التدخين اكبر اشتغاله فى التاريخ
يعنى لا بيسبب انبساط ولا هدوء ولا أى مشاعر مفرحه ولا حتى استرخاء
كل العمليه أن الى بيحصل أن الجسم كله وخاصتا المخ بيتعود على النيكوتين أو بمعنى ادق بيدمن النيكوتين فلما بتنقص النسبه ديه فى الجسم (بعد 20 دقيقه من السيجاره ) بتبدأ اعراض زى قلق وتوتر واضطراب وعدم تركيز .... الخ الاعراض الى المدخنين عارفينها كويس ( المدخن بيسميها خرمان )
والاعراض ديه تبدا تزيد حبه حبه كل ما النيكوتين يقل فى الدم (يبقى خرمان اكتر )
اول ما تشرب سيجاره تلاقى الاعراض ديه اختفت مره واحده فطبعا هتسحس بالانبساط والسعاده والمدخن يقولك (دماغى اتظبطت )
يعنى كان واحد خانقك من رقبتك طول الوقت ومجرد ما تشرب سيجاره يسيب رقبتك لمده 20 دقيقه فتحس أنك مرتاح
لكن بعد ال 20 دقيقه يرجع تانى يمسك رقبتك حبه حبه ويضغط كل شويه اكتر فتروح مولع سيجاره تانيه عشان تخليه يشيل ايده ويفضل المدخن فى الدايره ديه طول عمره
أنا واحد من الى ربنا تاب عليهم عقبالك وكل المبتلين
المفضلات