الفورد كا , نزلت هنا في اوتوماك 2009 و سعرها 99 الف جنيه
عرض للطباعة
فيات 500 مفيش فيها نقاش بس زي ما الناس قالت فوق , عشان ثقافة الناس في مصر هنا قائمة على الفشخرة فيقلك فيات ايه , انا لما جيبت الجراند ناس كتير فضلت تقلي دي في الاول و الاخير فيات وده الي خلاني اتأكد واجيبها, لان في نظر الناس الفاهمة هيقدرو اختيارك وده لكل فأت الفيات , بس تقول ايه بقى على الفشخرة المصريه , انا مكنتش عايش في مصر هنا بس اكتشفت ان الناس هنا بتفكر بكل حاجه بطريقة فريدة من نوعها بسبب الظروف الي هما عايشين فيها و وده مينزلش من فيات بس كل واحد عندو احتياجاتو وميزانيتو فزي ما بيقلك كل واحد ينام لى الجنب الي بريحو
بس الجراند احلى ال500 d:
انا بيتقالى نفس الكلام ولما يجى حد يتكلم اقوله ياعم متتكلمش على حاجه متعرفهاش و تعالى ياعم بعربيتك الى انت فرحان بيها ديه قدام فيات الى لا راحت ولا جت اسمها فيات شوف بقى هتعمل ايه صح ولا انا غلطان وهتعمل معاه الصح و الواجب المظبوط
او خده على قد عقله وخلاص و فيه مثلا اسمه لاتجادل المجادل و ان كنت صحيحا
كل واحد يتكلم زى ماهو عايز هما فالحين فى الكلام و الاعلانات واحنا لينا الاداء و الفخامه والراحه
والى بيقول ده بق قولوا تعلى اثبتلك وورينى اخرك هيسكت
و اعرف واحد كان عاوز يجيب فيات لينيا بس طبعا الناس قعدت تزن عليه و تقولو اصبر وبرده سيبك من فيات و اشترى عربيه كروز هو كان من بورسعيد وطبعا عندهم هناك منطقه حره و كان بيركب سيفيك ولانسر و ميراج و عربيات جميله و مع والده بى ام 520و كان عنده بيجو 405 برستييج ال 2000 سى سى و حاجات نضيفه و اخيرا سيفيك بس بيسافر مصر كتيييييير فالمنطقه الحره مش واخد راحتوا فى مصر فباعها و جاب كروز ديه و الراجل جايبها قسط ولحد دلوقتى العربيه مش عاجبه ومش مقتنع بيها حتى لما ركبتها معاه معجبتنيش التابلوه نااااااشف اوى وبلاستيك و الحاجات تزيق كده وفعلا فرق السما و الارض بينها وبين اللينيا
بص
باختصار و الخلاصة في رأيي
الناس في مصر اغلبها ماشي ورا كلام التجار
التاجر يعرف كلمتين بس
قطع الغيار و اعادة البيع
عشان كده فيه عربيات معينة بتنتشر جامد اوي , و عربيات لأ مع انها ممكن تكون احسن
لكن في النهاية ... مش كل فئات العربيات بتناسب كل الناس , و الا ما كانش حد اشترى اوربي اصلا و كان الكل اشترى كوري
لكن الواقع ان فيه حاجة بتبقى منتشرة اوي , وراها حاجة بتتباع بنسب قليلة تتناسب مع عدد الناس اللي عايزينها
بس كده
:)
توكيل فيات عمل انقلاب بال500 بس للاسف مش لعامة الشعب عاوزين خلاصة الشعب بس ودة في راي تفكير مش مظبوط لانهم يعتبرو انهم لسة نازلين مصر قريب فلازم يركزو الاول علي موديل يستدهدف شريحة كبيرة من الشعب شوف مثلا عمك غبور نزل فيرنا ونزل انترا الاتنين شكل معقول وسعر معقول عشان كدة هيونداي اخدت اكبر مبيعات السنة الي فاتت واكبر استيراد السنة دي للعربيات تخش مصر
لا غبور مش عمي مع احترامي
:)
فيات في النهاية ماركة أوروبي ...
