أحنا صغيرين كنا نقعد قبل الفطار نشيل حتة قطايف وشوية كنافة نية و نقشر مكسرات و نحلم بطبق قمر الدين و ..........و بعد الفطار ولأنه كان فى الصيف بردوا نفطر على المية و نفضل نديها عصائر و سوائل و نسيب كل الأكل اللى شيلناه للفطار الواحد وهو جعان بيحس أنه حياكل أطنان من الطعام و يبقى نفسه فى كل حاجة الظاهر دى طبيعة بشرية ..........

على فكره يا جماعه الأكل ده فن ومتعه

انا بحس باستمتاع كبير جدا وانا باكل وبالذات لو حاجه بحبهه أوي وفي رمضان الصيام بيخلي الواحد هياكل اللي جنبه وبعدين اللي الواحد بيشتريه بزياده اديه بيفيض وبينفع خزين وطبيعي ان الواحد لما يروح كارفور مثلا يشتري كميات لانه مش هيروح كل يوم

والله انا مشاركة منى لرفض هذه المظاهر الغير مسؤولة اعلنت لجميع افراد عائلتى ان مش هاعزم ولا اتعزم
انا طبعا كارفور جنب بيتى اللى شفته اليومين اللى فاتو دول فى كارفور خللونى احس احنا قد ايه شعب عشوائى من الطراز الاول ولازم نتغير

حاجة تغيظ ..فى احصائية بتقول بناكل ب30 مليار جنيه فى الشهر ده يعنى بمليار فى اليوم...يرضى مين الكلام ده دى مبالغ تاكلنا السنة كلها..وعزايم تتعمل والاكل نصه يترمى فى الأرض وفى ناس مش لاقية اكل...حتقولى محنا بنزكى وبنتصدق..حقولك برده مش كفاية لانهم فقرانين طول السنة ومش لاقيين اكل يبقى لازم نطلع اكتر..وانت بتشترى بمئات الجنيهات فى رمضان افتكر ان فى واحد محتاج المبلغ ده علشان ياكل بيه طول السنة

بس انا زهقت من الشكوى والانتقاد

يا نبقى ايجابين يا نسكت ونبطل شكوى

مش عاجبنا حاجة نبدا بنفسنا ومنعملهاش يعنى احنا اول ناس لازم نبطل استهلاك فى رمضان

ولازم نحرك اللى حوالينا كمان عيلتنا زمايلانا حتى لو حنتعزم نطلب بأدب ان ميبقاش فى اصناف كتيرة


لكن شكوى وانتقاد وخلاص يبقى فعلا زى مبيقولوا "طجك حنك"

انا برده قولت زى شنورى باشا ماقال
وطبعاً انت عماله تسقفى وتتنططى
ههههههههههه

و الله فعلا الواحد بيبقى متخيل انه هايكل خروف و هما قطمتين و الواحد يتاوب و يدور على السرييييييييييييييير

طبعاً قطمتين دول المقصود بيهم حاجه تانيه ياعنى فرخه على صنيه بطاطس على طبق رز من الكبير ده
وتدخلى تنامى
ههههههههههههه


انا ساكن جنب كارفور وكرهت نفسى من الناس دى فعلاً
الناس بتشترى أكن هتحصل أزمه وخلاص مش هيبقى فى أكل تانى خالص
يارب الناس تعقل وتشترى بعقل وترحم نفسها شويه
وكل سنه وانت طيبه ورمضان كريم على الجميع