الموضوع: محتاج مساعدة في الكاوتش !

رجالة :)

انا كنت محتاج اغير طقم الكاوتش عندي ال 4 فرد :) و انا بعد سؤال طوب الارض و الرجالة هنا :)

لقيت انوا الواحد ميركبش 215/45/17 تاني ابداً لو ايه :)

لقيت قدامي الحل اني اركب 225/45/17 زي ما ناس عملت و مي حيأصر اوي ولا حيحك و حيديني ثبات اكتر في الملفات و راحة في الطريق :) لاحظت انوا الجيتا و الرمسيديس و البي ام بينزلوا تقريباً بالمقاس ده

بس ظرب في دماغي فكرة و بعدين بتاع الكاوتش قالي واحد كوبيه عملها قبلك !

الفكرة هيا انوا ركب 245/45/17 في الفردتين الي ورا و 235/45/17 في الفرديتين الي قدام ! قالي محكتش منوا ولا الهوا! انا مش جي في دماغي انوا ركب المقاس العريض ده ! هل الجنط يستحمل و يستوعب المقاس ده من غي ما الفردة تبقا كدة كأن الواحد لابس بطلون ضيق ؟

انا فكرت انوا الواحد ممكن يركب 235/45/17 في الاربع فرد و ده حل وسط يعني !

انا بفكر في مقاس كبير للاسباب ديه :

1- عند اخذ غرزة او انوا الواحد يفادي واحدة بتعدي ولا نقرة ولا غطا بلاعة ولا حتى بطيخة يعرف يعمل كدة من غير ما العربية تعوم ولا لا قدر الله بعد الشر تقلب !
2- المقاس ده حيريح في المشي و يخلي العربية ثابتة في السفر و في الميه !
3- تقليل نسب الاصابة بالبلونة !

ايه رأيوكوا يا جماعة ؟ انا بجد محتار قوي و بقيت خايف من كتر ما الواحد بيسمع عن الحوادث بسبب الغرز ! و انا من كام يوم على السريع بتاع سموحة زاحدة ست بتعدي الشارع الحارتين ده و كان في واحد قدامي و تكس كابس ورايا و كلنا ماشين بتاع 100 و من غير مقدامت لقيت الي قدامي كبس فرامل شيدي و بيحود شمال و انا تلقائي وراه فرامل و القي ست بتعدي فوشي مفيش في نص العربية رحت كاسر مرة واحدة يمين لقيت التكس جي في ضهري حيطير النص الوراني يمين رحت انا كاسر يمين و قلت يلبس فيا التكسي و لا اموت الست ! لولا ستر ربنا رحت كاسر و رجعت شمال تاني و التكس مفيش بملي لقيته على يميني لازق في مريتي و الست خبططت في مرايتي الشمال! و طلعت على الجزيرة !

الموقف ده في اقل من ثانية و الواحد تفكيرة مخلهوش ولا يدي انتظار و لا يعمل الهوا! المشكلة انوا كان معايا الحج و الحجة ! بقوا مذهولين من الموقف! و شوية و فتحوا فيا علشان يهدوا شوية ! مخبيش عليكم انا كنت مصدوم !

مستني الرد :)

ياريت حضرتك تقلنا الاسعار لو سالت عليها