عايز المشورة من اهل الخبرة معايه 180 الف اجيب فورد ايه ؟

**aYaBooY** · 10-08-2010 12:26 AM

الاخ صاحب الموضوع معلش هاسئلك سؤال رخم شوي ممكن تكتبلي ايه هيا خبرتك في العربيات

**ahmed_fathi** · 10-08-2010 02:44 PM

المشاركة الأصلية كتبت بواسطة aYaBooY

الاخ صاحب الموضوع معلش هاسئلك سؤال رخم شوي ممكن تكتبلي ايه هيا خبرتك في العربيات

اخى العزيز

سؤالك مش رخم ولا حاجة انا هكلمك بمنتهى الامانه

انا معايه دلوقتى فيرنا 2006 وعايز ابعها واشترى واحده جديده وامكانياتى لحد 180 الف
وانا عايز في العربيه الى اشتريها ( مش ناوى ابعها ناوى اخليها معايه لحد 10 سنين مثلا ان شاء الله ) عايز يكون فرشها من جوه والطبلوه شيك جدا
الثبات بتعها عالى وفيها cruise control + multimedia control
وفتحه سقف وموتور 1600 او اعلى
وشنطة واسعه للاستعمال العائلى لان عندى اولاد ( علشان كده بفكر في station )

وكاست سى دى برضه شكله شيك واداء ممتاز طبعا

وجنوط برضه للعجل
اما بخصوص خبرتى في العربيات فانا اكتسبتها من nilemotors عن طريق القراءه والبحث
ارجو انى اكون افدتك علشان تقدر ترشدنى
جزاك الله خيرا مقدما

**احمد فهمى** · 11-08-2010 05:13 AM

المشاركة الأصلية كتبت بواسطة hosam2010

للأسف كلام غير صحيح بالمرة و في تحامل كبير أوي على العربية
أولا قطع غير أغلى من bmw : ده على أساس إن فانوس bmw بي 500 جنيه صح ، بما إن حضرتك معال أوبل ياريت تجب أسعار قطع غيرها من التوكيل أنا هجبلك الفوكس و أتحدى إن الأوبل أغلى و بكتير أوي
ثانيا :في فرق كبير أوي بين الفوكس وال كورولا الجديدة اللي سعرها إستهبال ،لو مش عاجبه الفوكس ممكن يفكر في جتا أو أوكتافيا إنما كرولا صعب تحطها في مقارنة مع الفوكس

1-بى ام من 98 لى 2003 فوانيسها ارخص من الفوكس الجديده وموجوده عند البقالين والموديلات الأعلى ليها بدايل
2-فانوس الفيكترا بيعمل 2000 جنيه تقريبا عند منصور وبره من اول 450 لحد ما انت عايز
وده معناه ان فى بدايل والفانوس مش كل حاجه يا مستر شوف الميكانيكا والكهربا اللى اتحداك ان الفيكترا اللى معايا ارخص فى قطع الغيار من الفيستا مش الفوكس وده مش عيب من الفوكس لا وكيل متخلف عقليا وبياعين قطع غيار محتالين.
بالنسبه للكورولا انا بتكلم انو يبعد عن الأوروبى عشان مشاكله كتير وبيحتاج صيانات على طول وهوه معاه فيرنا ليه نغلبه ونكره فى الدنيا يشوف سيفك او كورولا وانت عارف مبيعطلوش اصلا ولما تيجى تبيع متلحقش تعمل اعلات وكل سنه وانت طيب ومتنساش تصلى التراويح

**احمد فهمى** · 11-08-2010 05:36 PM

المشاركة الأصلية كتبت بواسطة hosam2010

للأسف كلام غير صحيح بالمرة و في تحامل كبير أوي على العربية
أولا قطع غير أغلى من bmw : ده على أساس إن فانوس bmw بي 500 جنيه صح ، بما إن حضرتك معال أوبل ياريت تجب أسعار قطع غيرها من التوكيل أنا هجبلك الفوكس و أتحدى إن الأوبل أغلى و بكتير أوي
ثانيا :في فرق كبير أوي بين الفوكس وال كورولا الجديدة اللي سعرها إستهبال ،لو مش عاجبه الفوكس ممكن يفكر في جتا أو أوكتافيا إنما كرولا صعب تحطها في مقارنة مع الفوكس

