صني 2011 ستكون معدله بحساس اوكسوجين للمحرك

**egypt0777** · 08-08-2010 05:49 PM

انا متفق معاك ممكن كمان 5 سنين كمان

**Mohamed.Ramah** · 08-08-2010 05:59 PM

كل موديل جديد لازم يبقى فيية تغيير علشان الاقبال شكرا على الخبر واظن ان كدة مش حيبقى فى مشكلة تانى للاستهلاك

**blazer** · 09-08-2010 01:15 AM

بصراحه اوفر كدا
المفروش ينزلوا شكل جديد بقى
العربيه عامله مبيعات عاليه هتزيد الضعف لو نزل شكل جديد و نفس السعر او ازيد 5 الاف مثلا
الفيس ليفت دا المفروض كان ينزل من سنتين

**sas5** · 09-08-2010 04:12 PM

المشاركة الأصلية كتبت بواسطة sekomaro

هوه استهلاك البنزين مشكلة فى الصنى اصلاً ؟؟

نعم استهلاكها فى البنزين مصيبه السياره قعدت معى ثلاث سنوات طلعت عنيا فى ستهلاك البنزين وبعتها فى شهر يناير الماضى واشتريت كرولا

انسى موضوع البنزين خالص

**أحمد علاء** · 09-08-2010 04:25 PM

المشاركة الأصلية كتبت بواسطة sas5

نعم استهلاكها فى البنزين مصيبه السياره قعدت معى ثلاث سنوات طلعت عنيا فى ستهلاك البنزين وبعتها فى شهر يناير الماضى واشتريت كرولا

انسى موضوع البنزين خالص

أولا مبارك عليك الكورولا وربنا يبارك لك فيها ويحفظك
ثانيا : تفتكر الصني كانت تعمل معاك كام جوه البلد وعلى الطوالي؟
ثالثا: معاك حق الكورولا اكثر من موفرة في إستهلاك البنزين بس متناش ان تكنولوجيا المحرك مختلفة تماما وسابقة الصني أكثر من 5 او 7 سنوات. وفرق السعر بين الصني ال ex وبين الكورولا حوالي 55000 جنية للبروفيشنال و70000 جنية للأدفانسيد ..

الصني مش غول بنزين كما يقال بس نعرف برضة كانت الصني بتعمل معاك كام جوه البلد وعلى الطوالي .
انا عن نفسي جوه البلد متوسط 170-190 كم في الصفيحة وعلى الطوالي حوالي 240-250 كم في الصفيحة

**egypt0777** · 09-08-2010 08:04 PM

المشاركة الأصلية كتبت بواسطة sas5

استهلاك البنزين - كانت تستهلك معى 150 - 160 داخل البلد فى العشرين لتر وفى الطريق الطوالى - 200 كم استهلاك 21 لتر على سرعه 110 - 120
المعدلات هذه باستخدام التكييف فى الصيف

وايضا تانك البنزين بها صغير

ان جديد فى الصنى هل المعلومات ده صحيح
بس ان عارف ان التنك بياخد 50 لتر وده فى حد ذاته كبير مش صغير

بس هل استهلاكك ده عالى ؟ ولو فعلا كده هل ده عيب ضفيره؟ ويا ترى ايه العيب اللى فى الضفيرة المصرى تخليها تستهلك هو الاستهلاك ده مش تبع الماتور

حاسس ان ده استهلاك عربية 2000 سى سى

**sas5** · 09-08-2010 08:21 PM

المشاركة الأصلية كتبت بواسطة egypt0777

ان جديد فى الصنى هل المعلومات ده صحيح
بس ان عارف ان التنك بياخد 50 لتر وده فى حد ذاته كبير مش صغير

بس هل استهلاكك ده عالى ؟ ولو فعلا كده هل ده عيب ضفيره؟ ويا ترى ايه العيب اللى فى الضفيرة المصرى تخليها تستهلك هو الاستهلاك ده مش تبع الماتور

حاسس ان ده استهلاك عربية 2000 سى سى

اخى العزيز انا متاكد ان التنك صغير لاننى باصفر العداد مع كل مره افول بنزين - واجد ان عداد السياره لما كان بيوصل الى 330كم اجد لمبه البنزين اضائت
على فكره انا بامشى بالسياره 900-1000كم فقط فى الشهر

فى التيوتا تستمر معى السياره لغايه 450 - 480 كم قبل ان تضى لمبه البنزين

**أحمد علاء** · 10-08-2010 10:00 AM

المشاركة الأصلية كتبت بواسطة sas5

اخى العزيز انا لا اهاجم الصنى فهذه العربيه انا بحبها ولكن يوجد بها عيبين اساسيين
استهلاك البنزين - كانت تستهلك معى 150 - 160 داخل البلد فى العشرين لتر وفى الطريق الطوالى - 200 كم استهلاك 21 لتر على سرعه 110 - 120
المعدلات هذه باستخدام التكييف فى الصيف

