تقرير مقابلة نمور كيا 6/8/2010 (قول بسم الله ماشاء الله )

**Khaled_Nowaihy** · 07-08-2010 09:48 PM

مبروك عليكم القاء الجميل ... يا ريتنى كنت أقدر أكون معاكم وأتعرف على العلامات البارزة فى المنندى

يا بو ليلى ... زواوى شكله خاسس جداً فى الصورة دى ..و الأكل قدامه قليل جداً .... انتم عملتم ايه فى الراجل ؟؟

**Ahmed.TV** · 07-08-2010 09:56 PM

اللقاء كان مميز بكافة المقاييس جمع خيرة الشباب بمختلف الاعمار

وانا اتشرفت باني اكون ضيف على اسرة كيا انا ومجموعة من اسرة نيسان
وبجد كسبت معرفة اعضاء كانوا في قمة الاخلاق واولاد ناس محترمة

وسعيد انه اخواني في المنتدى زادوا وده بياكد لنا فعلا انه المنتدى مش كلمات على صفحاته لا دي علاقات اخوة بتزيد وبتترابط في كل لقاء بيجمعنا

ابو ليلى

تسلم على الكلام الجميل ده وشعورك الطيب انا ما عملتش حاجة تستاهل كل الكلام ده ,ويا سيدي فداكم الف تورتة,

اهم حاجة انه اللوجو ظهر ونور في اول الصفحة بدل التورتة اللي ادمرت ههههههههههه

واللوجو ده هدية منى الى قسم كيا اللى يستاهل كل خير

ابوليلى كان صاحب الدعوة الاخوية لاسرة نيسان
اللى بتشرف باسمهم وبوجه له كل تحية وتقدير على الحفاوة اللى استقبلنا بيها واللى اثبت بيها اننا اسرة واحدة فى منتدانا الغالى
وكانت مقابلة اكثر من رائعة

وابو ليلى فعلا من الناس اللى بتشتغل بقلب بجد , وبضمير حى ويهمه راحة الاعضاء وربنا يجزيه خيرا على تعبه ومجهوده

كريم منير

انت الاب الروحى للمنتدى , وتستاهل التكريم وكل خير , والتكريم ده نقطة فى بحر من اللى انت بتعمله معانا كلنا
وبتمنالك النجاح الدائم ويفضل المنتدى يكبر ويزيد نحو الافضل طول ما انت بتشتغل بقلب وضمير من اجل خدمة الاعضاء , ربنا يجزيك خير , ونشوفك على خير فى مقابلة رمضان

احمد سامى

كان اول لقاء بيه باحمد وسعدت بيه جدا فهو صاحب حضور الجميل وروح فكاهة عالية
وليه معايا صورتين جامدين وحنزلهلكم باذن الله عشان تشوفها

غازى

طبعا غازى اتعرفت عليه فى اول مقابلة لقسم نيسان وبعتز بصداقته جدااا وهو انسان خلوق جدا ومثقف وكلامه موزون وبيقدم النصيحة من القلب , وكل كلامه بيدخل القلب والعقل على طولللل , وبجد سعيد برجوعه وسطينا تانى,وفعلا كنا مفتقدينك وكنت منورنا يا غازى وان شاء الله اشوفك قريب تانى
والف مليون سلامة عليك

احمد سعد

وزير اتصالات نايل موترز حبيب الملايين انسان طيب فوق ما تتخيلوا قلبه كبير جدا وبيحب يساعد الكل ودي طبعا مش اول لقاء ليه بيه احمد اخ وصديق عزيز

محمد الجيزى

انسان محترم جدا جدا جدا , وهو بيحكى عن العربيات له اسلوب مميز وشيق فى الحوار , وانا سعيد جدا بمعرفتى وصداقتى ليه, ومجيئك من بورسعيد على راسنا من فوق , وده بيدل على انك انسان فى قمة الذوق والاصالة

عمرو سلام

انسان جدع بجد وخدوم خدوم جدا , كان نفسى اقعد معاك اكتر بس ملحوقة , واحنا جنب بعض يا بطل ولازم اشوفك ونعمل مقابلة خاصة لكل اعضاء الهرم ,

