الموضوع: التكييف و الكهرباء و الحصان ..

المشاركة الأصلية كتبت بواسطة jo1968

انامش عارف ليه الناس واخده فكره وحشه عن اليونيون اير ........... صدقنى انا مركب يونيون اير فى حجره وكاريير فى التانيه والكاريير راكب احدث ومع ذللك اليونيون اير تبريده اسرع وبيفصل اكتر طبعا علشان سرعه تبريده ............ علما بان الحجرتين نفس المساحه والتكيفين 2.25 حصان اسبليت

ربنا يباركلك فيه

هو فعلا ممكن تبريده يكون احسن بس على حساب استهلاك الكهرباء شويه

و لى زملائى كتيير مهندسين صيانه هما اللى كرهونى فيه

المشاركة الأصلية كتبت بواسطة tameromarw

جهازي فريش سمارت ميرور 1/5 حصان وبمناسبة الصيف اللي داخل علشان الناس تاخد بالها وكلا م المهندس عن مكيفات فريش
شغال عندي كويس بالنسبة للتبريد
اما المشكلة في المصري دايما ان الحلو ما يكملش
خاصية النوم sleep وهي انه بعد ساعه يرفع درجة الحراره 1 درجه وبعد ساعه تانيه يرفعها 1 درجه وبعدين يفصل بعد 5 ساعات
للاسف مش شغاله عندي من اول يوم تركيب للمكيف وبعدين كلمت الشركه وطبعا لان المكيف شغال مهتموش وكلامهم حاضر هنبعت كارته لا العيب من الكارته
بالمهم بعد شهرين من المكالمات سافرت والكارته مجتش
رجعت وكلمتهم بعد اسبوع جات الكارته بس للاسف كانت فاصله القديمه شغاله والجديده فاصله وعجبي
رجع الفني وقال حاضر وبعد 3 يوم جابوا كارته جديده بالرسيفر والريموت
الخلاصه الريموت الجديد مش بتاع الجهاز اللي عندي لانه مش فيه مفتاح البلازما
خاصية النوم بردو مش شغاله
كلمتهم وقالوا هنبعتلك فني من عندنا لمحافظتك (لان اللي كان شغال توكيل الصيانه )
شويه وكلموني ويظهر كبرو دمغهم لان ايه يعني ان خاصيه مش شغال وهنغير الكارته كام مره
قال لي المهندس وعرف نفسه انه المدير
ان خاصيه النوم في السمارت مش بتشغل لان الجهاز بيرفع لوحده درجه الحراره ل26 درجه بعد 1 ساعه
وبكده خاصيه النوم مش متفعله في الجهاز ده السمارت بالذات
كلام مضحك جدا وغبي جدا
لان خاصية النوم مكتوبه في الكاتالوج + موجوده بمفاتيح الريموت + في خصائص الجهاز علي موقعهم +ضمن شروحات الدعايه والبوسترات علي جميع المواقع والاعلانات
ومعني كلام اني كل ساعه همسك الريموت وانزل درجة الحراره كل ساعه لو عايزها علي 20 مثلا
بحب اشجع المصري بس للاسف
ديما المصري ناقص
صورة الجهاز

أنا عندي جهازين فريش سمارت العادي 1.5 حصان وخاصية sleep شغالة عادي مفيهاش أي مشاكل وعلى فكرة فريش سمارت الكباس بتاعو GREE مش توشيبا زي ما البياعين بيقولوا

المشاركة الأصلية كتبت بواسطة hema1975

انا عن نفسى قعدت ادور كتيييير قبل ما اشترى لدرجة انى حفظت استهلاك الاجهزة

و كمان مهندس ميكانيكا و بعمل تصميم فبشوف الارقام كتيير

جهاز فريش هيكون ليه مستقبل كويس فى مصر بس هما بيستعبطوا و بيغلوه بس مواصفات الجهاز كويسه و قريبه من الشارب بس يا ريت يكونوا محترمين فى خدمة ما بعد البيع لان يبقى التفوق للشارب عن كل الاجهزة فى حتة الضمان و الوكيل اللى بجد مفيش احسن منه فى مصر

حضرتك بتتكلم عن انهي موديل في فريش تكييفات فريش موديلاتها كتير سمارت وسمارت ميرر وجلوري والجانت وترونيك وكلهم مش زي بعض

المشاركة الأصلية كتبت بواسطة omarmakeen

أنا عندي جهازين فريش سمارت العادي 1.5 حصان وخاصية sleep شغالة عادي مفيهاش أي مشاكل وعلى فكرة فريش سمارت الكباس بتاعو GREE مش توشيبا زي ما البياعين بيقولوا

GREE اسمع عنها انها من ضمن 3 شركات علي مستوي العالم في صناعة الكباسات وعلي مستوي عالي من الجوده هيه وهيتاشي وتوشيبا
شكرا لردك بس ممكن تقولي لو شغلت خاصية sleep بيفصل بعد اد ايه ؟ ولا مش بيفصل خالص بيرفع درجة الحراره بس ؟

والله يا باشا أنا اشتريت التكييف في اخر الصيف وماشغلتوش 10 أيام على بعض بس أنا كل اللي فاكره أنا التكييف كان بيفصل كتير وكنت بحس ان درجه الحراره ارتفعت فعلا بس مش بيبان على الشاشة غير درجه الحراره اللي إنت ظبطها على فكرة هي خاصية ملهاش أي لازمة علشان بعد فترة هتحس بالحر وهتلغي خاصية sleep

امبارح قلت اجرب التكييف كده على المود التبريد من غير sleep وظبطوا على 22 كان شغال كويس والكباس بيفصل بس المروحة اللي في الوحدة الدخلية مافصلتش خالص ..... ده طبيعي ؟