تقرير مقابلة نمور كيا 6/8/2010 (قول بسم الله ماشاء الله )

**NoRmAl** · 07-08-2010 09:01 PM

طبعا أنا مهما قلت مش هعرف أوصف أنا كنت مبسوط قد أيه
شكرا لكل الناس الى جم وشرفوا المقابله بحضورهم
الناس الى بالفعل أعرفها أكيد كانوا واحشنى أوى وكان نفسى أشوفهم
والناس المحترمه الجديده الى أتعرفت عليها فى المقابله دى
زى دكتور أحمد وبشمهندس أحمد أسماعيل ولاونى ملحقتش أتكلم معاهم
بشمهندس حاتم الى بصراحه مقبلتش راجل زيه وأد أيه بيحبنا لله فى لله وعرفت منه أن دايهاتسو كانت عامله مقابله إلا أنه جيه معانا أحنا وطبعا شرفنا بحضوره
أستاذ على سمير راجل محترم وذوق جدا
بشمهندس غازى شافاه الله وعافاه
كريم منير يادوبك أتصور معانا بس والمره الجايه لازم يعد معانا بقى :)
كمان مش عايز أنسى رجاله نيسان
بجد ناس زى الفل ومحترمين لأقصى درجه والمقابله كانت بجد هتبقى ناقصه من غيرهم
طبعا أحمد تى فى كان منورنا راجل بجد شعله ومحترم ودمه خفيف أوى لا يعيبه غير عربيته طبعا هههههههههههه
رماح طبعا كان نفسى طول عمرى أشوفه والحمد لله قابله شاب جميل وتحس أنك عارفه من زمان وكان شغال كلام على السيراتو أحنا ساكتنله :))
وطبعا مش عايز أنسى حبيب قلبى حسام أوبتراوى الى بجد بستريح لما أشوفه ومش هزود عن كدا
أبو ليلى بقى طلعت عينه وأحنا جايين ودوخته السبع دوخات وكان بيعاملنى حلو أوى فى المقابله زى مكل الناس شافت :))))
طبعا زعلان من كل الى مجوش زى شوقى ووليد وماكس زيرو ونهله وكل الى جم الرحاب ومجوش المره دى بس تتعوض إن شاء الله
شكرا لكل من ساهم فى أنجاح المقابله بحضوره الكريم وإن شاء الله نجتمع على خير مجددا وقريبا إن شاء الله

**semsem75egy** · 07-08-2010 09:06 PM

يا جماعة انا عايز اسأل فين المهندس خالد فاروق هو مش كان معزوم برده؟

كنا عايزين نعرف الجديد في موديلات 2011 من البكانتو والسيراتو للسبورتاج

وهل في اسعار فعلا هتزيد بسبب الجمارك و لا دي اشعات ؟

**ابو ليلى** · 07-08-2010 09:11 PM

الى هنا وانتهى تقريبا تقرير المقابلة ومنتظر مشاركتكم

النور بيعاند معايا كل شويه يقطع ... لسه فى صور كتير وفى منهم صورة احمد سامى بس اللى عارفها ولو نزلت ولا بلاش احسن .

**ابو ليلى** · 07-08-2010 09:12 PM

المشاركة الأصلية كتبت بواسطة semsem75egy

يا جماعة انا عايز اسأل فين المهندس خالد فاروق هو مش كان معزوم برده؟

كنا عايزين نعرف الجديد في موديلات 2011 من البكانتو والسيراتو للسبورتاج

وهل في اسعار فعلا هتزيد بسبب الجمارك و لا دي اشعات ؟

للاسف المهندس خالد فاروق مجاش المقابلة اكيد فى شى حصل منعه من الحضور

**lolly136** · 07-08-2010 09:16 PM

صور ومتابعة هايلة يا أبوليلى
كان نفسي أكون معاكم
بس المكان بعيد شوية عليّ
وإن شاء الله تتعوض المرة الجايه