الزواوى

شخصية عسسسسسسسسل , كل الناس اللى بتدخل على طول بتقول ده الزواوى اكيد , هههههههههه شخصية طيبة جداااااااااااااااااا , وتحب تتكلم معاه , ابن بلد
وعملاق فى طيبته وروحه
وياريت يا زواوى تبعتيلى رقمك تانى على الخاص لان باين الرقم اخدته غلط

حسام ابترواى

خريج اكاديمة الفنون , وكنت حاسس من زمان انه فنان بجد , وهو انسان قمة فى الذوق وسعدت بمعرفتى بيك يا حسام جدا , وكنت منور وياريت تنورنا فى قسم نيسان , ونشوفك تانى فى كل المقابلات , لانك انسان هادى ومحترم جدا , فنان بقا ههههههههههه

محمد نورمال

كان ماسكلنا السكينة وبيهددنا وكان عاوزنا نبيع التيدا ونجيب سيراتو , بس لما لقا نفسه لوحده فى الاخر قولته هاااااااا قالى خلاص حتمشى المرة دى
محمد جدع بجد , ومتعاون جدا وخدوم فى كل شى واتشرفت بمعرفتك جدا يا محمد وياريت نشوفك فى قسم نيسان عندنا يمكن تغير رايك وتجيب تيدا هههههههههه
ونشوفك قريب تانى باذن الله

محمد حمدى

محمد حمدى الدمياطى الجدع , شخصية محترمة وجدع , وتتكلم معاه اكنك تعرفه من زمان , وسعدت بيك جدا يا محمد ونورت القاهرة

خالد

صاحب محمد حمدى وهو من رجالة دمياط الجدعان بردوا , بصراحة نورتنا يا خالد , وعايزن نشوفك دايما على طول
وتحية كبيرة لاهل دمياط المحترمين

احمد عادل

الرجل الهرماوى لاعيب الكورة الجامد ,اللى جه ولعب معانا كورة , مبسوط بمعرفتى بيك يا ابوحميد وان شاء الله نتقابل قريب طالما احنا قريبين جنب بعض

ياسر الصياد

شاب ابن ناس محترم , روحه زى العسل ,وسعدت بمعرفتى بيه جدا

اسلام

الاهلاوى الصميم باذن الله حكلمك عشان نروح مع بعض الاستاد , اخيرا لقيت حد فى المنتدى بيحب يروح الاستاد
وحنظبط انا وانت وابوليلى مع بعض
اتشرفت بيك يا اسلام وبمعرفتك , وكل الاهلاوية عندهم حضور متميز ههههههههههههه

اسرة كيا بتمنى لكم ترابط مستمر وموضوعات مميزة زي ما عودتونا
ولقاءنا في افطار رمضان

وكل عام وجميع اعضاء المنتدى بخير

وتقبلوا فائق احترامي
اخوكم
احمد مصطفى
ahmed.tv

**ابو ليلى** · 07-08-2010 10:11 PM

ده لينك لجميع الصور اللى كانت فى المقابلة

طµظˆط± ظ…ظ‚ط§ط¨ظ„ط© ظƒظٹط§.rar

اتمنى مشاهده طيبة ويكون التقرير وافى لكل شى حصل فى المقابلة .

**ابو ليلى** · 07-08-2010 10:22 PM

المشاركة الأصلية كتبت بواسطة kenzy.tv

كانت مقابلة رائعة . واضاح من الصور انكم انبسطوا كتير .... وياريت المرة الجاي تعملوا احسابنا ويبقى للعائلات نصيب في مقابلاتكم الجاي,,,

الله يجمعكم على خير

مدام احمد tv اهلا وسهلا بيكى فى قسم كيا وبجد شرف لينا انك تكتبى مشاركة فى موضوعى

الله يكون فى عونكو انتو اللى بتخلونا نعمل كده بتشجعيكم لينا ام ليلى بتكون مبسوطة جدا لما بتشوف روح الحب والمودة دى فى الاول كانت مستغربة من الفكرة ان ناس يتقابلو وهما ميعرفوش بعض بس لما شافت الصور اقتنعت اننا نعرف بعض من سنين .

