الموضوع: هيييه رمضان جيه.... هاناكل هاناكل

ظاهرة غريبة بتحصل كل سنة في شوارع مصر خلال الشهر السابق لرمضان

تلاقي الدنيا كلها زحمة جدا جدا اكتر من العادي بمراحل

و الزحمة تتركز في اماكن السوبر ماركت العملاقة زي اولاد رجب و خير زمان و هايبر و كارفور و المحمل و سعودي و ...................... الخ الخ

زي ما يكون المصريين بيشترو اكل و سلع مخزون يكفيهم سنة بحالها و زي ما يكونو مابياكلوش بقالهم زمن و اخيرا هايكلو ما لذ و طاب من نعم الله

و اللي يشوف اقبال الناس على الشراء و حجم الشنط اللي خارجين بيها من الاسواق و عددهم يقول ان البلد دي حالها زي الفل و القشطة و العسل و المكسرات ولا كان الاسعار بتزيد كل يوم و التاني ولا الضرائب بتزيد كل يوم و التاني ولا الكهرباء بتزيد ولا اي حاااااااااااجة خاااااااااااالص

و يا سلام بقى على بتوع البلح و الياميش و الاسعار اللي بتزيد 50% او70% كل سنة و الناس برضوووووووووو بتشتري و لما رمضان يبدا و بتوع الكنافة و القطايف تلاقي عليهم طوابير طوابير و بتوع الطرشي و المخللات بالضرب

و التمر الهندي و العرقسوس بالحجز المسبق

يبقى الحكومة ليها حق تزود الاسعار و تزود الضرايب و تزود كل حاجة مادام الناس معاها فلوس و بتصرفها كلها على الاكل و الشرب

.

المشاركة الأصلية كتبت بواسطة mgazaly

والله على رأى ابو واحد زميلى بيقولى على الشهر دة اسمة شهر التثمين

فعلا والله مع اللي بيحصل دة لازم يبقى اسمه كدة

المشاركة الأصلية كتبت بواسطة shnory

ههههههههههههههههههههه
بصي من غير زعل
ههههههههههههههههههههههه
مش عارف ليه اول ما قريت العنوان تخيلتك واقفه قدام الاكل وماله تتنططي وتصقفي وفرحانه
ههههههههههههههههههههههههه ههههههههههههههههههههههههه ههههه
-----------------------------
العادي ان المفروض ان الشهر ده بدل ما بناكل فيه 3 وجبات بناكل وجبتين فيكون فيه تخفيف في المصاريف
انما اللي بيحصل العكس
ميزانيه البيت بتبقي ضعفين او تلاته
امبارح كنت قاعد مع والدتي وبنتكلم في الموضوع ده
لاني عندي حاله زهق من الاكل اصلا
فقولتلها متعمليش اكل في رمضان
المهم العصاير
لان الواحد مش بياكل كتير
بس فيه ناس بالنسالبها رمضان ده شهر الاكل
والعيد ده بتاع الكحك
والعيد الكبير بتاع اللحمه
وشم النسيم بتاع الفسيخ
وعاشورا بتاع البليله
فبقي العادي ان المناسبات الدينيه وغير الدينيه في مصر بترتبط بالاكل
نفرح ناكل
نزعل ناكل
نشبع ناكل علشان نحلي
وبعد ما نحلي عاوزين حاجه حادقه علشان نفسنا موعت
طبعا بغض النظر عن الاكل اللي بنعمله في المقابلات ههههههههههه
دا بيكون علشان الناس جايين من سفر

ههههههههههههههههههههههههه ههههه
ولا زعل ولا حاجة .. انا لما كتبت العنوان كنت حاسة ان الناس اللي بتشتري دي عاملة كدة برضو

والله عندك حق احنا عندنا كل المناسبات سواء حلوة او وحشة لازم تتحول بقدرة قادر للاكل

بس رمضان المفروض مايبقاش كدة خالص

انا لسة جاية من كارفور حالا - بس ماكناش بنجيب اكل والله - و الناس برضو خارجين بكميات بضائع زي ما يكونو هايكلو لاخر مرة في حياتهم و انا عمالة اقول لماما مش هاتجيبي حاجة من الحاجات دي تقولي لا اقولها ليه هو احنا مش ناويين ناكل زي الناس دي - باعكسها بس - قالتلي هناكل طبعا بس من غير مانعمل زي الناس دول و بعدين هي السوبر ماركت اللي جنب البيت هاتقفل ولا حاجة ما انا لما بحتاج حاجة بتجيلي بالتليفون لحد البيت يبقى ايه لازمتة اشيل و اخزن كل دة

و فعلا يعني هي الاسواق و المحلات اللي جنب البيوت خلاص قفلت ولا ايه عشان كل الناس يروحو السوبر ماركت العملاق دة و يجيبو الكميات دي كلها مرة واحدة ؟؟؟

.