اسعار كيا و هيونداى بعد الزيادة

بسم الله الرحمن الرحيم
اللهم صل على محمد وعلى آله وصحبه أجمعين
كانت قاعد مع واحد صاحبى و ورانى ورقه خدها من معرض بتاع قريبو باسعار الكيا و هيواندى و الشيفروليه وبيجو فكتابت اسعار الكيا و الهيواندى و قلت اعرضها عليكو

هنبدأ طبعا بكيا :w6266d
سيراتو اوتوماتيك 105.000
سيراتو ( ف سقف + جنط ) 122.000
سيراتو ( ف سقف + جنط + بصمه ) 128.000
كارينز مانيوال 109.900
كارينز اتوماتيك 119.900
كارينز هاى لاين 135.900
________________

هيونداى
فيرنا كامله مانيوال 68.500
فيرنا اتوماتيك 75.000
نيو اكسنت مانيوال 83.500
نيو اكسنت اتوماتيك 89.500
النترا مانيوال 97.000
النترا اتوماتيك 103.000
ماتريكس مانيوال 93.000
ماتريكس اتوماتيك 99.000
________________

ايه رايكو يا جماعه الأسعار عليت فى الكيا حوالى 8000 :_Alshmokh08[1]:

و بعدين يا جماعه فى الحورات الى بتتعمل دى هما مستخسرين يركبونا عربيات جديدة و لا ايه احنا بنركب العربيه بضعف تمنها فى اى دوله عربيه
و اخيرا حسبى الله و نعم الوكيل

حصل امتى الكلام دة واية السبب ان شاء الله دا الدنيا بترخص مش بتغلى
اخى العزيز انت متأكد من الكلام دة انا بصيت على كونتكت دلوقتى وملقيتش حاجة

انا لسة مكلم كيا ومافيش حاجة غليت يا باشا ياريت تتأكد من الكلام دة

ممكن يكون الكلام ده للكيا الخليجي

اما عن الهيونداي فقد زادت بالفعل

فلتنا و الحمد لله
انا جبت نيو اكسنت يوم 31 يوليو ب 78000 من سمير ريان
وتانى يوم زادت
الحمد لله

يا جماعه كل العربيات هتزيد 9% و كان مكتوب كدة فى الأهرام العدد بتاع الجمعه و دى الأسعار الجديدة بتاعت الموديلات الجديدة و انا جيبها من معرض

الكلام فى الموضع دة بقى كتير ومحدش عارف اية الصح واية الغلط بس الواضح ان احنا هيتنصب علينا وخلاص

اي سيارة مستوردة بالكامل " خاصة السيارات سعة 1600 سي سي" اضيف علي قيمتها ضريبة جديدة" و ليس جمارك" ادت الي ارتفاع الاسعار و هذا الامر ليس خاصا بكيا او هيونداي فقط

و الفيرنا مثلا لأنها مجمعة محليا بنسبة ما لا يزال سعرها في رينجها السابق و لم يرتفع

احسن انا فرحان جدا لان انا كنت جايب عربيتى النترا مانيول 2008 ب106 من سنتين ورخصت بعدها واتحرق دمى اوى يارب تغلى كمان وكمان

الاستاذ/ madaaa
بصراحة أنا مش عرفان انت فرحان ليه، العربيات لما تغلى ده معناه أن قطع غيارها كمان تغلى، وده معناه أن حضرتك حتدفع أكتر فى صيانة العربية؛ إنما لو رخصت زى ما حضرتك مضايق ده معناه إنك مش حتخسر كتير فى صيانة عربيتك لأنك مش هتدفع كتير، وبعدين الطبيعى أن كل حاجة ترخص مش تغلى يا برنس، وأخيراً أنا عايز أسألك انت استفدت إيه لما العربية غلت هل ده معناه أن فلوسك زادت أبداً ................... فكر فيها كده تانى .......................... برضه أبداً، فيا ريت بنقى منطقيين فى تفكيرنا، وشكراً .

اقتباس:

---

المشاركة الأصلية كتبت بواسطة harizy

الاستاذ/ madaaa
بصراحة أنا مش عرفان انت فرحان ليه، العربيات لما تغلى ده معناه أن قطع غيارها كمان تغلى، وده معناه أن حضرتك حتدفع أكتر فى صيانة العربية؛ إنما لو رخصت زى ما حضرتك مضايق ده معناه إنك مش حتخسر كتير فى صيانة عربيتك لأنك مش هتدفع كتير، وبعدين الطبيعى أن كل حاجة ترخص مش تغلى يا برنس، وأخيراً أنا عايز أسألك انت استفدت إيه لما العربية غلت هل ده معناه أن فلوسك زادت أبداً ................... فكر فيها كده تانى .......................... برضه أبداً، فيا ريت بنقى منطقيين فى تفكيرنا، وشكراً .