باذن الله يكون فى مقابلات عائلية تجمعنا كلنا والبركة بقى فى احمد خليها يفكرلنا فى حاجه تحفه زى ما معودنا دايما .

**ابو ليلى** · 07-08-2010 10:48 PM

المشاركة الأصلية كتبت بواسطة karimkaram

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 أ

ماهو انت لو موجود على المنتدى على طول كنت عرفت انه ممنوع الكتابة انجليزى عربى هههههههه.

انت معانا ياكريم بس مش بشوف ليك مشاركات كتير اتشجع انت بس وخلى ياسر الصياد يكتبلك ال بى ام باسمك هو مش صحبك ولا كلام وبس

منورنا ياكريم على طول وعلى الاقل لقينا اخو الزوواى الصغير ههههههههههه

**M7amD_7amDy** · 07-08-2010 11:02 PM

اليوم كان جاااامد جدااا وكان الواحد مبسوط والله انه وسط الناس المحترمة دى

مش عارف أبتدى منين او فين او الساعة كام ههههههههه

المهم انى كنت مستمتع باليوم ده بجد كلللللللللله من أوله لأخره بس كان ناقصه المية وأبو ليلى كان قايل فى حمام سباحة ورحت اشتريت مايوه وكلفت نفسى
وجاى مستعد والناس كلها مستعدة للبلبطة وخصوصا الجو كان نااار اروح اتفرج على حمام السباحة ألاقيه ناقص والمية راكدة ولونها متغير ومفيش مخلوق فيها
حسيت انها ترعة بط وأبو ليلى يقولى لآلآلآلآلآلآ بط ايه ياحمدى ده وز ( ردوا عليه انتوا بقه )

نيجى للمهم

- أ/ كريم منير , زعيم نايل موتورز والوحش الكبير ( ملحقناش نقعد معاك ) بس تتعوض ان شاء الله

-أبو ليلى المايسترو , ( فاكهة المقابلة ) عسسسسسسل عسسسل كأنه كان فى رحلة وإحنا على البحر وعمال ينظم ويجيب ولاده من كل حتة
والأكل كان تحفة والعيش الفلاحى مالوش حل بجد الأكل كانه ( بيتى )
وكان عامل مجهود جبار وشغل عالى اووى ربنا يخليك يا أبو ليلى وربنا يديم المحبة مابينا

- د/ أحمد سامى , كعادته ( كوميدى من الدرجة الأولى ) وغنى عن التعريف طبعا والقعدة معاه ميتشبعش منها ومستنيك تيجى راس البر
والصورة بتاعت الطوفى طالعة لووووووووووووز يادوك هههههههههههههههههههههه

- م/ أحمد أسماعيل , راجل سكررر والله وشخصية محترمة جدااا وكنت مبسوط جداا انى اتكلمت معاه واتعرفت عليه

- م/ محمد غازى , حبيب قلبى وصديقى أيام الكفاح هههههههه بجد بجد اتشرفت بيك وكنت مبسوط جدااا بحديثى معاك وكنت مستمتع وانت بتتكلم
وبصراحة مجية غازى كانت من المفجأت الحلوة اللى فى المقابلة

- حسام أوبتراوى , هااااااااادى جدااا ومش عادته هنا فى المنتدى .. اللى تلاقيه علاطول بيتكلم بس والله مبسوط جداا انى شوفتك

- أ/ أحمد سعد , البيكنتاوى الوحيد لدرجة انه صعب عليا وكنت هديله السيراتو بس رجعت فى كلامى وقولت ممكن يزعل هههههههههههههه
راجل محترم و ليه كاريزما خااااصة جدااااا واتشرفت بيك والله يا أ/ أحمد

- أحمد مصطفى , زعيم نيسان ومبسوط جداا انى اتعرفت عليك والراجل ده محترم اوى وجدع اوى والقعدة معاه فاكهه واتشرفت بيك بجد :)

