عند نفس السعر تركب 1600 ولا 2000 سى سى

**ezzatfox** · 23-12-2008 08:43 AM

انا رايى 2000 و ال 1600 اهدار للمال بدون نتيجة هنعمل اية بهذة المواتير فى ظل الطرق المصرية و زحامها دة انت اخرك 100 او 120 كم على الدائرى و جوة البلد محدش هيزود عن كدة .
يبقى احسن اختيار 1300 كفاية اوى

**Eng_yahia_ali** · 03-03-2009 04:06 PM

لو سوناتا او جالينا يبقوا افضل من 1600سي سي المنتشر في مصر
وخصوصا انهم مجمعين محليا والضرايب عليهم مش زي منتا فاكر
بس برده في انواع 1600 سي سي افضل منهم زي السيفك والميجان وبس

**أشرف فتحى** · 03-03-2009 06:21 PM

اللى بيستخدم العربيه جوه البلد والعربيه بالنسبه له وسيله انتقال يرحمه الله بها من المواصلات يبقى 1600او 1500 كمان بس اللى بيسافر كتير وعايز عربيه فخمه هايجيب 2000 او اكتر وزى المثل ما بيقول كل مش عارف ايه على اد مش عارف ايه

**mahmoudzaied** · 03-03-2009 10:22 PM

انا اشترى 1600 طبعا لظروف البنزين وكمان الضريبة وكمان سعرها يمثل الشركة اللى بتصنعها
احسن من 2000 سى سى بنزين كتير وضريبة عالية وكمان ممكن متبقاش بكفاءة ال 1600
احنا هنا فى مصر مش محتاجين غير عربية 1600 عشان السفر السرعات هنا مش عالية بسبب الطرق
لكن لو فى السعودية هات كامرى 2300 سى سى السفر والطرق هناك حلوة
انا حصل معايا نفس الحوار والدى اشترى لانسر 1300 اضمن من الاوبترا والصنى والجين 2 ال 1600

**dinow** · 03-03-2009 11:09 PM

1600 طبعا عشان البنزين الواحد فلوسه كلها بقت راحه على البنزين

**powerofhelll** · 04-03-2009 07:52 AM

علي فكره انتوا فاهمين الموضوع غلط
الموضوع بيفرق في الاستيراد و التجميع المحلي بعدين العربيه ال 2000 طبعا احسن من ال 1600 في نفس الفئه بعدين استهلاك البنزين مش بيفرق كتير او ده طبعا لو العربيه مش كربراتير
و بعدين انت عندك الاستعمال مثلا ب 117 ممكن تركب bmw 525 ,523
بيجو 406
كامري
المواتير الكبيره دي نعمه

**heshaaam** · 05-03-2009 06:07 AM

انا مع 1600

احنا ف مصر يعنى معروف اخرنا ايه ف السواقة

البنزين ف مصر عمره مابينزل وبيبقى ف العلالى

اى فلوس زيادة عايزين يضربوها تراخيص بنزين جمارك بيبقى ع العربيات 2000 وانت طالع

الحجم والزحمة وال 2000 كثيرا بيبقى كبير الحجم

انت ممكن تجيب مرسيدس وبى ام 1600 لو غاوى فخامة

**ahmed1611** · 02-04-2009 07:56 PM

1600 اقتصاديه في مصر من 2000سي سي من نحايه
البنزين و مصاريف التجديد الرخصه

**bishoy02010** · 02-04-2009 09:04 PM

المشاركة الأصلية كتبت بواسطة sab3aawy

هو بس فيه اضافة بسيطة

ان العربيات المعروضة من فئة ال 2000 سى سى فى نفس الشر يحة السعرية بتاعه ال 1600 سى سى هى عربيات مجمعة محليا وبالتالى تخضع لنفس الشريحة الجمركية على المكونات،حيث ان جمارك مكونات السيارات المحلية لا تتأثر بالسعة اللترية، وسعر النيسان إكس تريل والشيوركى المجمعتان محليا اكبر دليل على ذلك،، لكن الواقع يقول ان السيارت ال 2000 سى سى اللى حضرتك ذكرتها من فئة جحم اكبر ، يعنى مثلا انت بتقارن السيارة سبيرانزا A620 او السيارة جالينا او السيارة سوناتا ، وكلها من فئة 470 سنتيمتر مقابل اللانسر والكورولا والأوكتافيا والميجان وهى سيارات من فئة 450 سنتى متر ، اى الفئة الأصغر، فالواقع انك هنا بتقارن حجم ومحرك اكبر واسم تجارى ذو قيمة اقل، مقابل حجم ومحرك كلاهما اصغر واسم تجارى ذو قيمة اعلى، يعنى الفرق هنا هو فرق الماركه مقابل الحجم والمحرك ، وليس فرق الجمارك والضرائب مقابل المحرك، لأن السيارات المستوردة 2000 سى سى سعرها بعيدا جدا عن الفئة دى (من اول 300 ألف وطالع)

+11111 وانا اختار ال 2000 سىسى :) بس مش بتاع الجالينا والسبرانزا :) بتاع بى ام ههههههههههههه

**abo_hosni** · 02-04-2009 09:18 PM

لو هاتكلم عن اللي يمشي معايا حالياً و في مصر يبقى 1600

لكن بغض النظر عن ظروف بلدنا و مع الاعتذار للبيئة، أحب ال2000 أكتر من 1600 طبعا، و لو هنخرج عن عنوان الموضوع أحترم أكتر كمان ال 6 سلندر و 8 سلندر و كل ما هو قوي بدون تعديلات و يا سلام بقى لو دفع خلفي. و بلاش نحاول نقنع نفسنا خطأ بحاجات اضطرتنا ليها ظروف البلد. صحيح احنا بنتكيف مع الظروف دي لكن ما نقنعش نفسنا بحاجات زي (احنا آخرنا 1300، عايز أكتر من كده إيه إلخ.. ) إحساس القوة مطلوب و نعمة و راحة و مش شرط للسرعة و السفر لكن داخل المدينة كمان و في كل وقت. صحيح ال504 قوية (و في الطلعة بتغطس من الخلف و تشب من الأمام) لكن في إحساس افتقده من يوم ما سبنا البونتياك V8 4.9l

لما ربنا يقدرني و أقدر أصرف لوحدي على عربية جديدة بموتور كبير في مصر سأنضم لحزب أعداء البيئة الكبار نافثي العادم الكتير

مشاهدة نتائج الإستطلاع: عند نفس السعر تركب 1600 ولا 2000 سى سى ؟

الموضوع: عند نفس السعر تركب 1600 ولا 2000 سى سى

LinkBack

أدوات الموضوع

عرض

-

-

-

-

المواضيع المتشابهه

تركب أونو_ولا بونتو_فرق السعر مش كبير_بس الأداء!!_طيب قطع الغيار؟؟

جوليت 2000 كاملة استفسار عن السعر للبيع

انا شايف ان الانسر 1600 افضل سياره من حيث السعر بلا منافس

اية هى انواع الكربيراتير الى ممكن تركب ل 132 ال 2000

لانوس 2000 فول اوبشن للبيع السعر مفاجاة

الكلمات الدلالية لهذا الموضوع

المفضلات

المفضلات

ضوابط المشاركة