---

حضرتك اكيد مجربتش تجيب عربية وينزل من تمنها بعد شهر واحد اوشهرين اكتر من 8 الاف جنية . حتى لو قطع غيارها مولعها مش هخسر الفلوس دية كلها انت لو حسبتها هتلاقى ال8 الاف جنية ممكن اعمل بيهم صيانات العربية لمدة سنتين على استخدامى

للعلم الالنترا 1/8/2008 كانت عاملة 106 مانيول توكيل (تاريخ شرائى للسيارة)
1/10/2008 كانت عاملة 96 الف جنية مانيول (بعد شهرين من شرائى )

ودة ممكن عيب السيارات الكورى وتحديدا الهيونداى .
وللك منى ياسيدى جزيل الشكر والاحترام
وكل سنة وانت طيب

اقتباس:

---

المشاركة الأصلية كتبت بواسطة madaaa

حضرتك اكيد مجربتش تجيب عربية وينزل من تمنها بعد شهر واحد اوشهرين اكتر من 8 الاف جنية . حتى لو قطع غيارها مولعها مش هخسر الفلوس دية كلها انت لو حسبتها هتلاقى ال8 الاف جنية ممكن اعمل بيهم صيانات العربية لمدة سنتين على استخدامى

للعلم الالنترا 1/8/2008 كانت عاملة 106 مانيول توكيل (تاريخ شرائى للسيارة)
1/10/2008 كانت عاملة 96 الف جنية مانيول (بعد شهرين من شرائى )

ودة ممكن عيب السيارات الكورى وتحديدا الهيونداى .
وللك منى ياسيدى جزيل الشكر والاحترام
وكل سنة وانت طيب

---

وحضرتك بالصحة والسلامة
بس أنا عايز أقول إن ده لو حصل يبقى أرزاق زى الأعمار كده، يعنى أنت مكتوب لك أنك تشتريها بالسعر ده وأكيد ربنا بيعوض فى حاجات تانية؛ بينما مكتوب لغيرك يشتريها أرخص من كده فدى حاجة ماتزعلش حد.
النقطة الثانية أن الطبيعى أن الأسعار ترخص مش تزيد هى المشكلة بالنسبة لحضرتك فى أن المدة كانت قليلة شوية؛ إنما الطبيعى والعادى إن العربية سعرها يقل عن السنة التى قبلها (زيرو ومستعمل)، وعشان كدة المصانع بتزود الأوبشن أو بتغير الشكل أو الطابلوه لمجرد أن السعر يزيد أو يظل كما هو، ودى برضه وجهات نظر، ومرة أخرى كل عام وحضرتك بخير

انا كنت حاجز سيراتو خليجى 2011 جنط وفتحه سقف abs
كانت ب 108000 لكن فوجئت انها بقت 112000 بس الحمد لله قدرت اجيبها ب110000
بس حرام والله الى بيحصل فى المصريين دول والنهب اللى شغال والقرارات اللى بتنفذ لصالح بعض رجال الاعمال والوكلاء
والضرايب اللى واحد بيدفعها ميت مره فى الشهر
من المرتب مخصوم ضرايب
تشترى العربيه تدفع ضريبه
ترخض تدفع ضريبه
وتامين اجبارى بدون فايده (اتاوه انك راكب عربيه )
لو حبيت تعمل عقد مسجل تدفع ضريبه
حرااااااااااااااااااااااا ااااااااااااااااااااااااا ااااااااااااااااااااااااا ام
بجد البلد بازت

الا سعار دى زياده اوى حوالى 3000 جنيه

اقتباس:

---

المشاركة الأصلية كتبت بواسطة harizy

وحضرتك بالصحة والسلامة
بس أنا عايز أقول إن ده لو حصل يبقى أرزاق زى الأعمار كده، يعنى أنت مكتوب لك أنك تشتريها بالسعر ده وأكيد ربنا بيعوض فى حاجات تانية؛ بينما مكتوب لغيرك يشتريها أرخص من كده فدى حاجة ماتزعلش حد.
النقطة الثانية أن الطبيعى أن الأسعار ترخص مش تزيد هى المشكلة بالنسبة لحضرتك فى أن المدة كانت قليلة شوية؛ إنما الطبيعى والعادى إن العربية سعرها يقل عن السنة التى قبلها (زيرو ومستعمل)، وعشان كدة المصانع بتزود الأوبشن أو بتغير الشكل أو الطابلوه لمجرد أن السعر يزيد أو يظل كما هو، ودى برضه وجهات نظر، ومرة أخرى كل عام وحضرتك بخير

---

بردة انا فرحاااااااااااااااااااااا ان :10D5C8w1107:

انا سمعت عن الموضوع ده و ماكنتش مصدق

مش هما كل شويه يطلعوا اشاعه ان العربيات هترخص على اول السنه بس مش قايلين اى سنه يمكن 2020:E_braces[1]:

كنت بفكر اغير و اجيب زيرو بس دلوقتى هستنى شويتين

كده كده الالنترا الشكل الحالي سعرها هينزل جامد عشان تغيير الشكل

كلام حضرتك مضبوط بس الالنترا مانوال 94500

انا جايب النترا مانيوال 2009 ب 90 الف
ازاي الاكسنت مانيوال تبقى ب 83500 دة استهبال

الأسعار للهيونداي:
ContactCars | السيارات الجديدة بمصر