السلام عليكم...
عندى هوندا اتش 2005 و واللة محبوبتى.. بقالى كتير ما عملتش الصيانة و العربية بقالها كتير بيحصل فيها حاجات مش طبيعية.. ان شاء اللة هعملها صيانة فى الفطيم الاسبوع دة...
من ضمن الحاجات اللى قلقانى قوى:
لما أدور العربية و أطلع بيها من الجراج, و هو عبارة عن مطلع Inclination العربية بتتهز جامد بعد كدة تثبت.
لو جيت خدت ملف على ضيق العربية بتتهز جامد لما أدوس بنزين..
لو كنت واقف و دوست بنزين العربية بتتهز جامد... مثلا فى رينج ال 10 أو 20 كيلو\ساعة حد يفهمنى اللى بيحصل قبل ماروح و البس..
تأجيل الصيانه أو تطنيشها بيفقد السياره قيمتهااقتباس:
بقالى كتير ما عملتش الصيانة و العربية بقالها كتير بيحصل فيها حاجات مش طبيعية
وبيخللى تكاليف الصيانه الأضطراريه أكبر من الصيانه الوقائيه
فأعرض السياره على مركز الصيانه للكشف على المحرك والعفشه
لتحديد المطلوب من أعمال صيانه
وياريت بس تكون متابع جدول تغيير الزيوت والسيور
وخصوصا سير الكاتينه
لأن هو ده اللى ملوش حل وميطنش لاهو ولا الزيت
اقتباس:
المشاركة الأصلية كتبت بواسطة samirayad
هى اية العفشة دى حضرتك؟ معلش و الكاتينة؟ سير الفرامل قصد حضرتك ولا الليف؟ كاتينة الزيت؟ أنا لسة مغير الزيت من شهر عن طريق الضبة مش شفط.. بس فى ناس قالولى ان العجل محتاج يترصص.. و فى ناس بتقوللى السي في تي محتاج يتغير أو محتاج زيت.. السي في تي الاوتوماتيك هيتعمل لأنة المفروض كان اتعمل السنة اللى فاتت.. اية رأيك؟
عربيتك اوتو ولا عادى لو مانيوال يبقى طقم الدبرياج تعب وبالنسبه للأهتزازات الى بتتكلم عنها ممكن تكون قواعد موتور بس واضح أن حضرتك أهملت فى صيانتها شويات ودا مش فى مصلحتك دخل العربيه الصيانه وهما هيقولولك محتاجه أيه بس ما تتخضش من اللى هيقولولك عليه لأن شكلهم هيقولو كتير
انا كنت هقول طقم دبرياش بس بما انها اتوماتيك كده يبقي بص علي قواعد الماتور
بالنسبه للكاتينه دا سير داخلي بيوصل بين البساتم والتاكيهات فوق بمعني ابسط علشان ظبط دخول الهواء والبنزين مع حركه الباساتم
متهيا ليه الفرامل ما لهاش اي علاقه بالرجه اللي انت فيها
العفشه دي مقصود بيها الاجزاء المسؤوله عن الحفاظ علي ثبات العربيه وكذلك عن مرونه اخذها للمطبات علشان ما تضرش العربيه وانت ما تتخبطش في السقف ودي منقسمه لحاجات كتيرررررررر
مساعدين وسوست
شددات وموازين
بطاحات
حتي اجزاء من علبه الدريكسيون بتخش ضمن تصنيف العافشه زي الاسكترا
معلش انا تهوتك خلاصه الكلام بص علي قواعد الماتور والعافشه والكبالن
معلش سوؤال مهم اوي ممكن يكون برضه من الاسباب
هيه العربيه 4*4
لو كده بص علي الصليبه اللي تحت وارد جدا يكون فيها مشاكل
هية فعلا 4 * 4 .. طيب نقول كدة قواعد الموتور + الكبالن + العفشة + الصليبة اللى تحت ؟
الصليبة هى المحور (الأكسس)؟؟ بتاع العربية؟ أنا فعلا ما بعملش حركات بيها لأنى باستحرم.. بس واللة أنا زعلان كدة...
لو موضوع القواعد دة بسيط ولا عاوز شغل و كطع غيار أصلية و خلافة؟ مش دى المصامير اللى رابطة الموتور للشاسية؟
و لو موضوع الصليبة برضة ممكن يتحل ولا عاوز خلافة...؟