والله يا يوكو _ال500 واللينيا_والأيفو_اكتر عربيات تستاهل تمنها فى مصر(افضل سعر لافضل قيمة).
عرض للطباعة
والله يا يوكو _ال500 واللينيا_والأيفو_اكتر عربيات تستاهل تمنها فى مصر(افضل سعر لافضل قيمة).
شاكر اوي
يبقي الي مزود تمن العربية الشريحة الي هيا فيها الي الجمارك فيها زيادة فبالتالي رفعت سعرها والتوكيل بريء
العربية واخدة احسن عربية صغيرة الحجم في امريكا
انا عارف ومتاكد ان اخبار اليوم كان افضل كتير من اوماترا فى الصيانه.. بس بامانه اوماترا بيستهبلوا اخر حاجه يعنى انا لما كان معايا السيينا كان فيها مشكله فى الفرامل قاللى المفروض نغير الطنابير قدام وورا وتيل الفرامل قدام وورا...
بكام بقى الكلام دة؟؟؟ قاللى الطنابير اللى قدام ب 700 جنيه قلت عادى والتيل اللى قدام او ورا ب 300 جنيه و قاللى الطنابير اللى ورا ب 1650 بجد كنت هاشتمه وكمان زود 10% ضريبه ومصنعيه...!
قلت له اصلا العربيه بكام عشان تتكلم كدة دى كلها ماتعملش 37000 وطنابير الفورد فوكاس ب 400 جنيه فى التوكيل.. قعد يحور ويقوللى اصل اليورو ومش اليورو.. طب وانا مالى يا عم بالجو دة وازاى يبقى تيل الفرامل فى عربيتى يبقى بتمن تيل الفرامل فى الجراند بونتو وانا عربيتى اقدم منها ب 7 سنين...
دة غير انهم بجد مرعبين لما بينزلوا عربيه جديدة.. يعنى مثلا الفيات البيا دى ياعينى لو حد جابها المفروض يعمل ايه؟؟ دى نزلت سنه واختفت وطبعا اعادة البيع صفر... والالعن البرافو ال 1400 ال 77 حصان.....!!! نزلت ب 135000 والموتور اتغير بعد سنه وبنفس السعر؟؟؟
ونفس الموضوع فى اللينيا ال 77 حصان؟؟
لا بجد توكيل سىء.. بس للاسف مش هو بس انا بشتكى من توكيل فولكس مر الشكوى وياما اتخانقت هناك.. وسرفيس زباله..
هو بجد افضل خدمه مابعد البيع غبور و فورد و رينو.. كله فعلا بيشكر فيهم