انا ناوي ان شاء الله اجيب لانوس جديدة
ياريت حد يقولي ايه اخبارها وعيوبها وهل موديل 2011 نزل ولا لسه
مع اني بسافر كتيير ومحتاج عربية تستحمل
عرض للطباعة
انا ناوي ان شاء الله اجيب لانوس جديدة
ياريت حد يقولي ايه اخبارها وعيوبها وهل موديل 2011 نزل ولا لسه
مع اني بسافر كتيير ومحتاج عربية تستحمل
لا انصحك بالشيفروليه لانوس ,, الافضل دايو لانوس كسر زيرو وحاله نضيفه
ليه ماتنصحوش بالشيفورليه اللانوس مع ان ماتور الشيفورليه اللانوس الجديد بتاع الدايو اللانوس الكامله و العربيه الهاف اوبشن الشيفورليه ضفيرتها كامله يعنى لو عاروز تجيبها هاف و تكملها بعد كده هتجيب القطع و تركب بدون اى اضافات ده غير انها فيها علبة بيئة و ودة ال egr بناعة العادم و الشاسيه و الصاج هما هما و الدليل وزن العربية متغير
يا عم اتكل على الله و هات شيفورليه لانوس انا معايا و العربيه سحب و ثبات افضل بكتير من الدايو القديم و لو عاوز تتأكد ده تليفونى 0125460172 م أحمد صبرى
على فكرة الفرق فى الاداء مش كبير اوى للدرجادى وبعدين الزيرو برضه هيكون افضل من المستعمل
يقال والله اعلم أن تقفيل منصور مش 100 %
حضرتك لو قارنت بين جوده الخامات في الدايو وجوده الخامات في الشيفروليه وبعض اجزاء داخليه منهم , هتعرف ليه مش بنصحه بيها
انا معايا دايو , ومن خلال معرفتي بعربيات شيفروليه بتاعت اصدقائي المقربين واصدقائي في المنتدي هنا اقدر اقولك ان جوده الدايو افضل بكتير من الشيفروليه
وانا مش عايز حضرتك تعتبر ان كلامي عن الشيفروليه هو تشويه لصورتها او رفعه لسمعة الدايو , لكن بقول نصيحه ورأي خاص بي , واظن ان لو في ناس كتير بتختلف معايا ف رأيي فأتوقع ان في اكتر منهم هيوافقوني ان الشيفروليه مش افضل من الدايو
وفي النهايه لما صاحب الموضوع ربنا يكرمه بعربيه سواء دايو او شيفروليه مش انا اللي هركبها او اعاني من مشاكلها او استمتع برفاهيتها , انا بس بقوله نصيحه لوجه الله , له ان يقبلها او يرفضها , واتمناله ان ربنا يكرمه ويوفقه بالصالح ان شاء الله
حضرتك اعمل بحث في المنتدى عن كلمه شيفروليه لانوس , وشوف كميه المشاكل والعيوب اللي بتظهر في العربيات موديل 2010 , وبعد 2000 كم مثلا , من عيوب في بوبينه لطلمبه بنزين لعيوب في الطنابير و و و و و و