وايضا تانك البنزين بها صغير

ضيق المساحه للجالس فى الخلف بسبب الكنبه والبروز فى منتصف السياره

بارك الله فيك واعلم انك لا تهاجم الصني وارجو انك متكنش فهمت من ردي عبسؤالك عن الإستهلاك اني حسبت انك تهاجم الصني لأنها فعلا عربية محترمة وطبعا كل سيارة بها من العيوب والمميزات ما يرجح كفتها عند البعض او يجعل البعض يفضل غيرها كل حسب إحتياجته.

تصور فعلا تحس ان تانك البنزين صغير مع انه مكتوب ان سعته 50 لتر بس فعلا بعد التفويل داخل البلد العربية ممكن تمشي فوق 300 كم كما تفضلت ودي بتيجي عندي عند اخر شرطة (مبسبش البنزين لحد لما اللمبة تنور)واعتقد ان كمية الإحتياطي (كمية البنزين المتبقية في التانك بعد إضاءة اللمبة )في هذة االسيارة تفوق ال 10 لتر وده اكيد فعلا وده يمكن يكون بيدي إحساس ان التانك صغير.

طبعا الكنبة الخلفية ضيقة في حالة إن السائق رجع الكرسي للخلف لأخر المشوار والي جالس وراه شخص بالغ طولة 170 سم هيكون قاعد مضايق وطبعا ده على حساب تميزها بشنطة واسعة جدا وعميقة جدا.

وطبعا في سيارات تتفوق على الصني في نقاط كم تفضلت ويبقى الحكم للمشتري ومدى إهتمامة بالقيمة امام السعر.

ونصيحة لملاك السيارت الحديثة عموما متستناش لما اللبة تنور علشان تحط بنزين لأن اولا: اغلب طلمبات البنزين في السيارات ديه موجودة وغاطسة داخل التانك ويعمل البنزين المحيط بها على تبريدها.
ثانيا :ان في حالة الإنتظار قرب نفاذ البنزين يجعل الطلمبة تسحب البنزين المتبقي بالإضافة للشوائب والأتربة المتبقي في قاع التانك.

بس عموما 190 كم في الصفيحة على الطوالي بسرعة 110-120 مش طبيعي وإستهلاك عالي فعلا ومختلف عن إستهلاك كثير من ملاك نيسان.

طبعا الكورولا جوه البلد لا تقل عن 200-210 كم في الصفيحة وعلى الطوالي متفكرش تحسب:) ما شاء الله

واحب انقل تجربتي في شراء الصني ومقارنة نقطة إستهلاك البنزين للإخوة الزملاء في منتدانا
انا قبل ماشتري الصني حسبتها كلأتي :
مثلا لو بمشي 1000 كم أغلبهم داخل البلد في الشهرمتوسط الإستهلاك لسيارة 1600 سي سي تعتبر موفرة في إستهلاك البنزين هتاخد ب 185ج بنزين والصني هتاخد ب 220 بنزين يعني فرق 35 ج في الشهر = 420ج في السنة وده رقم بسيط .

لكن لو انا بعمل في الشهر 3000 كم اغلبهم داخل المدن هدور اول حاجة بعد الإعتمادية وخدمة ما بعد البيع على إستهلاك البنزين لأن لو قلنا الفرق في الإستهلاك بين الصني وسيارة موفرة مثل الكورولا 20% اقل لصالح الكورولا ده معناه ان لو الكورولا استهلكت ب 550 ج بنزين في الشهر الصني هتسهلك في حدود 825 ج في الشهر يعني فرق 275 ج رقم مش بسيط ابدا= يعني 3300 في السنة فرق بنزين فقط.

ونتمنى ان نتشرف بمقابلة الكثير من أعضاء نيسان في مقابلة نايل موتورز للإفطار في رمضان

كل عام انتم بخير

الموضوع: صني 2011 ستكون معدله بحساس اوكسوجين للمحرك

LinkBack

أدوات الموضوع

عرض

-

-

-

-

المواضيع المتشابهه

كيا سول معدله فى 8 فيديوهات , بتحبها معدله ولا بالشكل الأصلى ؟

أول تقرير لاستهلاك بنزين صني 2011 بحساس الأوكسجين !!!!

مشكلة بحساس الكامات

لانسر 2011 هى لانسر 2002 معدله غريبه !!!!!!!!!

منافسة قوية في الشد ما بين bmw e92 معدله و مرسيدس c63 معدله !!!

الكلمات الدلالية لهذا الموضوع

المفضلات

المفضلات

ضوابط المشاركة