أشتري ايه في حدود 65 ألف ؟؟؟

**DR_SARA** · 08-08-2010 03:56 PM

انا كنت عايزة اشتري لانسر حاجة تبقى في حدود 63_68 ألف

بس للاسف مش عارفة الاقي طلبي خالص يافووووووق اوى ياتحت اووووي

ولاني مستعجلة بقا ، وزهقت كمان

ياريت حد يقوللى على عربية كويسة في نفس الحدود دي ( 60 _ 65 ) ألف ، أوتوماتيك

مع انى بحب اللانسر جدا وكان نفسي اشتريها بس الظاهر مش هيبقى في نصيب

وايه رأيكم في هيونداي النترا 2007 ؟؟

انا عارفة ان مفيش وجه مقارنة بس مضطرة اي عربية والسلاااااااااام

ياريت ترشحولي حاجة اشتريها

**hardman20060** · 08-08-2010 04:46 PM

اول حاجه عشان تجيبي لانسر اوتوماتيك صعب اوي بالسعر ده اقل حاجه هتبتدي من 73 عشان نقول حاله كويسه وتكون موديل 2005 مثلا ولو فكرتي في النترا 2007 اوتوماتيك عمرها ما هتقل عن 75 عشان بردو تبقي حاله كويسه .
في واحد صحبي معاه عربيه ماتريكس 2005 كامله اوتوماتيك لونها احمر وحالتها ممتازه جدا هو بيطلب فيها 70 الف .

**mexir** · 08-08-2010 05:15 PM

الاخ الفاضل هارد مان ممكن اعرف العربية الماتريكس عاملة كام على العداد وشكرا ليك

**ahmedamr** · 08-08-2010 06:32 PM

يا دكتورة سارة لية مفكرتيش فى اوبل فيكترا احسن من كل دول المانى وثبات فظيع وشكلها شيك وتكيف تلاجة
كفاية انها فيكترا

**hfekry** · 08-08-2010 06:49 PM

ممكن تشوفى لانسر المكواة موديل 2001 & 2002 & أول 2003
فى الغالب هيا فى السعر ده

**hardman20060** · 08-08-2010 11:03 PM

المشاركة الأصلية كتبت بواسطة mexir

الاخ الفاضل هارد مان ممكن اعرف العربية الماتريكس عاملة كام على العداد وشكرا ليك

عامله 53000كم

**DR_SARA** · 09-08-2010 12:11 AM

المشاركة الأصلية كتبت بواسطة hardman20060

اول حاجه عشان تجيبي لانسر اوتوماتيك صعب اوي بالسعر ده اقل حاجه هتبتدي من 73 عشان نقول حاله كويسه وتكون موديل 2005 مثلا ولو فكرتي في النترا 2007 اوتوماتيك عمرها ما هتقل عن 75 عشان بردو تبقي حاله كويسه .
في واحد صحبي معاه عربيه ماتريكس 2005 كامله اوتوماتيك لونها احمر وحالتها ممتازه جدا هو بيطلب فيها 70 الف .

المشكلة مش في السعر بقدر ماهوا خوف عالعربية اللى هتيجي ، لانى لسه جديدة في السواقة

ومينفعش احط مبلغ اكتر من ده ، ساعتها مش هحرك العربية من أدام البيت ، او اشيلها وامشي بيها بدل ماتمشي بيا

المشاركة الأصلية كتبت بواسطة ahmedamr

يا دكتورة سارة لية مفكرتيش فى اوبل فيكترا احسن من كل دول المانى وثبات فظيع وشكلها شيك وتكيف تلاجة
كفاية انها فيكترا

فكرت طبعا في اوبل 2001 _ 2002 بس دي الماني يعني زي مابيقولو ( حريقة بنزين )

وعايزة مصاريف كتير
جدا غير قطع غيارها الغالية

المشاركة الأصلية كتبت بواسطة hfekry

ممكن تشوفى لانسر المكواة موديل 2001 & 2002 & أول 2003
فى الغالب هيا فى السعر ده

ياريت بجد ده اللى بدوّر عليه فعلا وشكلها كويس بالنسبة لي بردو

ومصاريفها مقدور عليها ،، ادعيلي الاقيها

بردو عايزة اسمع رأيكو في النترا 2007 لان في واحدة ادامي تعتبر كويسة وصاحبها طالب فيها 70

