مهرجان الطفل يرفض فيلم قطري بسبب صفعة على قفا مصري

**ahmedsamir79** · 03-03-2008 02:42 PM

أثار فيلم للاطفال تقدمت به قطر للاشتراك في مسابقة مهرجان القاهرة الدولي لسينما الاطفال في دورته الحالية التي تقام خلال الفترة من 6 الى 13 مارس الجاري، استياء أعضاء لجنة التحكيم ، وخصوصا على المشهد الذي يصفع فيه طفل قطري طفلا مصريا على قفاه.

ورغم رفض اشتراك الفيلم في مسابقة المهرجان أو عرضه في أي من عروضه الا أنه أثار الكثير من علامات الاستفهام حول الدوافع غير المبررة أو المفهومة لمثل هذه الاساءات من أشقاء عرب ضد المصريين تكررت في أفلام أخرى تقدمت للاشتراك هي الاخرى في مسابقة المهرجان ولم توافق اللجنة عليها.

-منقول-

بصراحه دي وقاحه فعلا
يعني قطر --البلد اللي عدد سكنها أقل من أصغر حي في القاهرة- حتعمل أسد علينا

**معتز** · 03-03-2008 02:53 PM

اذا صح الحديث....فهو يعكس ثقافة الاستخفاف التى تزداد داخل المصريين بانفسهم قبل غيرهم....العرب يعلمون انا حركة الصفع على القفا هى اهانة شديدة .بل اسوءها على الاطلاق عند المصريين.....وان كانت لا تعنى شئ عند الاخرين.....لذا اذا قدمنا حسن النوايا وقلنا ميقصدوش لا نجدها مقبوله لان المشهد لطفل مصرى يصفع على قفاه وليس سعودى او قطرى او غيرهم....لذا يتبقى النوايا السيئة هى الاقرب.............لذا ارجو من كل مصرى ان يتوقف عن سب نفسة واهلة وشعبه ......فنحن دائما نصف انفسنا باحقر الصفات فماذا نتوقع من الاخرين.......انا مصرى وفخور بذلك ........وعلى راى الست شيرين ربنا يقومها بالسلامة ...مشربتش من نيلها...؟؟؟

**sab3aawy** · 03-03-2008 03:00 PM

لو قلت اللى فى نفسى فى حق الكائن اللى عمل الفيلم ده هافقد عضويتى فى المنتدى، لذلك خلينى ساكت احسن

الله يلعن ابو الجاز اللى يخلى اللى يسوا واللى مايسواش يتعوجوا علينا

**وائل عطية** · 03-03-2008 03:59 PM

طيب احنا ليه بنهرب من الواقع .. ماهو دا اللي بيحصل على مستوى الكبار .. يبقى وجهة النظر الاستعبداية بتاعة دول الزفت البترول بتقول ..آبائهم وأمهاتهم ملك لنا ..إذا فأطفالهم أيضاً ملك لنا ونديهم على قفاهم وقفا اللي خلفوهم ..حد يقدر يقول حاجة ..
ياخوانا إذا كانوا ضربوا القنصل المصري بالكويت .. حتة عسكري جاهل اعتدى عليه بالضرب وقلة الأدب، يعني ننسى مهابة الدولة وكرامة الدولة وكل الكلام اللي لا هايودي ولا يجيب دا ..ونتوقع أي حاجة !!

**Karim_Monir** · 03-03-2008 04:07 PM

روحتوا فيين من حادثة المطار والقطري اللي مووت كام مصري وهرب على برة

**دموع الثلج** · 03-03-2008 07:43 PM

المشاركة الأصلية كتبت بواسطة hazem_khidr

علي رايك يا كريم
موت كام واحد و طلع علي المطار و سافر عادي جدا.
و لا الجدع اللي كان بيجيب كلاب معاه في فندق باين و اعتدي علي مواطنين
ماهو احنا اللي بتساهل في حقوقنا
ليهم حق يعملو كده

يا حازم هتحط البيض كله فى سله واحده ليه قصدى الخليجين كلهم

اللى هرب على المطار ده شاب قطرى ومن الاسره الحاكمه يعنى انسى انه طلع من البلد بدون علم الكبار

فيه قضايا كثير من زمان منهم المواطن القطرى اللى قتل ظابط شرطه فى الطريق الصحراوى بمسدسه واتحكم عليه فى مصر وبعد ربع المده اترحل على قطر بحجه انه هيكمل فتره العقوبه فى احضان سجون قطر وبرضووووه الكلام ده محصلش والراجل عايش حياته عادى كل اللى خسره انه اتمنع يدخل مصر بس

واللى جايب كلابه يعضوا فى المصريين الامير تركى بن عبد العزيز اخووووو خادم الحرمين
وفضايحهم كترت ومحدش برضوه من السلطات المختصه بردعهم قادر يعملهم شئ ؟
ده كفايه حادثه النصب بتاعه محل المجوهرات اللى عملتها زوجه الامير ولهفت مجوهرات ب 5000000 جنيه وووووبرضوه مفيش ردع ولا عقاب

المختصـــــــــر اذا كانت الحكومه مش عامله سعر للمواطن ولا احترام لكرامته وما يسواش عندها رصاصه طايشه حتى

يبقى الغريب هيحترم المصرى ليه وازاى
لما نعرف نوقفهم عند حدهم فى بلدنا نبقى نلوم عليهم بعدين

**hazem_khidr** · 03-03-2008 08:15 PM

مش كل البيض يا دموع و لو تلاحظي في كلامي اني قلت حالات فرديه رغم ان فعلا المعظم بيبصوا لينا البصه دي

**OlaOsman** · 04-03-2008 07:19 AM

يعني حرام كده.. هو قفا المصري هايستحمل ايه و لا ايه؟ :p

ماهو لو كان المصري محترم في بلده ما كانش راح اتهزأ برة و كان اتعامل باحترام برة برضه.

**hamdy** · 04-03-2008 10:16 AM

المشاركة الأصلية كتبت بواسطة OlaOsman

يعني حرام كده.. هو قفا المصري هايستحمل ايه و لا ايه؟ :p

فركتيني واللهي يا علا ببيت شعر لنزار قباني تحت عنوان "كاتبان" بيقول فيه :

الفرق بين الكاتب الكبير و الكاتب الصغير ....
الكاتب الصغير هو الذي يبلع قبل نومه برشامة القناعة ..
والكاتب الكبير هو الذي تنخر في عظامه جرثومة الشجاعة ...

قفا المصري هيفضل طول عمره مصري :S
وعجبي