فولكس منزلة البوينتر و الباراتي و مش فاكر ايه كمان تحت 100 ألف
كلهم صنع في البرازيل
البولو و الجولف و الجيتا كلهم فووووووووووووووووووق
أوبل منزلة الأسترا و الفيكترا فوق ال150
رينو لها اللوجان في رينج الستينات , و دي اول مرة تعملها , اللي فوقيها السيمبول كانت بحوالي 90 ألف , ثم الميجان و الفلوانس فوق ال120
بيجو نفس الكلام
سيات نفس الكلام
فيات لها البونتو كلاسيك في الستينات , و الجراند بونتو ( و اللينيا) في التسعينات و فوق 100 ألف , و كذلك ال500 فوق 100 ألف , ثم البرافو فوق 130 ألف , يعني زيها زي اي ماركة اوربي في الآخر
انا مش عارف بتقارنها بأي ماركة كوري ازاي
:)
مع احترامي , اوماترا , و انا مش بصدد الدفاع عنها , لها عيوبها اللي الناس هنا متفقين بخصوصها
لكن اللي حضرتك بتتكلم فيه ده مش عيوب اوماترا , دي سياسة فيات نفسها في انتاج عربياتها , و مع احترامي برده
دي مش عيوب
:)
شكرا
زي ماسياتك قولت الاوبل نزلت استرا والفيكترا وكلهم فوق 150 بس تلاقيهم منتشرين
حتي الرينو نزلت الفلوانس والسيمبول بس انتشروا بطريقة قوية حتي انها وصلت هنا في الاقاليم عندنا وكلهم فوق ال100 الف
تقدر بقي تفسري الموضوع دة اهي نفس الشريحة بتاعة الفيات بس الفيات ملهاش سوق خالص لية
بص اولا فى القاهره فيات انتشرت جدا جدا جدا فى القاهره ياعنى بشوفها بمعدل مش اقل مش اقل من 7 عربيات فى اليوم
ده اولا
ثانيه حضرتك بتتكلم عن عربيه هاتش باك ماشى شوف ال i20 مش موجوده ومحدش اشترها لاغيت دلوقتى شوفتها 3 مرات بس
i30 بشوفها كل فيييييييين و فيييييييييين وقليله جدا
الكيا سول برده مبشوفهاش كتير
فالعربيات الهاتش باك مش واخده حقها فى مصر احنا بنحب العربيات الكبيره ومثلا فيات فى السعوديه ملهاش مبيعات عشان الهاتش باك السعوديه بيحبوا العربيات ال 7 متر ياعنى الكامرى او اكورد او التيما او جيب مبيحبوش العربيات الصغيره ديه
العربيات ديه مصممه للزحمه فى ايطاليا و استهلاك البنزين الاقل
ولا تنفع امريكا بص بيركبوا عربيات عامله ازاى
و اللينا التوكيل جاب كميه قليله و باعها ومجبش تانى
هو مادام العربيه منتشره تبقى حلوه عشان تعرف بس العربيات المنتشره جدا و بكتره اسوء العربيات
ياعنى الكيا سيراتو واحترامى لكل ملاكها شوف الفئه بتعتها هتلاقيها اقل عربيه فعلا
عربيه نازله بتمن المازدا و اللينيا و النيسان تيدا و عربيات كتير تانيه
بس ايه ياعم انا اشترى عربيه متجربه و الناس عرفاها و عارفين اعطالها واشترى حاجه انا بشوفها كل يوم واكيد من الكتر اتعرف ايه اكتر اعطالها بس ده سبب الانتشار و اه حاجه شكلها جميل و خلاص و شوف بقى الى معاهم جراند ولا برافو راجل سايق العربيه بيتمتع بيها حاجه للمزاج و يا باشا احنا مش عايزين العربيه تنتشر انتشار رهيب عشان برده يبقى فيه تميز وتبقى المميز وسط جيرانك او اصحابك او قرايبك
و شوف بقى بيجو الى مش بنشوف منه غير 405 و 504 دلوقتى و نادر جدا
شوف ستروين
شوف رينو غير اللوجان
شوف السيات
شوف الاوبل الجديد
شوف المازدا
السوبارو
شوف الفولكس عشان بتعمل عربيات كبيره زى الباسات و الجيتا عشان كده بنشوفها ومنتشره بس بص الجولف تقريبا مش بنشوفها و الشيروكو نااااااااااااادر جدا
ياعنى فيات بالنسبه للعربيات ديه منتشره و ده حال اى عربيه هاتش باك فى مصر انا مثلا هدفع 150 الف لازم العربيه تكون كبيره اوى عشان احس انها عربيه ولو بنظريتك ديه يبقى البريليلنس الجيلينا ديه ولا معرفش اسمها ايه فوق ال 140 و بشوفها اكتر من الفيات يبقى احسن منها
المصرى بيقولك ايه انا هاخد مراتى و الاولاد 3 عيال و لا حاجه و الحجه و الحج و اطلع المصيف هينفعوا عربيه هاتش باك وكمان عايز ارخص سعر قطع غيار سواء معمر ولا مش معمر مش مهم انا عايز سعر رخيص ولما احب ابعها ابعها بسرعه ده حال معظم العربيات الكورى عربيات سيئه عربيه مش للمتعه عربيه مش ركوبه
ولما تعرف ليه النيسان صنى منتشره عن الرينو سكالا مع ان الرينو سكالا تقفيل بره ود الصنى تقفيل مصر شكلها احلى وشكل جديد غير الصنى و نفس كل حاجه الصنى وهيا بتتحط عليها نيسان صنى بره فى السعوديه ودول الخليج لما تعرف ليه النيسان صنى منتشره عن السكالا مع ان توكيل رينو الكل بيشكر فيه هتعرف ليه الفيات مش منتشر زى الكورى