توكيل الفيات جي من كوكب تاني

**mohamedmmm2** · 14-09-2010 12:33 PM

المشاركة الأصلية كتبت بواسطة phantiza

هل يعقل عربية ب1300 سي سي حجم المدالية حجم صغير جدا نازلة بسعر 112 الف
مفي مليون بديل ليها عندك تيروس عندك لانسر شارك عندك اوكتافيا موديل حديث

على فكرة انت فيه ابعاد كتير واقعه منك... مش كل حاجه تتشاف فى السعر انت لازم تبص على ابعاد تانيه..
زى الموتور مش قوته بس الخامات اللى مصنوعه منه والتكنولوجيا اللى فيه (فيه مثلا مواتير بتبقى وشها الومنيوم او كلها زى اغلب الجاجوار)
وعندك برضه الخامات اللى فى العربيه ممكن جدا تبقى غاليه وممكن جدا جدا تبقى خامات احسن واعلى من البرافو كمان..
وفيه كمان وقت التصنيع عندك مثلا المينى كوبر تكلفه انتاجها اكبر 3 مرات من مثيلاتها مع انهم تقريبا نفس الاداء (زى الهوندا سيفيك type R او ال تويوتا كورولا هاتش باك او الاوبل كورسا "الكلام دة بالنسبه للموديلات اللى برة مش فى مصر لاختلاف المواتير") وخد بالك انا بقول تكلفه الانتاج يعنى التكلفه من وقت لخامات لاجهزة لعماله..
والكلام دة بينعكس على العربيه دقه الصنع والعمر الافتراضى يعنى مثلا شوف مينى كوبر عامله مثلا 100000 كيلو هاتلاقيها زى ماهى ولا اتغير فيها حاجه ولا محتاجه حاجه غير السرفيس الطبيعى.. بس اى عربيه تانيه ممكن بقى من ال 80000 كيلو تلاقيها عاوزة مساعدين على طقم دبرياج على حساس باظ ولا جلب مقصات..
انا معاك فعلا ان اى حد يبص على السعر يقول دة استهبال ازاى وبتاع طب مافكرتش ليه مع انها اصغر مثلا من الجراند بونتو الا انها اغلى؟؟ والموديل التانى بتمن البرافو؟؟ ازاى مع انهم هما الاتنين فيات؟؟؟
لازم تبقى نظرتك مش سطحيه تبص على الموضوع من برة بس
وغير كدة كل حاجه ليها زبونها واللى ينفعك ماينفعش غيرك والعكس

**mohamedmmm2** · 14-09-2010 12:34 PM

وعلى فكرة كلام يوكو مظبوط 100% العربيه برة عاملين لها بروباجاندا رهيبه وهى اكبر منافس للمينى كوبر و فى كذا احصائيه اثبتوا ان ال 500 افضل من المينى

**moh.aboelkheir** · 14-09-2010 12:52 PM

المشاركة الأصلية كتبت بواسطة mohamedmmm2

والله الراجل دة بيقول احلى كلام:b4_388:

+11111111111111
مرة رحت احد اكبر معارض السيارات ... نسئل مندوبي المبيعات عللى العربية يقول ( 1600 Cc مش عارف كام حصان ... فول اوبشن ... و يقعد يعقدك بالاوبشنز بتاعتها ... و يقولك الفرق ما بين عربية و عربية بناء على الاوبشنز و السي سي ... نيجي بقى نسئل :
الارتفاع عن الارض ...
الفرامل
نوع suspension
اي سؤال يدل على انك فاهم في العربية
يقولك عرووووووووووووووووستييييي ييييييي

بجد بيستغلو جهل اغلبية الناس و نظرتهم الخارجية ( الاوبشنز و كدة ) علشان يبيعو

**mohamedmmm2** · 14-09-2010 01:32 PM

اصلها بالنسبه له وظيفه مش اكتر.. بس فرج الله قريب هاتشوف ان الفترة اللى جايه دى ان الناس هاتتجه للاوروبى بدل الكورى والصينى والكلام دة... وانا اراهن

**yoko** · 14-09-2010 03:30 PM

المشاركة الأصلية كتبت بواسطة monster245

+11111111111111
مرة رحت احد اكبر معارض السيارات ... نسئل مندوبي المبيعات عللى العربية يقول ( 1600 cc مش عارف كام حصان ... فول اوبشن ... و يقعد يعقدك بالاوبشنز بتاعتها ... و يقولك الفرق ما بين عربية و عربية بناء على الاوبشنز و السي سي ... نيجي بقى نسئل :
الارتفاع عن الارض ...
الفرامل
نوع suspension
اي سؤال يدل على انك فاهم في العربية
يقولك عرووووووووووووووووستييييي ييييييي :e_braces[1]:
بجد بيستغلو جهل اغلبية الناس و نظرتهم الخارجية ( الاوبشنز و كدة ) علشان يبيعو :i_angr1[1]:

أقولك لفظ إتقالي من أحد المندوبين -بره مصر- "العربيه بالنسبالي سلعة زي زي بياع البطيخ الي يهمني الزبون الي يخش يطلع شاري العربيه وخلاص!!!!"