- محمد الجيزى , حبيبى قلبى واللى كان ملازمنى فى الرحلة وهو اللى كان عمال يفوقنى طول الطريق وإحنا راجعين ( أصل كنت بنعس وانا سايق )
وكل شوية يقولى هااااااااا حمدى صاااحى؟؟ ههههههه وكل شوية انزل اطس وشى مية سقعانة واسوق تانى وبعد كده بنام تانى ههههههه

- نورمال , حسيت انه صاحبى وأعرفه من زمان على الرغم انى أول مرة أشوفه ( اشطه عليه يابو النراميل )

- الزواوى العملاق , بندوزر المقابلة ههههههه حبيب قلبى وصاحبى وواد مية مية والله
بس هو محتاج يتخن شوية عشان مش عاجبنى حاسس انه خاسس شويتين

- عمرو عبد السلام , العريس القادم وراجل تمام التمام وكنا اتقابلنا قبل كده كذا مرة بس مقعدناش مع بعض كتير ياعموره ( لينا قاعدة )

- ياسر الصياد , جاى بال بى إم عشان يعتتنا ويذلنا بس انا مسكتلوش وكرهته فيها ههههههههههههه
وأثبت بالدلائل والبراهيم والمطهرات ان السيراتو برقبتها هههههههههههه
والناس تشهد على الواقعة .. بصراحة واد عسل ولقيت نفسى بهزر معاه زى ميكون اعرفه من 5 سنين

- أسلام , الراجل اللى تاه بواسطة ال GPS عم جوجل ضحك عليه هههههههههههههه راجل محترم ومثقف وكان نجم المقابلة واتشرفت بيك يا سلوم

- محمد توفيق , اتشرفت بيك ياباشا بس متكلمناش كتير تتعوض ان شاء الله

- م/ حاتم السباعى , متكلمتش معاه إلا فى الاخر ( كنت بسأل عمرو عبد السلام مين الراجل ده قالى ده مهندس حاتم السباعى )
روحتله وسلمت عليه واتعرفت عليه وراجل محترم جداا والكلام معاه كان ممتع بجد واتشرفت بمعرفة حضرتك

وناس كتير ملحقتش أتكلم معاها بس والله كل الناس محترمة وكنا أسرة فعلا بيجمعها الحب والإحترام بس تتعوض ان شاء الله

- أ/ عمرو شرف - محمد توفيق - د/ أسامة - السويدى - على سمير - ووحوش نيسان اللى كانوا منورنا كلهم ناس محترمين واتشرفت بيكم

وبجد الواحد سعيد انه اتعرف على كل الناس المحترمة دى والواحد قضى يوم فى منتهى الجمال

وشكرا أبو ليلى على تعبك وتنظيمك للمقابلة الفوق ناجحة دى وبتمنى انها تتكرر تانى ومزيد من التقدم ان شاء الله

وكل سنة وانتم طيبين ورمضان كريم :))

**elsewedy78** · 07-08-2010 11:05 PM

بجد مقابلة والا فى الاحلام
الشكر كل الشكر ل أبو ليلى و لكل من ساهم فى تنظيم المقابلة بشكل جيد جدا
ولكل من حضر المقابلة ونورها
وكل عام وانتم بخير بقرب حلول شهر رمضان المبارك اعاده الله علينا جميعا بلخير واليمن والبركات

-

-

الموضوع: تقرير مقابلة نمور كيا 6/8/2010 (قول بسم الله ماشاء الله )

LinkBack

أدوات الموضوع

عرض

-

-

-

-

-

-

-

المواضيع المتشابهه

الحمد الله قدر الله ماشاء فعل وربنا سترها

تكييف السيفك بقى ثلاجة ...بسم الله ماشاء الله

بسم الله ماشاء الله هوندتى بعد التظبيط ... سيفيك 2007

الحمد الله وقدر الله ماشاء فعل

قدر الله و ماشاء فعل و حسبى الله و نعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة