الحشكبوللي, و ما أدراك ما الحشكبوللي

**zeyad1810** · 03-03-2008 06:52 PM

القصة تبدأ كالتالي

مرة واحدة ست راحت مطعم فقالت : بس بس بس انت يا متر -

المتر جه و هو راجل محترم ابن ناس كدة زيكوا بس الزمن جار عليه
و اشتغل متر بعد ماعيلته فلست و باع عربيته و متجوزش البت شلبية اللى
كان بيحبها المهم مش دة موضوعنا

قاللها : أأمري يا هانم

قالتله : عايزة واحد سكلوب و واحد سلطة

قالها : بس كده؟

قالتله : لا و كمان عايزة 2 جوز حمام و 3 كيلو كباب و فرختين

الراجل عينيه و سعت و قال بس كده قشطة هنعمل شغل النهاردة

و قالها : بس كل ده كتير يا هانم انتى مستنية حد ؟

>>قالتله : لا الكباب و الحمام و الفراخ للحشكبوللى الصغير

>>الراجل بص للسقف وقال حشكبوللي؟

المهم قالها تحت امرك

>>الراجل مشى وعمال يفكر مين الحشكبوللي الصغير ده انا مش شايف معاها حد

جاب الطلبات و مشى و قعد مستنى يشوف مين الحشكبوللي الصغير ده

الست قعدت تاكل فى الاسكلوب و السلطة و سابت الباقى لحد ما تخلص

الراجل قال اكيد لسه الحشكبوللى موصلش

المهم الست خلصت أكل و طلعت علبة صغيرة خالص كده و قعدت تدخل الاكل جوة العلبة
.. والراجل قاعد يتفرج ودماغه هتشت

الست تدخل الاكل و الاكل بيدخل فعلا جوه العلبة الصغننة دي و بيخلص و تدخل الاكل و بردة عمال يدخل وهى تدخل الاكل و عمال يدخل

المهم الاكل خلص

خدوا بالكوا انهم 3 كيلو كباب و 2 جوز حمام و فرختين بحالهم دخلتهم جوه العلبة خلاص

و قالتلوا : بس بس بس انت يا متر

الراجل راحلها بعد ما عينيه احوّلت وقالها : تحت امرك يا هانم

قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو ;كباب و 2 جوز حمام وفرختين

المتر قالها : انا تحت امرك يا فندم...و مشى وهو بيعرج و جاب الاكل و
حصل نفس اللى حصل و الست تتدخل الاكل فى العلبة و الاكل يخلص

راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة امشى يلاّ هاتلى دستتين جاتوة و فرووت سلات و 3 ام على علشان الحشكبوللى الصغير عايز يحلّي

الراجل مشى و هو بيدعى على نفسه و يلعن اليوم اللى اتولد فيه وقال
عليّا الطلاق من البت شلبية اللى ماتجوزتهاش ما انتى ماشية قبل ماعرف
العلبة دي فيها ايه

و جاب الحاجة والست طبعا قعدت تدخل الاكل العلبة لحد ما الاكل خلص و
ندهت المتر و قالتله : الحمام فين عايزة اغسل ايدى

الراجل ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما الست راحت الحمام راح يفتح العلبة

بيفتــــــــــــح العلبة و بص فيها
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>

>>
>>..
>>
>>..
>>
>>
>>
>>لقى حشكبوللــــــــــــــي صغيّر

**دموع الثلج** · 03-03-2008 07:02 PM

ههههههههههههههههههههههههه هههههههههههههههههههههه

والله بتهررج ليا سسسساعه متحمسسسسسسسه عاوزه اعرف الحشكبولى يطلع ايه فى الاخر طلع حششكبوللى صغير كمان هههههههههه

**ams** · 03-03-2008 07:21 PM

ههههههههههههههههههههههههه ههههههههههههههههههههههههه
يا حشكبوللــــــــــــــي يا حشكبوللــــــــــــــي

**hazem_khidr** · 03-03-2008 08:34 PM

ههههههههههههههههههه
توقعت انه لقي حشكبولي صغير قبل ما اقرأ
هههههههههههههههه

**Dr Ahmed** · 04-03-2008 12:09 AM

دنا اللى هحطك فى العلبة بدل الحشكبوللى

ماشى

**memoz** · 04-03-2008 12:20 AM

اههههههههههههههه احنا فينا من كده

ماشي انتظروا رائعة البطه الصفرااء قريبا:d

**Hassan Khalil** · 04-03-2008 01:04 AM

دي الحالات اللي كنت فيها و انا بقرأ

عند قراءة العنوان
:) :) :) :) :) .. حلو الحشكبوللي ده .. اكيد حاجة كده زي الحنكليز .. و اللا تلاقي فيه شبه من الطمبلوظ
..
اثناء القراءة

ومازلت ...

عند الاقتراب من النهاية .. الحشكبوللي ده شكله حيطلع حاجة ظريفة .. بكره ابقي اقول لاصحابي عليها

عند قراءة النهاية و لمدة ثانية واحدة فقط ... ثــــــــم ...

و بعد تدارك الامر.. و مراجعة نفسي .. لقيت ان الدنيا متستاهلش ..و بقيت كده ...

;) ;) ;) ;)
:p :p :p :p :p :p
:D :D :D :D :D :D :D :D