**uubaby2000** · 09-08-2010 12:25 AM

اختى سارة ...
ابعدى عن المستعمل لان استحالة حد يبيع عربية وميكونش فيها عيب الا لو هتجبيها من واحد معرفة انتى بنت مش هينفع تجيبى عربية وتروحى كل يومين تلاتتة عن الميكانيكى مينفعش بنت تقعد عند ميكانيكى ... حتى لو العربية شكلها كويس لازم يكون فيها عيب مش ظاهر ... مفيش عربية كورى بتتركب الا مرة واحدة يعنى الكورى زى الهيونداى والكيا وغيرهمم اصلا ضعيفة ومحتاجة عناية جامدة مينفعش تتباع وحد يشتريها تانى هى تتركب مرة واحدة بس

رأيى هاتى جديد اوتوماتك وحافظى عليها وتبقى عربيتك حتى لو عربية صغيرة او هاتشباك هتكون افضل الف مرة من المستعمل
اى تن اوتوماتك او بيكانتو اوتوماتك وربنا يوفقك

**hazoom2006** · 09-08-2010 12:31 AM

المشاركة الأصلية كتبت بواسطة uubaby2000

اختى سارة ...
ابعدى عن المستعمل لان استحالة حد يبيع عربية وميكونش فيها عيب الا لو هتجبيها من واحد معرفة انتى بنت مش هينفع تجيبى عربية وتروحى كل يومين تلاتتة عن الميكانيكى مينفعش بنت تقعد عند ميكانيكى ... حتى لو العربية شكلها كويس لازم يكون فيها عيب مش ظاهر ... مفيش عربية كورى بتتركب الا مرة واحدة يعنى الكورى زى الهيونداى والكيا وغيرهمم اصلا ضعيفة ومحتاجة عناية جامدة مينفعش تتباع وحد يشتريها تانى هى تتركب مرة واحدة بس

رأيى هاتى جديد اوتوماتك وحافظى عليها وتبقى عربيتك حتى لو عربية صغيرة او هاتشباك هتكون افضل الف مرة من المستعمل
اى تن اوتوماتك او بيكانتو اوتوماتك وربنا يوفقك

انا مع حضرتك انها بنت ومش ينفع تروح كل يوم عند الميكانيكى بس برده هيه مش هتجيب عربيه موديل سبعينات وانا معاك جدا فى ان انسب حاجة للبنات الهاتش باك وخصوصا البيكانتو

دكتورة سارة لو الالنترا حالتها كويسة خديها اعملى عليها فحص شامل فى التوكيل وشوفى التقرير وشوفى عامله كام كيلو متر والصيانات بتاعتها فى التوكيل ولا لا

وبرده فكرى فى النيسان صنى 2006 او 2007 هتكون فى حدود المبلغ ده

ملحوظة : فى ناس كتير بيقولو الاتوماتيك فى الكورى بيعطل كتير

**m000dy** · 09-08-2010 10:30 AM

والله انا رأيى انك ماتحطيش المبلغ ده كله فى عربيه مادام جديده فى السواقة
هاتى عربيه صغيره هاتش باك كورى زيرو زى الكيا بيكانتو لسببين
اولا سهله فى اعادة بيعها الى حد ما
ثانيا صغيره فى الحجم الخارجى فتقدرى تتحركى بيها بسهوله من غير تخبيط واذا خبطتى فقطع غيارها مش غاليه زى الفيكترا او النيسان
وياريت بلاش تجيبى حاجه زيرو نصيحه
عشان عند البيع سعرها بيقل دى لو فابريكه فمابالك لو واخدالها خبطتين تلاته
ساعتها هاتلاقى خسارتك كبيره لكن لو عربيه موديل حديث نسبيا زى موديل 2006 ل 2008 هاتاخديها بمبلغ كويس ولو بهدلتيها هاتتباع بخساره معقوله تكاد لا تكون
سنه وهاتى العربيه اللى نفسك فيها يكون المبلغ اللى معاكى كبر
اخيرا احب اقوللك ما تستعجليييييييييش عشان ماتندميش
لو حسيتى انك استعجلتى فى شرا عربيه معينه هاتكرهيها ولو كرهتيها هاتحسى ان فلوسك وقعت فى الارض
بلالالالالالالاش استعجال فى شرا العربيات بالذات اللهم بلغت اللهم فاشهد