وبعدين ايه كلام غير صحيح وللأسف وبالمره اسأل قبل ما تتكلم هى مش مسابقه مين اللى يقنع حد ولعلمك فورد دى تلبيسه محترمه واللى بيدافع عنها واحد شربها قارنها بأى عربيه فى مصر هى اكثرهم اعطال وعشان تبعها ان حد اصلا رضى يشتريها بتنزل النص تقريبا ولو كلامى غلط شوف انت اشتريت بكام ولو حد هيشترى عربيتك هيشتريها بكام وشوف اى عربيه تانيه نظامها ايه

**aYaBooY** · 11-08-2010 06:01 PM

الاخ احمد فتحي
اسف لو كنت اتاخرت عليك في الرد
طيب الفيرنا طبعا مفيش مقارنة بينها و بين اي عربية اوروبي او ياباني
المبلغ الي معاك يجيبلك طبعا تيوتا بس مشكلة الدواسة الي ظهرت و المشكلة ديه مش هينة ابدا طبعا تقلق
و ممكن نقول هوندا و ديه مفيش حد بيقول عليها كلمة بس برده مش عربية سوق قوي
و ممكن نقول في الاوروبي ممكن جيتا او اسكودا او فورد
لو هانقول انك قررت تجيب فورد هيا معايا بس فيستا بقالها سنتين و مشيت بيها 80 الف كم و الحمد لله العربية بالنسبالي مريحة و من اول يوم عارف اني مش هاكسب فيها جنيه عند البيع بس كنت بدور على عربية مريحة
بالنسبة للفوكاس اعتقد انك لو هاتجيبها بال180 طبعا هاتجيب اعلى فئة هاتلاقي ان معاملة الوكيل افضل من غبور ( علشان الكثافة عنده عالية جدا ) المنتج نفسة الماني و طبعا الجودة عالية جدا
طبعا ظهر فيها مشكلة كانت مكتوبة من فترة ممكن تدور عليها بس في موديلات 2006 و 2007 و مسمعتش عنها حاجة تانية انها ممكن تفصل فاجئة و مدورش غير بعد شوية و محدش وصل للمشكلة منين بالظبط
الثبات و معامل الامان داخل السيارة وهمي طبعا انا عن نفسي بيعجبني شكل الصالون الداخلي دور في القسم هاتلاقي كذا موضوع فيه اسعار قطع غيار للعربية ( انا مش شايف انها غالية مقارنتا بفئتها )
موضوع اعادة البيع هيا عربية ملهاش سوق و ده معناه انها هاتنزل مبلغ كبير ( نفس الموضوع بيحصل للعربيات الاوروبية كلها بس بنسب متفاوتة ) لو حبيت تصلح بره التوكيل مش اي حد هايعرف يشتغل فيها غير طبعا الناس المتخصصة فورد
بصفة عامة مش هاتلاقي بدايل كتير لقطع الغيار و ده ليه ميزة انك بتجيب حاجة اصلية و تعيش معاك و صعب تلاقي ليها حاجة مضروبة
ده كلام مني و طبعا الراي الاخير ليك علشان اي قرار هاتاخدة انت الي هاتتحمل مسؤوليتة و نصيحة متحطش كل المبلغ في العربية لازم يكون فيه جزء على جنب لاي دقة نقص و ربنا يوفقك للخير

