الموضوع: سؤال عن الفرامل و الطنابير في الفنتازيا

المشاركة الأصلية كتبت بواسطة red_4_blood

هاي يا جماعة


انا معايا فانتازيا 2010 وكيل اول فئة اوتوماتيك



العربية وصلت معايا ل 20 الف كيلو و مكنش عندي اي مشكلة

سافرت اسكندرية و قلت لما ارجع ارح صيانة ال 20 الف ( كنت مسافر يومين بس و راجع )

المهم انا في اسكندري لقيت مرة واحدة صوت عالي جدا لما بدوس فرامل ( من غير اي مقدمات )

و بعد كدة وقفت و رجت لواحد قالي التيلة شطبت و من فترة كمان و الطنابير اتاكلت

المهم سألت ع التوكيل قالولي 31 كيلو من هنا ,,,, و كمان كان قفل و كان مستحيل اني امشي بالعربية بالصوت ده

و كمان بيتي كان بعيد جدا عن المكان اللي حصل فيه الموقف ده


فروحت لواحد معرفة و قالي احنا نجيب التيل الاصلي بس الطنابير عايزة تتخرط

و عملت الكلام ده كلو


بعد كدة عرفت ان العربية مينفعش يتلعب فيها و ان كدة العربية طلعت برة الضمان

فهل اني اخرط الطنابير و اغير التيل برة التوكيل فيه مشكلة مع الضمان و الصيانة؟؟؟؟


و هل سعر التيل الاصلي الامامي 200 جنيه ( انا واخدو بسعر الجملة عشان من ناس معرفة )




و المفروض اني اروج دلوقتي صيانة ال 20 الف ,,,,,,,,,,,و ايه العمل ؟



سؤال تااني :

بعد لما ركبت التيل و عملت الموضوع ده كلو ,,,,,, لاقيت العربية بتحدف يمين شوية ,,,,, و رحت عملت ضبط زوايا و لسة بتحدف

ده يبقى ايه ؟؟؟

كان من المفترض إنك متخليش حد يلعب فيها.وتطلع بيها علي التوكيل علي طول..لكن حصل خير..حضرتك التيل ده متغيرش قبل كده وده واضح من كلامك..وفضل يتآكل لحد ما قفش في الطنبورة.التيل الأصلي بتاعها بيبقي 14 مللي غير كده مش أصلي.وبالنسبة للطنابير تخرطها في التوكيل.عندهم جهاز خرط طنابير بياكل 0.5 مللي بالظبط والدنيا تتظبط إن شاء الله.ومتعرفهمش إنك عملت حاجة برة.وموضوع الحدفة ده هيعالجوه إن شاء الله..

نصيحة لوجه الله..متعملش أي حاجة في العربية دي برة التوكيل.لأن محدش بيفهم فيها غيرهم..كله بيفتي بعد كدة.