سؤال من الاخر

**M.ABDOU** · 07-08-2010 09:10 PM

السلام عليكم

يا جماعه انا محتااار بجد وعااوز ارسى على بر
انا عندى سؤال من الاخر ويا ريت اللى يجاوبنى يكون جرب وعن تجربه مش سماع وبس

هل لو معاك مبلغ 90 الف جنيه تجيب بروتون جين تو ماليزى بكل كماليتها اوتوماتك ولا تخاااف وتقلق وتلاقى حاجه تانيه زى النيسان صنى موتور يابانى وفتيس يابانى وايرباج واحده وايى بى اس برضه

لان صراحه النيسان اسم كبير برضه لكن الجين تو مزغلله عينى بشياكتها وكمان شدها بيقولوا اقوى من النيسان بس انا مش بتاع شد اووى بس محتاج عربيه عائليه وصالونها معقول وتكون عمليه واعتماديه يا ريت اللى جرب يرد

**eng.m7md.ali** · 07-08-2010 10:11 PM

لو حضرتك عايز عربية واسعة يبقى الواجا احسن من الجين2 والبيرسونا وكمان اوسع من الصني وفيها 2 ايرباجز واه بي اس واي بي دي

**araouf222** · 07-08-2010 10:31 PM

أسطورة الصني انها ياباني دي كوميدي الي يدخل موقع نيسان حيعرف انها سامسونج كوري كتقفله تحت اسم نيسان زي الرينو سكالا و موضوع ياباني دي كلام المصريين لانها بطلت تنزل ياباني من 2000 اخر حاجه ياباني بعد كده نيسان اشترت سامسونج و نزلت العربيه في مصر تحت اسم نيسان

**أبوعائش** · 07-08-2010 10:49 PM

أرشحلك الواجا...روح جربها وهتشتريها هتشتريها إن شاء الله

**ahmedfathy77** · 08-08-2010 12:42 AM

السلام عليكم ورحمة الله وبركاته

حضرتك انا لسه واخد قرار انى ادفع المبلغ ده فى جين 2 وناس كتير جدا نصحونى بالصنى وحاجت تانية كتير بس اقتناعى بالعربية وبامكانياتها هو اللى خلى الموضوع محسوم بالنسبة لى من اكتر من سنة .

العربية بالنسبة لى فيها كل ما احلم بيه واكتر ومن ساعة ما اشترتها لم اندم لحظة وان شاء الله لن اندم لانى مقتنع بيها تماما .

حضرتك لو مقتنع بالجين 2 او بالصنى او باى عربية تانية تبقى هى دى العربية اللى تشتريها عشان فعلا تستمع بيها ومفيش حاجة تضايقك .

وفى الاخر استخير ربنا وتوكل على الله.

**ahmad alshaaer** · 08-08-2010 07:49 AM

انا قبل ماشتري من سنتين كان في كنت في نفس الحيره بين الجن 2 والصني

ولكن الان اقوللك لما بشوف صني بضايق لصاحبها لاني ماكنتش هستمتع معاها زي الجن 2

واولا واخيرا صلي استخاره والخير يدهولك ربنا والقرار ليك

بالمناسبه زي ماقالوا الاخوه شوف كمان البيرسونا عائليه اكتر او الواجا

تحياتي

**midosalah** · 08-08-2010 11:25 AM

العربيتين حلوين وكل واحده ليها مميزاتها وعيوبها
راى الشخصى الجين أفضل
نصيحة اختار العربية اللى تناسب ظروفك اولا
ثم اللى انت مستريحلها ومقتنع بيها ثانيا

أخوك محمد صلاح

ملحوظة ( أرجو الموضوع ميتقلبش خناقة على الصنى والجين )