**hosam2010** · 11-08-2010 06:45 PM

المشاركة الأصلية كتبت بواسطة ahmed_fahmy

وبعدين ايه كلام غير صحيح وللأسف وبالمره اسأل قبل ما تتكلم هى مش مسابقه مين اللى يقنع حد ولعلمك فورد دى تلبيسه محترمه واللى بيدافع عنها واحد شربها قارنها بأى عربيه فى مصر هى اكثرهم اعطال وعشان تبعها ان حد اصلا رضى يشتريها بتنزل النص تقريبا ولو كلامى غلط شوف انت اشتريت بكام ولو حد هيشترى عربيتك هيشتريها بكام وشوف اى عربيه تانيه نظامها ايه

بص أنا الحمدلله بسأل بي دور كويس أوي أبل ماباشتيري و لما إشتريت كنت عارف إن سعر إعادة البيع مش كويس بس ماكانش فارقة معايا لكذا سبب مش مهم تعرفهم ، ووبعدين الكرولا الموديل الأخير إبقى شوف بيخسر كام قبل ما تنصح بيها الأول
، ثانيا ده لستة أسعار بعض قطع الغيار
http://www.nilemotors.net/Nile/86532-a.html
ثالثا فانوس الأوبل على سبيل المثال أغلى بي أربع أضعف من التوكيل بس طبعا أنت مش مقتنع ولا عايز تقتنع
رابعا واضح إن كل معلوماتك عن طريق السمع وال تجار الكلام ده ، ياريت تبقى جربت العربية قبل ما تحكم عليها
خامسا :مش هتكلم على أسلوبك في الكلام لانه واضح للكل

**hosam2010** · 11-08-2010 06:49 PM

حاجة تانية كمان : أنا عيلتي كلها معها أوبل من أيام إل ٩٥ لحد ٢٠٠٨ و مش هاحكيلاك المعاناه بسبب التوكيل و غلو قطاع الغيار الأعطال الكتيرة ، و على فكرة أنا مش بعيب أوبل لكن تاوكيلها ظلمها أوي

**احمد فهمى** · 12-08-2010 03:02 AM

المشاركة الأصلية كتبت بواسطة hosam2010

بص أنا الحمدلله بسأل بي دور كويس أوي أبل ماباشتيري و لما إشتريت كنت عارف إن سعر إعادة البيع مش كويس بس ماكانش فارقة معايا لكذا سبب مش مهم تعرفهم ، ووبعدين الكرولا الموديل الأخير إبقى شوف بيخسر كام قبل ما تنصح بيها الأول
، ثانيا ده لستة أسعار بعض قطع الغيار
http://www.nilemotors.net/nile/86532-a.html
ثالثا فانوس الأوبل على سبيل المثال أغلى بي أربع أضعف من التوكيل بس طبعا أنت مش مقتنع ولا عايز تقتنع
رابعا واضح إن كل معلوماتك عن طريق السمع وال تجار الكلام ده ، ياريت تبقى جربت العربية قبل ما تحكم عليها
خامسا :مش هتكلم على أسلوبك في الكلام لانه واضح للكل

خامسا دى تخليها لنفسك يعنى متحولش تدخل الناس عشان تدعم موقفك ومين الم انى مجربتش الفوكس والمونديو ابل ما اشتر الفيكترا؟؟ عريف انت ؟؟ واتمنى في يوم اعرف وضع فورد ومين وكيلها اصلا بالأضافه والكلام انتهى ولو كملت هكمل والله يعينك عليها مش هيبقى انا والفوكس

-

-

الموضوع: عايز المشورة من اهل الخبرة معايه 180 الف اجيب فورد ايه ؟

LinkBack

أدوات الموضوع

عرض

-

-

-

-

-

المواضيع المتشابهه

محتاج المشورة من اهل الصوتيات الخبرة

ارجو المشورة من اهل الخبرة

محتاج المشورة بخصوص فورد اسكورت

أريد المشورة يا أهل الخبرة

أرجو المشورة من أهل الخبرة وجزاكم الله خيراً

الكلمات الدلالية لهذا الموضوع

المفضلات

المفضلات

ضوابط المشاركة