**ابو ليلى** · 07-08-2010 09:29 PM

من اليمين الوضع ( جلوسا )

م امان الشرق - محمد توفيق - احمد اسماعيل - حسام ابتراوى - كريم منير - احمد سعد - احمد سامى - محمد غازى - محمد الجيزى .
من اليمين الوضع ( واقفا )
وعذرا لو نسيت لو لم اذكر اسماء

كريم ( نيسان )- م امان الشرق - م امان الشرق - م حاتم السباعى - عمرو شرف - السويدى

د / اسامة - على سمير -نيسان - محمد رماح ( نيسان ) وائل ميجا ( نيسان ) - احمد مصطفى ( نيسان ) -اسلام - خالد (صديق م حمدى ) - ابو ليلى - اللى ورايا عمرو عبد السلام - اللى جنبى نورمال - وره نورمال كريم (صديق ياسر الصياد ) - جنب نورمال ياسر الصياد - الزوواى - فيجو - وطبعا اللى بيصور محمد حمدى

**م. عمرو شرف** · 07-08-2010 09:45 PM

المشاركة الأصلية كتبت بواسطة abouleila

من اليمين الوضع ( جلوسا )

م امان الشرق - محمد توفيق - احمد اسماعيل - حسام ابتراوى - كريم منير - احمد سعد - احمد سامى - محمد غازى - محمد الجيزى .
من اليمين الوضع ( واقفا )
وعذرا لو نسيت لو لم اذكر اسماء

كريم ( نيسان )- م امان الشرق - م امان الشرق - م حاتم السباعى - عمرو شرف - السويدى

د / اسامة - على سمير -نيسان - محمد رماح ( نيسان ) وائل ميجا ( نيسان ) - احمد مصطفى ( نيسان ) -اسلام - خالد (صديق م حمدى ) - ابو ليلى - اللى ورايا عمرو عبد السلام - اللى جنبى نورمال - وره نورمال كريم (صديق ياسر الصياد ) - جنب نورمال ياسر الصياد - الزوواى - فيجو - وطبعا اللى بيصور محمد حمدى

المقابله كانت جميله جداجدا
و أبو ليلى عمل مجهود رائع لأنجاحها
على فكره دى أول مره ليه فى المقابلات .
أنا كنت رايح وبقول حنتكلم فى أيه وحنعمل أيه خصوصا أنى معرفش حد شخصيا , لكن عرفت لما رحت أن دى ناس عرفت بعض وحبت بعض من غير ما يشوفوا بعض ولما شافوا بعض عرفوا أنهم أصدقاء من زمان علشان كده الأندماج معاهم سهل جدا وممتع جدا لدرجة أنى كنت ناوى أقعد معاهم ساعه أو أتنين لأرتباطات عائليه عندى , لكن قعدت لغاية الساعه 6 من غير ما أحس بالوقت وأضطريت أمشى وأنا زعلان .
دى مجموعه مالهمش مصالح مع بعض لكن بيعرفوا بعض حبا فى الله ودى معرفه عمرها ما تنتهى لكن تزيد أرتباطا وحبا وعرفت ليه فى المنتدى كانوا فرحانين أن فيه مقابله.
[gdwl]أشكركم جدا لأنى عرفتكم[/gdwl]

مع خالص تحياتى
عمرو شرف

-

-

الموضوع: تقرير مقابلة نمور كيا 6/8/2010 (قول بسم الله ماشاء الله )

LinkBack

أدوات الموضوع

عرض

-

-

-

-

-

المواضيع المتشابهه

الحمد الله قدر الله ماشاء فعل وربنا سترها

تكييف السيفك بقى ثلاجة ...بسم الله ماشاء الله

بسم الله ماشاء الله هوندتى بعد التظبيط ... سيفيك 2007

الحمد الله وقدر الله ماشاء فعل

قدر الله و ماشاء فعل و حسبى الله و نعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة